ADDED : நவ 30, 2025 01:17 AM

நிறம் மற்றும் எழுத்துரு அளவு மாற்ற
கோபி: அ.தி.மு.க.,வில் இருந்து நீக்கப்பட்ட முன்னாள் அமைச்சர் செங்கோட்டையன், நடிகர் விஜய் தலைமையிலான தமிழக வெற்றிக் கழகம் கட்சியில் சேர்ந்துள்ளார். இந்நிலையில், நேற்று முன்தினம் இரவு, சென்னையில் இருந்து, கோபி வந்தார்.
கோபி குள்ளம்பாளையம் பண்ணை வீட்டில் தங்கியுள்ள அவரை, பல்வேறு பகுதிகளில் இருந்தும் த.வெ.க.,வினர் சந்தித்து வருகின்றனர். இதையடுத்து, அவரது பாதுகாப்புக்கு, இரு பவுன்சர்கள் நியமிக்கப்பட்டுள்ளனர்.
வட மாநிலத்தை சேர்ந்த, பவுன்சர்கள் இருவரும், அவர் பங்கேற்கும் நிகழ்வுகள் மற்றும் அவர் செல்லும் இடங்களுக்கெல்லாம் உடன் செல்கின்றனர். அவர்களை, த.வெ.க., தலைமையில் இருந்து அனுப்பி வைத்துள்ளதாக கட்சியினர் தெரிவித்தனர்.

