மதுரையில் வேலுநாச்சியார் மேம்பாலத்தை முதல்வர் ஸ்டாலின் திறந்து வைத்தார். பின்னர், மதுரைக்கு பல்வேறு திட்டங்களையும் அவர் அறிவித்தார்.

இதுகுறித்து முதல்வர் ஸ்டாலின் தமது எக்ஸ் வலை தள பதிவில் குறிப்பிட்டு உள்ளதாவது;

கருணாநிதி நூற்றாண்டு நூலகம், கருணாநிதி நூற்றாண்டு ஏறு தழுவுதல் அரங்கம், பிரமாண்டமான கீழடி அருங்காட்சியகம், உலகத் தரத்தில் ஹாக்கி மைதானம் இவைதான் நமது திராவிட மாடல் அரசு பேசும் மதுரைக்கான வளர்ச்சி அரசியல்.

எய்ம்ஸ் வராது; மெட்ரோ ரயில் தராது, கீழடி ஆய்வறிக்கையை மறைக்கும் பா.ஜ. பேசும் அரசியல்.

தமிழகத்தில் என்றும் சமத்துவ தீபம் எரியும்! வளர்ச்சியின் ஒளி பெருகும்.

இவ்வாறு முதல்வர் ஸ்டாலின் அதில் குறிப்பிட்டுள்ளார்.