அவரது அறிக்கை:

கேரளாவில், சபரி மலையில் தரிசனத்திற்காக காத்திருக்கும் லட்சக்கணக்கான பக்தர்கள், அடிப்படை வசதிகளின்றி அவதிப்படுவதாகவும், தமிழர் உட்பட 10 பேர் கூட்ட நெரிசலில் உயிரிழந்துள்ளதாகவும் வரும் செய்திகள் வேதனை அளிக்கின்றன.

ஹிந்து கடவுள்களின் மீதுள்ள வெறுப்பில், 'இண்டி' கூட்டணியினர் ஆளும் மாநில அரசுகள், ஹிந்துக்களை பழிவாங்க துவங்கி விட்டனவா?

மற்ற கோவில்களை போல் அல்லாமல், 41 நாட்களுக்கு பின் நடை திறக்கப்படும் சபரிமலையில், குழந்தைகளுடன் பக்தர்கள் குவிவர் என்பது, அம்மாநில கம்யூனிஸ்ட் அரசுக்கு தெரியாதா அல்லது ஹிந்து கடவுளை தரிசிக்க வருபவர்கள் எக்கேடோ கெட்டு போகட்டும் என, கைகழுவி விட்டு விட்டனரா?

இப்படி நாத்திக போர்வைக்குள் ஒளிந்து கொண்டு, ஹிந்துக்களை மறைமுகமாக வதைக்கும் பெரும் பாவம் தான், நாடு முழுதும் 'இண்டி' கூட்டணி அரசுகளை, அரியணையில் இருந்து ஓட ஓட விரட்டி கொண்டிருக்கிறது.

சபரிமலை வரும் பக்தர் களுக்கு தேவையான அடிப்படை வசதிகளை, கேரள கம்யூனிஸ்ட் அரசு உடனே செய்து தர வேண்டும்.

தமிழகத்திலும், திருச்செந்துாரில் முருகனை தரிசிக்க வரும் பக்தர்களை ஆடு, மாடுகள் போல அடைத்து வைக்கின்றனர். அவர்களுக்கு தேவையான வசதிகளை, தமிழக தி.மு.க., அரசின் ஹிந்து அறநிலைய துறை செய்து தர வேண்டும்.

இவ்வாறு அதில் கூறப்பட்டுள்ளது.