வாஷிங்டனில் செய்தியாளர்களிடம் டிரம்ப் பேசியதாவது: இந்தியா-பாகிஸ்தான் போர் அடுத்த கட்டமாக அணு ஆயுதப்போராக மாறியிருக்கும், அவர்கள் ஏற்கனவே 7 ஜெட் விமானங்களை சுட்டு வீழ்த்தியிருந்தனர். அது ஒரு கொந்தளிப்பான நிலை. நான் (அவர்களிடம்) சொன்னேன், 'உங்களுக்கு வர்த்தகம் செய்ய வேண்டுமா? நீங்கள் சண்டை போடுகிறீர்கள் என்றால், நாங்கள் உங்களோடு எந்த வர்த்தகமும் எதுவும் செய்ய மாட்டோம், இதை தீர்த்துக் கொள்ள உங்களுக்கு 24 மணி நேரம் உள்ளது' என்றேன். அதன் பிறகு ' சரி இனி எந்த போரும் நடக்காது என்று அவர்கள் சொன்னார்கள், நான் இந்த மாதிரி பல சந்தர்ப்பங்களில் பயன்படுத்தியுள்ளேன். வர்த்தகத்திற்கு தேவையான அனைத்து கருவிகளையும் நான் பயன்படுத்தினேன்.

இவ்வாறு டிரம்ப் பேசினார்.

போர் நிறுத்தம் ஏற்படுவதற்கு அமெரிக்கா எந்த விதத்திலும் காரணம் இல்லை; பாகிஸ்தான் ராணுவ டிஜிஎம்ஓ நேரடியாக இந்தியாவின் ராணுவ டிஜிஎம்ஓ உடன் பேசியதால்தான் போர் நிறுத்தம் ஏற்பட்டது. அமெரிக்க அதிபர் கூறுவதை ஏற்கனவே மத்திய அரசு மறுத்துவிட்டது குறிப்பிடத்தக்கது.