பதிவு செய்த நாள் :
கருத்துகள் (78)  கருத்தை பதிவு செய்ய
எழுத்தின் அளவு:

சென்னை: சட்டசபையில், நேற்று, அமைச்சர் பேச் சை, சபை குறிப்பில் இருந்து நீக்கக் கோரி, அமளியில் ஈடுபட்ட தி.மு.க., - எம்.எல்.ஏ.,க்கள் வெளியேற்றப்பட்டனர். நடப்பு கூட்டத் தொடரில், இதுபோல், அவர்கள் வெளியேற்றப்படுவது, இது, நான்காவது முறை என்பதால், 'தி.மு.க., - எம்.எல்.ஏ.,க்கள் இந்தக் கூட்டத்தொடர் முழுவதும், சபை நடவடிக்கையில், கலந்து கொள்ள இயலாது' என, சபாநாயகர் அறிவித்தார்.

சட்டசபையில், நேற்று, தமிழகத்தின் சில பகுதிகள் வறட்சியால் பாதிக்கப்படுவதால், விவசாயிகளுக்கு ஏற்பட்டுள்ள பாதிப்பு குறித்து, கவன ஈர்ப்பு தீர்மானம் கொண்டு வரப்பட்டது. இதில், எதிர்க்கட்சி உறுப்பினர்கள் பேசினர். இதற்கு, பதில் அளித்து, வருவாய் துறை அமைச்சர் உதயகுமார் பேசினார்.அப்போது அவர், ''வறட்சி, வெள்ளம், 'சுனாமி' போன்ற பேரிடர்களை, கையாள்வதில் தமிழக அரசு, நாட்டிலேயே முன்னணியில் உள்ளது. ஆனால், 'சுனாமி' தமிழகத்தைத் தாக்கிய போது, தி.மு.க.,வினர் ஓடி, ஒளிந்து கொண்டனர்,'' என, குறிப்பிட்டார்.

எதிர்ப்பு: இதற்கு, தி.மு.க.,வினர் கடும் எதிர்ப்பு தெரிவித்தனர். 'அமைச்சரின் பேச்சை, சபை குறிப்பில் இருந்து நீக்க வேண்டும்' என, சபாநாயகருக்கு கோரிக்கை விடுத்தனர். தி.மு.க., மூத்த தலைவர்கள், துரைமுருகன், ஸ்டாலின் எழுந்து நின்று, சபாநாயகரை தொடர்ந்து வலியுறுத்தினர்.அவர்களுக்கு ஆதரவாக, தி.மு.க., - எம்.எல்.ஏ.,க்கள் அனைவரும், எழுந்து நின்று கோஷமிட்டனர். திராவிட மணி, அன்பழகன், சக்கரபாணி, பெரியகருப்பன், ராமச்சந்திரன் ஆகியோர், சபாநாயகர் இருக்கையை சுற்றி நின்று வாதிட்டனர். ''தி.மு.க., உறுப்பினர்கள், இருக்கைக்கு செல்ல வேண்டும். தொடர்ந்து பேச வாய்ப்பு அளிக்கப்படும்,'' என, சபாநாயகர் தெரிவித்தார்.

மேலும், சபை முன்னவரும், நிதி அமைச்சருமான ஓ.பன்னீர்செல்வமும், ''விளக்கம் அளிக்க வாய்ப்பு அளிக்கப்படும். தி.மு.க., உறுப்பினர்கள், இருக்கைக்குத் திரும்ப வேண்டும்,'' என, வேண்டுகோள் விடுத்தார்.இந்த வேண்டுகோள்களை ஏற்காத, தி.மு.க., -எம்.எல்.ஏ.,க்கள்,' அமைச்சரின் பேச்சை, சபை

குறிப்பில் இருந்து, நீக்க வேண்டும்' என, தொடர்ந்து வலியுறுத்தினர். சில எம்.எல்.ஏ.,க்கள், சபாநாயகர் இருக்கை முன், தரையில் அமர்ந்து, கோஷம் எழுப்பினர். அதைத் தொடர்ந்து, திமு.க., - எம்.எல்.ஏ.,க்களை வெளியேற்றும்படி, சபை காவலர்களுக்கு, சபாநாயகர் உத்தரவிட்டார். தரையில் அமர்ந்திருந்த, தி.மு.க., - எம்.எல்.ஏ.,க்களை, குண்டுக் கட்டாகத் தூக்கி, சபை காவலர்கள் வெளியேற்றினர். அவர்களைத் தொடர்ந்து, பிற தி.மு.க., - எம்.எல்.ஏ.,க்களும் வெளியேற்றப்பட்டனர்.

தரையில் அமர்ந்து: சபையில் இருந்து, 'லாபி' பகுதிக்கு சென்ற தி.மு.க.,வினர். அங்கும் தரையில் அமர்ந்து கொண்டு கோஷம் எழுப்பினர். இதைத் தொடர்ந்து, ''லாபியில் இருந்தும், அவர்களை வெளியேற்றுங்கள்,'' என, சபாநாயகர் உத்தரவிட்டார்.'லாபி'யில் அமந் திருந்து கோஷமிட்ட, எம்.எல்.ஏ., ஒருவரை, தூக்கிச் சென்று, சபைக்கு வெளியே, காவலர்கள் அனுப்பினர். தி.மு.க.,வினரின் கோஷம், அதைக் கண்டித்து, ஆளும் கட்சி எம்.எல்.ஏ.,க்களின் கோஷம் என, சட்டசபையில், 10 நிமிடங்களுக்கு மேலாக, கூச்சல், குழப்பம்நிலவியது. யார், என்ன பேசுகிறார் என்பதே கேட்கவில்லை. தி.மு.க., - எம்.எல்.ஏ.,க்கள் வெளியேற்றப்பட்டதை கண்டித்து, புதிய தமிழகம் கிருஷ்ணசாமி, மனித நேய மக்கள் கட்சி எம்.எல்.ஏ.,க்கள் வெளிநடப்பு செய்தனர்.

அதன்பின் சபையில் நடந்த விவாதம்:
மா.கம்யூ., பாலகிருஷ்ணன்:
வருவாய் துறை அமைச்சரின் பேச்சை சபை குறிப்பில் இருந்து நீக்கி, தி.மு.க., - எம்.எல்.ஏ.,க்களை, சபைக்கு அனுமதிக்க வேண்டும்.
சபாநாயகர்: சபையில், ஏதாவது ஒரு அமளியை ஏற்படுத்தி, சபையை நடத்த விடக் கூடாது என, முடிவு செய்து, தி.மு.க.,வினர் சபைக்கு வருகின்றனர். ஒரு பிரச்னை குறித்து பேச வேண்டிய நேரத்தில், தேவையில்லாமல் அமளி செய்து, என் இருக்கையைச் சுற்றிக் கொண்டு, கோஷமிடுகின்றனர். தி.மு.க.,வினரின் செயலை சரி என்கிறீர்களா?
பாலகிருஷ்ணன்: தி.மு.க.,வினர், சபாநாயகர் இருக்கையை சுற்றிக் கொண்டு கோஷமிட்ட

Advertisement

செயல்களை, நியாயப்படுத்தவில்லை. அதே நேரத்தில், அமைச்சர் சொல்லிய கருத்தால், பிரச் னை ஏற்பட்டது. எனவே, அக்கருத்தை, சபை குறிப்பிலிருந்து நீக்கிவிட்டு, சபைக்குள் அவர்களை அனுமதிக்கலாம்.
சபை முன்னவர் ஓ.பன்னீர்செல்வம்: தி.மு. க., - எம்.எல்.ஏ.,களிடம், 'பேச வாய்ப்பு அளிக்கப்படும்; இருக்கைக்குசெல்லுங்கள்' என, நான் விடுத்த வேண்டுகோளையும் அவர்கள் ஏற்கவில்லை.
சபாநாயகர்: அவர்கள், தகாத வார்த்தைகளால் பேசினர். எனவே, சபையில் இருந்து வெளியேற்றப்பட்டனர்.இவ்வாறு விவாதம் நடந்தது.இதே கோரிக்கையை, தே.மு.தி.க., - எம்.எல்.ஏ.,க்களும் வலியுறுத்தினர். ஆனால், சபாநாயகர் ஏற்கவில்லை.சிறிது நேரம் கழித்து, சபாநாயகர் அறிவிப்பு ஒன்றை வெளியிட்டார்.

அதன் விவரம்:
தி.மு.க., உறுப்பினர்கள், வேண்டுமென்றே திட்டமிட்டு, என் உத்தரவை மீறி, என் இருக்கைக்கு அருகில் வந்து, குழுவாக அமர்ந்து கொண்டு, மறியல் நடத்தும் நோக்கத்துடன், சபை நடவடிக்கைகளுக்கு, இடையூறு செய்தனர். சட்டசபை விதிகளை,மரபுகளை, துச்சமெனக் கருதி செயல்பட்டனர். சபை முன்னவரை பேச அழைத்தபோது, அவரது பேச்சையும் கேட்க பொறுமையின்றி, கை நீட்டி பேசிக் கொண்டு, அவை நடவடிக்கைகளுக்கு, குந்தகம் விளைவித்துக் கொண்டிருந்தனர்.சபையை நடத்த விடாமல், தொடர்ந்து, திட்டமிட்டு, சபை நடவடிக்கைகளுக்கு குந்தகம் விளைவித்ததால், சபையிலிருந்து சபை காவலர்களால் வெளியேற்றப்பட்டனர். இக்கூட்டத் தொடரில், நான்காவது முறையாக, தி.மு.க., உறுப்பினர்கள், வெளியேற்றப்பட்டுள்ளனர். பேரவை விதி, 120ன் கீழ், ஒரு உறுப்பினர் இரண்டு முறைக்கு மேல் வெளியேற்றப்பட்டதால், அவர் அந்தக் கூட்டத் தொடர் முழுவதும், அவை நடவடிக்கைகளில், கலந்து கொள்ள இயலாது.தி.மு.க., உறுப்பினர்கள், இரண்டாவது முறையாக வெளியேற்றப்பட்ட போதே, இந்த கூட்டத் தொடர் முழுவதும், சபை நடவடிக்கையில் கலந்து கொள்ள இயலாது என, அறிவித்து இருக்கலாம். ஆனால், அவர்களும், தங்களின் ஜனநாயகக் கடமையை நிறைவேற்ற வேண்டும் என்ற அடிப்படையில், அவை நடவடிக்கையில் பங்கேற்க அனுமதிக்கப்பட்டது. எனினும், தொடர்ந்து வேண்டுமென்றே, சபை நடவடிக்கைகளுக்கு, இடையூறு செய்து கொண்டு, நான்காவது முறையும் வெளியேற்றப்பட்டுள்ளதால், தி.மு.க., உறுப்பினர்கள், இந்தக் கூட்டத் தொடர் முழுவதும், சபை நடவடிக்கையில், கலந்து கொள்ள இயலாது.இவ்வாறு, சபாநாயகர் தெரிவித்தார்.

Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (78)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Baski - Chennai,இந்தியா
24-ஜூலை-201401:12:01 IST Report Abuse
Baski சபாநாயகர் பெயரை ஒரு முறை கூட போடவில்லை... மம்மி கட்டளையோ?
Rate this:
Share this comment
Cancel
Krishnan Narayanan - Fenton,யூ.எஸ்.ஏ
24-ஜூலை-201400:53:50 IST Report Abuse
Krishnan Narayanan எங்கிருந்தோ வந்தாள், என்ன தவம் செய்தோமோ அய்யஹோ என்றோம் அவள் விடுவதாக இல்லை இனி போனால் போகட்டும், வேறு வழி இல்லை
Rate this:
Share this comment
Cancel
R.Subramanian - Frisco,யூ.எஸ்.ஏ
23-ஜூலை-201420:24:42 IST Report Abuse
R.Subramanian திருகவினருக்கு ஒரு வேண்டுகோள்.பிரிந்துபோன அழகிரியை சமாதானபடுதுங்கள், கொள்ளை அடித்து வைத்துள்ள சொத்துக்களை காப்பாற்ற வழிதேடுங்கள். குடும்ப உறுப்பினர்களின் சொத்து தகராறு மற்றும் அபகரித்து வைத்துள்ள நிலங்களை காப்பாற்றி வழக்குகளிலிருந்து வெளி வர வழி தேடுங்கள். 2 அலைக்கற்றை வழக்கிலிருந்து ராஜாவை காப்பாற்ற முயற்சி மேற்கொள்ளுங்கள். வயதான தலைவர் கூடவே இருந்து காலத்தை ஒட்டுங்களையா. கொஞ்ச காலத்திற்கு அம்மாவை நிம்மதியாக ஆட்சி செய்ய விடுங்களேன்
Rate this:
Share this comment
Cancel
ஸ்ரீ பாலாஜி - T N,இந்தியா
23-ஜூலை-201419:18:40 IST Report Abuse
ஸ்ரீ பாலாஜி ஆளும் வளரணும் அறிவும் வளரணும் அதுதாண்டா வளர்ச்சி என்பது பொன்மான செல்வரின் பொன்னான வரிகள். கண்டிப்பா சபாநாயகரை சொல்லல. அனைவருக்கும் பாடலை நினைவு படுத்தினேன் அவ்வளவுதான்.
Rate this:
Share this comment
Cancel
Sathish - கோவை ,இந்தியா
23-ஜூலை-201419:05:26 IST Report Abuse
Sathish மக்கள் வரிப்பணத்தை ஊழல் செய்வது மட்டுமல்லாமல் இப்படி வீணடிக்கும் அமைச்சர்கள் சட்டசபைக்கு வராமல் இருந்தாலோ அல்லது வெளிநடப்பு செய்தாலோ சம்பளம் கட் என்று உத்தரவு போடுங்கள். உப்பு சப்பில்லாத காரணங்களை சாக்கு சொல்லி வெளிநடப்பு செய்வது இவர்களுக்கு ஜாலியாகி போய்விட்டது.
Rate this:
Share this comment
vinoth - chennai,இந்தியா
24-ஜூலை-201415:09:17 IST Report Abuse
vinothஇந்த அம்மையார் என்ன இங்கிலாந்து இளவரசியா இல்ல மைசூர் மகாராணியா? எதுக்கு எல்லாரும் இப்படி கூழ கும்பிடு போடுறாங்க. அவைத்தலைவர் நடந்து கொள்வதை பார்த்தால் அவர் பதவிக்கும் அவர் செய்கின்ற வேலைக்கும் சம்பந்தமே இல்லை.அரை நாற்காலியில் உட்கார்ந்துகொண்டு கூனி குறுகி கொண்டு அறிக்கை வாசிக்கும் போது எல்லாம் அந்த அம்மையாரின் முகத்தை பார்த்து பார்த்து வாசிக்க வேண்டியது.......தி மு க வில் எந்த அவை தலைவராவது இப்படி இருந்தது உண்டா? இதைவிட ஒரு கொடுமை .ஒரு அ தி மு க வயதான அடிமை ( அமைச்சர் ) அறிக்கை வாசிக்க சட்டசபையில் எழுந்தார்..........புரட்சி தலைவி அம்மா குடும்ப விளக்கே. குத்து விளக்கே......தாய் சாமுண்டீஸ்வறியே......... மகாலக்ஷ்மியே.........மீனாட்சியே..........ஓம் சக்தி தாயே........... வீரத்தின் சிகரமே..............அஞ்சா நெஞ்சமே...............புரட்சி தாயே............என் குல தெய்வமே.............. என் குடும்ப விளக்கே..இன்னும் நிறைய வசனங்கள் எனக்கே மறந்துவிட்டது....குறைந்தது 10 நிமிடம் இருக்கும். இதுபோல் வார்த்தைகளால் அவரை வர்ணித்து .......உங்களுக்கு எனது கோடான கோடி வணக்கத்தை தெரிவித்து கொள்கிறேன் என்று நெடுஞ்சங்கிடையாய் விழுந்து கும்பிட்டு விட்டு அவர் அறிக்கையை வாசிக்க தொடங்கினார்...........இத்தனையும் அந்த அம்மையார் கேட்டு கொண்டு எந்த ஒரு Reaction னும் இல்லாமல் அமர்ந்து இருந்தார். இங்கு கருத்து எழுதும் அ தி மு க விசுவாசிகளே........கொஞ்சம் சிந்தித்து பார்த்துவிட்டு அப்புறம் உங்க கருத்த எழுதுங்க ............ சட்டசபையில் பேச வேண்டிய பேச்சா இது ..??????????இதை விட வெட்ககேடான விஷயம் வேறு ஏதாவது உண்டா?...
Rate this:
Share this comment
Cancel
Robinson Israel - Chennai,இந்தியா
23-ஜூலை-201418:00:57 IST Report Abuse
Robinson Israel இப்படி கடந்த ஆட்சியில் அதிமுக உறுப்பினர்கள் அனைவரும் சபைக்கு வர தடை விதித்த திமுக அரசு அப்போது தான் தனி ஆளாக சபைக்கு வந்து சபை நிகழ்சிகளில் பங்கேற்ற்று தனது கட்சி மக்கள் மனதில் உச்சதில் வர வேண்டும் என்று எண்ணி மக்கள் தனை எதற்காக தேர்ந்து எடுத்தார்களோ அந்த பணியை செய்ய வந்தவர் தான் இன்றைய முதல்வர் அம்மா. அந்த தைரியம் இல்லாதவர் தான் கருணாநிதி. தைரியம் இருந்தால் சட்டசபைக்கு வரட்டும் கருணாநிதி.
Rate this:
Share this comment
Ad Appavi - Periyakulam,இந்தியா
23-ஜூலை-201419:15:07 IST Report Abuse
Ad Appaviசபையில் இருந்து வெளியே வந்து அறிக்கை கொடுக்க அவர் சேலை கட்டவில்லை...
Rate this:
Share this comment
Mani - DUBAI,ஐக்கிய அரபு நாடுகள்
23-ஜூலை-201422:18:40 IST Report Abuse
Maniகருணாநிதி "ஜெ" பேச அனுமதித்தார். இப்போது அல்லி தர்பாரில் சாத்தியமா ?...
Rate this:
Share this comment
Cancel
raju - Madurai,இந்தியா
23-ஜூலை-201416:25:14 IST Report Abuse
raju Easy pay .. no need to attend but full salary will be paid .. thank you Jeya
Rate this:
Share this comment
Cancel
தாழ்ந்த தமிழகமே - Chennai,இந்தியா
23-ஜூலை-201415:05:10 IST Report Abuse
தாழ்ந்த தமிழகமே கலைஞர் ஆட்சியில் சட்டசபை மாண்பை குறைக்கும் விதத்தில் நிகழ்ச்சிகள் நடைபெற்றாலும் நல்ல விவாதங்கள், சிறந்த கருத்துக்கள் பலமுறை இடம் பெற்றுள்ளன. ஆனால் அம்மாவின் ஆட்சியில் எப்போதும் எதிர் கட்சிகளை வெளியில் அனுப்பி விட்டு துதி பாடுதல் மட்டுமே நடைபெறும். சட்டசபை மாண்பை சிறிதும் மதிக்காதவர் ஜெயா
Rate this:
Share this comment
Cancel
Mani - Coimbatore,இந்தியா
23-ஜூலை-201413:54:59 IST Report Abuse
Mani இப்படி எல்லாம் பன்னினாதான அடுத்த ஒரு மாசத்துக்கு தி.மு.க.க்கு வேலை இருக்கும்., சட்டசபை முடிஞ்சதும் ”சட்டசபையில் ஜனநாயகம் படும்பாடு”னு ஒரு தலைப்பை தூக்கிகிட்டு தமிழ்நாட்டையே சுத்தி வர முடியும்.... நடத்துங்க நடத்துங்க எல்லாதையும் பார்க்க வேண்டிய நிலைமை எங்களுக்கு.......
Rate this:
Share this comment
Cancel
manasaatchi - london,யுனைடெட் கிங்டம்
23-ஜூலை-201413:08:29 IST Report Abuse
manasaatchi இப்படியே போனா நம்ம நாடு விளங்கிடும்
Rate this:
Share this comment
P. SIV GOWRI - Chennai,இந்தியா
23-ஜூலை-201414:44:56 IST Report Abuse
P. SIV GOWRIஇப்ப மட்டும் .................
Rate this:
Share this comment
Ad Appavi - Periyakulam,இந்தியா
23-ஜூலை-201419:17:52 IST Report Abuse
Ad Appaviஇப்போ?...
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X