Dinamalar

அரசியல் செய்தி

தமிழ்நாடு

அறநிலையத்துறையிடம் இருந்த 47,000 ஏக்கர் மாயமானதா?

Added : ஆக 05, 2014 00:45 | கருத்துகள் (5)
Share
Advertisement
தமிழகத்தில் கடந்த, 30 ஆண்டுகளில் அறநிலையத்துறை கட்டுப்பாட்டில் உள்ள கோவில்களுக்கு சொந்தமான, 47 ஆயிரம் ஏக்கர் நிலங்கள் மாயமாகியுள்ளதாக அரசின் புள்ளிவிவரங்கள் காட்டுவதால் குழப்பம் ஏற்பட்டுள்ளது. தமிழகத்தில், இந்து சமய அறநிலையத் துறையின் கட்டுப்பாட்டில், 36,488 கோவில்கள், 56 திருமடங்கள், 58 பிரமாண்ட கோவில்கள், 17 சமண கோவில்கள் உள்ளன. அவற்றுக்கு சொந்தமாக, 4.78 லட்சம் ஏக்கர்

தமிழகத்தில் கடந்த, 30 ஆண்டுகளில் அறநிலையத்துறை கட்டுப்பாட்டில் உள்ள கோவில்களுக்கு சொந்தமான, 47 ஆயிரம் ஏக்கர் நிலங்கள் மாயமாகியுள்ளதாக அரசின் புள்ளிவிவரங்கள் காட்டுவதால் குழப்பம் ஏற்பட்டுள்ளது. தமிழகத்தில், இந்து சமய அறநிலையத் துறையின் கட்டுப்பாட்டில், 36,488 கோவில்கள், 56 திருமடங்கள், 58 பிரமாண்ட கோவில்கள், 17 சமண கோவில்கள் உள்ளன. அவற்றுக்கு சொந்தமாக, 4.78 லட்சம் ஏக்கர் நிலங்கள் அறநிலையத் துறையின் கீழ் நிர்வகிக்கப்படுகின்றன. கோவில்களுக்கு பல்வேறு தரப்பில் இருந்து தானமாக வழங்கப்பட்ட சொத்துகளை முறையாக பராமரிக்கவும், இதன் நிர்வாகத்தில் தனியாரால் தவறுகள் எதுவும் நிகழாமல் பார்த்துக் கொள்வதற்காக என்று கூறி, கோவில் நிர்வாகத்தை அறநிலையத்துறை கையில் எடுத்தது. ஆனால், அறநிலையத்துறையின் கட்டுப்பாட்டில் வந்தபிறகு தான் பல்வேறு முறைகேடுகள் நடப்பதாக, பக்தர்கள் தரப்பில் புகார் கூறப்படுகிறது. முன்னோரும், அரசர்களும் கோவில்களுக்காக விட்டுச் சென்ற நிலங்கள் தொடர்ந்து தர்ம காரியங்களுக்கு பயன்பட வேண்டும் என்பதே எல்லாரது விருப்பம். ஆனால், இந்த நிலங்களை பராமரிப்பது, பாதுகாப்பதில் அறநிலையத்துறை அதிகாரிகளின் செயல்பாடு, பொதுமக்களுக்கு திருப்தி அளிப்பதாக இல்லை.
பராமரிப்பு இல்லை : கோவில் சொத்துகளை முறையாக பராமரிக்காததுடன், அதற்கான ஆவணங்களையும், அறநிலையத் துறையினர் முறையாக பராமரிக்கவில்லை என்று புகார் கூறப்படுகிறது.
உதாரணமாக, நெல்லை அருகே, வரகுணபாண்டீஸ்வரர் கோவிலுக்கு சொந்தமான, 4,500 ஏக்கர் நிலம் கோவிலுக்கும், இந்து சமய மக்களுக்கும் பயன்படுத்த முடியாத நிலையில் உள்ளது.திருவாரூர் மாவட்டம், வடுவூர் கோதண்ட ராமர் கோவிலுக்கு சொந்தமான, 5,400 ஏக்கர் நிலம் இப்போது கோவில் வசம் இல்லை. சேலம் சுகவனேஸ்வரர் கோவிலுக்கு சொந்தமான பல கோடி ரூபாய் மதிப்புள்ள, 112 ஏக்கர் நிலங்கள் தனியாரால் ஆக்கிரமிக்கப்பட்டுள்ளன.வேதாரண்யம் சிவன் கோவிலுக்கு சொந்தமான, 13 ஆயிரம் ஏக்கர் நிலங்கள் என்ன நிலையில் உள்ளன என்பது புதிராக உள்ளது.
47 ஆயிரம் ஏக்கர் எங்கே? : இத்தனைக்கும் மேலாக அறநிலையத் துறையால் பராமரிக்கப்பட்டு வரும், கோவில்களுக்கு சொந்தமான நிலங்கள் குறித்த புள்ளிவிவரங்களை, ஆய்வு செய்ததில், கடந்த, 30 ஆண்டுகளில், ஏராளமான நிலங்கள் மாயமாகியுள்ளதாக தெரிய வந்துள்ளது.

கடந்த, 1986ல், தமிழக அரசு வெளியிட்ட அறநிலையத் துறையின் கொள்கை விளக்கக் குறிப்பில், 'இத்துறையின் கட்டுப்பாட்டில் உள்ள கோவில்களுக்கு சொந்தமாக, 5.25 லட்சம் ஏக்கர் நிலங்கள் உள்ளன' என்று குறிப்பிடப்பட்டிருந்ததாகவும், கடந்த ஆண்டு வெளியிடப்பட்ட கொள்கை விளக்கக் குறிப்பில் இது, 4.78 லட்சம் ஏக்கராக குறைந்துள்ளதாகவும் கூறப்படுகிறது. இதன்படி, கடந்த, 30 ஆண்டுகளில், அறநிலையத்துறை நிர்வாகத்தில, 47 ஆயிரம் ஏக்கர் நிலங்கள் என்ன ஆனது என்ற கேள்வி, பக்தர்கள் மத்தியில் எழுந்துள்ளது.

Advertisement
ஆனைமலை - நல்லாறு திட்டம் : கேரளாவுடன் தொடர் பேச்சு
ஆனைமலை - நல்லாறு திட்டம் : கேரளாவுடன் தொடர் பேச்சு(2)
முந்தய
முதல்வரை விமர்சித்த விவகாரத்தில் விவாதம் தேவையில்லை: சபாநாயகர்
முதல்வரை விமர்சித்த விவகாரத்தில் விவாதம் தேவையில்லை: சபாநாயகர்(1)
அடுத்து
» அரசியல் முதல் பக்கம்
» தினமலர் முதல் பக்கம்


வாசகர் கருத்து (5)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
GUNAVENDHAN - RAMAPURAM , CHENNAI,இந்தியா
05-ஆக-201414:30:33 IST Report Abuse
GUNAVENDHAN அறநிலையத்துறையின் சொத்துக்களை நிர்வகிப்பதற்கு என்று தனியே ஒரு அமைப்பை உருவாக்கி அந்த அமைப்பில் தமிழகத்தில் உள்ள ஆன்மீக பெரியோர்களைஎல்லாம் ஜாதி மத வித்தியாசம் இல்லாமல் ஒருங்கிணைத்து நிர்வகிக்கலாம், அப்படி நியமிக்கப்படும் நபர்கள் ஆன்மீகத்தில் முழுமையான ஈடுபாடு கொண்டவர்களாகவும், தங்களுடைய சொத்துக்களையே கோவில்களுக்கு தானமாக கொடுத்தவர்களது வாரிசுகளாகவும், கோவில் சொத்துக்கு ஆசைப்படாதவர்களாகவும் , ஆண்டவர் மீதுள்ள பாசம், பற்றின் காரணமாக கோவில் சொத்துக்களை காப்பாற்ற முழுமையாக உழைப்பவர்களாகவும் இருக்க வேண்டும் . 42,000 ஏக்கர் என்பது மிகப்பெரிய அளவிலான சொத்து, அதை காணோம் என்று விட்டுவிடாமல் , அந்த சொத்துக்களை யார் யாரெல்லாம் அபகரித்து வைத்திருக்கின்றனர் என்று கண்டறிந்து கடுமையான நடவடிக்கைகளை எடுத்து அந்த சொத்துக்களைஎல்லாம் மீட்க வேண்டும் . மாநில அளவில் கோவில் சொத்துக்களை பாதுகாக்க ஒரு குழுவை அமைப்பது போலவே ஒவ்வொரு மாவட்டத்துக்கும் அதன் கீழ் ஒரு குழுவினை அமைக்கலாம், அந்த குழுவினர் அறநிலையத்துறையின் மூத்த அதிகாரிகளுடன் இனைந்து செயல்பட செய்யவேண்டும் . உயிரோடு இருப்பவர்களது சொத்துக்களையே உருட்டி, மிரட்டி அபகரித்த கும்பல் தான் 42,000 ஏக்கர் நிலத்தையும் அபகரித்து இருக்கும், தீவிரமாக கணக்கெடுத்தால் தமிழகம் முழுவதும் முன்னாள் அமைச்சர்கள், சட்டமன்ற உறுப்பினர்கள், மாவட்ட செயலாளர்கள், நகர செயலாளர்கள் , ஒன்றிய செயலாளர்கள் என்று நிறையப்பேர் மாட்டுவார்கள் என்று எண்ணுகிறேன், முதல்வர் இந்த விஷயத்தில் கவனம் செலுத்தி , உடனடியாக பறிபோன பல்லாயிரக்கணக்கான கோவில் சொத்துக்களை மீண்டும் கயவர்களின் பிடியில் இருந்து மீட்டெடுக்க வேண்டும் .
Rate this:
Cancel
Pasupathi Subbian - trichi,இந்தியா
05-ஆக-201414:15:13 IST Report Abuse
Pasupathi Subbian அறநிலைத்துறை என்பது எங்கே ஒரு கோவிலில் நடவடிக்கைகள் சரியில்லையோ அங்கு அந்த கோவிலின் வரவுசெலவு மற்ற கணக்கு வழக்குகளை ஒழுங்குபடுத்த ஏற்படுத்தப்பட்டது . ஆனால் அதுவே நன்றாக இருக்கும் கோவில்களை அரசின் கீழ் கொண்டுவரும் வழக்கமாகி விட்டது. அரசாங்கத்தின் கீழ் வரும் எந்த ஒரு துறையும் மக்களுக்கு போய் சேருவதில்லை . அதே போல இந்த துறையின் நடவடிக்கை அந்த அந்த கோவில்களுக்கு குறுநில மன்னர்களை (அதிகாரிகளை) அமர்த்தியதுதான். கோவிலின் இருந்து வரும் வருமானத்தை உட்கார்ந்தே சாப்பிடும் ஒரு கும்பல் எப்படி கோவிலுக்கு பாதுகாப்பாக இருக்கும்.
Rate this:
Cancel
Sriram V - Dubai,ஐக்கிய அரபு நாடுகள்
05-ஆக-201412:39:18 IST Report Abuse
Sriram V Government should call for judicial enquiry and take action to recover this land. This might be captured by DMK Goons. The recovered land might be used for constructing the pond.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
My Page
Login :

New to Dinamalar ?
Create an account
கருத்து விதிமுறை
சினிமா | வர்த்தகம் | விளையாட்டு | புத்தகங்கள் | உலக தமிழர் செய்திகள் | Advertisement Tariff | வாசகர் கடிதம் | International Edition | Dinamalar Publications
Copyright © 2021 Dinamalar - No.1 Tamil website in the world. Designed and Hosted by Web Division,Dinamalar.  | Contact us

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X