பொது செய்தி

தமிழ்நாடு

உயர் தொழில் நுட்பத்தில் விளைந்த 400 கிராம் கத்தரி:கேரளத்தில் தேவை அதிகரிப்பு

Updated : ஜூலை 22, 2015 | Added : ஜூலை 22, 2015 | கருத்துகள் (2)
Advertisement
உயர் தொழில் நுட்பத்தில் விளைந்த 400 கிராம் கத்தரி:கேரளத்தில் தேவை அதிகரிப்பு

திண்டுக்கல்:திண்டுக்கல் காய்கறி மகத்துவ மையத்தில் உயர் தொழில் நுட்பத்தில் விளைந்த 400 கிராம் கத்த ரிக்காய்களுக்கு கேரளத்தில் தேவை அதிகரித்துள்ளது.திண்டுக்கல் ரெட்டியார் சத்திரத்தில் காய்கறி மகத்துவ மையம் உள்ளது. இங்கு, இந்தோ - அமெரிக்கன் தொழில் நுட்ப வீரிய ஒட்டு ரக கத்தரி சாகுபடி செய்யப்படுகிறது. அரை ஏக்கரில் பயிரிடப்பட்டுள்ள இந்த ரக கத்தரிகளுக்கு 'ஜீவா' என தோட்டக்கலைத்துறையினர் பெயரிட்டுள்ளனர். சாதாரண முறையில் வளர்க்கப்படும் கத்தரிக்காய் ஒன்றின் எடை 76 முதல் 84 கிராம் இருக்கும்.அதுவே வீரிய ரக ஒட்டு விதைக் கொண்டு, உயர் தொழில்நுட்பத்தில் விளைவிக்கப்பட்ட கத்தரிக்காய் 400 கிராம் முதல் 427 கிராம் வரை உள்ளது. கத்தரிக்காய் அதிக சதைப் பிடிப்புடன் உள்ளது. அதன் உள்ளே குறைந்தளவே விதைகள் இருப்பதால் கேரள மக்களின் உணவில் மிளகுஅரிசி சாதத்திற்கான மசியலிலும், பஜ்ஜியிலும் அதிகம் பயன்படுகிறது.இதனால் கேரளத்தில் ஜீவா ரக கத்தரி தேவை அதிகரித்து வருகிறது. இதுதவிர வீரிய ரக ஒட்டு கத்தரி வகைகளில் 'சுப்ரியா, 614' உள்ளிட்ட ரகங்கள் காய்கறி மகத்துவ மையத்தில் விளைவிக்கப்படுகின்றன.இம்மைய உதவி இயக்குனர் சீனிவாசன் கூறியதாவது: ஜீவா (வீரிய ஒட்டு ரகம்) கத்தரிக்காய் 165 நாள் பயிர். நாட்டு கத்தரிக்காய் எடை அதிகளவில் இருக்காது. ஆனால் ஜீவா கத்தரிக்காய் ஐந்து முதல் 6 மடங்கு எடை அதிகமுள்ளது. ஒரு ஏக்கரில் 30 டன் கத்தரிக்காய்கள் கிடைக்கும். இதனால், இந்த சாகுபடி முறையை விவசாயிகள் பின்பற்ற வலியுறுத்தி வருகிறோம், என்றார்.கொட்டப்பட்டி கத்தரிக்கும் மவுசு: மேலும் அவர் கூறியதாவது: கொட்டப்பட்டி கத்தரிக்காய் புளிக்குழம்பில் ருசியை கூட்டும் தரமிக்கது. அதற்கு மக்கள் மத்தியில் அதிக வரவேற்பு உள்ளது. எனவே, அந்த கத்தரியை உயர் தொழில் நுட்பத்தில் 'மண் போர்வை (மஞ்சிங் சீட்) மற்றும் சொட்டுநீர் பாசன முறைப்படி பயிரிட முடிவு செய்துள்ளோம். விரைவில் அதற்கான பணிகள் துவங்கும், என்றார்.

Advertisement


வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Endrum Indian - Kolkata,இந்தியா
22-ஜூலை-201515:54:30 IST Report Abuse
Endrum Indian தயவு செய்து இதை உபயோகிக்காதீர்கள் விவசாயிகளே. இதை வாங்கவேண்டாம் உபயோகிப்பவர்களே. 1) இந்த விதைகளை இனிமேற்கொண்டு அமெரிக்க நிறுவத்தினரிடம் தான் வாங்க வேண்டும் அதிக விலைகொடுத்து, இந்த கத்தரிக்காய் விதை தராத அலி கத்தரிக்காய். 2) இன்டர்நெட்டில் படித்தது-இந்த மாதிரி விதை இல்லா காய் கனிகளை (கத்தரிக்காய், திராட்சை, மற்றைய காய் கனிகள்) உண்ணும் பட்சத்தில் நமக்கும் மலட்டுத்தன்மை, இல்லையென்றால் உடலுறவில் நாட்டமின்மை என்ற வியாதி வரும் என்று இருந்தது.
Rate this:
Share this comment
Cancel
Tamilan - Chennai,இந்தியா
22-ஜூலை-201509:45:57 IST Report Abuse
Tamilan இது கொடுமையானது........... பின்னலில் அதிகளவு நோய்களை உருவாக்கும்............. நோய் எதிருப்பு சக்தி குறைவு
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X