Dinamalar

தேர்தலில் ஓட்டுப்போட, கட்சிகள், பணம், பரிசுப் பொருட்கள் வழங்குவதை தடுக்க, 21 ஆயிரத்து, 300 இளைஞர் குழுக்களை, தேர்தல் கமிஷன் தயார் செய்துள்ளது. இதனால், இம்முறை வாக்காளர் களுக்கு, பணம் மற்றும் பரிசு பொருட்கள் கிடைக்குமா என்ற சந்தேகம் ஏற்பட்டுள்ளது.

தேர்தலில் ஓட்டுப்போட, வாக்காளர்களுக்கு, பணம் மற்றும் பரிசு பொருள் கொடுப்பது, தமிழகத் தில் அதிகரித்து வருகிறது. இதன் காரணமாக, அரசியலில் லஞ்ச ஊழல் பெருகுவதுடன், பண பலமிக்கவர்களே வெற்றி பெற முடியும் என்ற நிலைமையும் ஏற்பட்டு வருகிறது. இதற்கு முற்றுப்புள்ளி வைக்க, இந்த தேர்தலில், பண பட்டுவாடாவை எப்படியும் தடுத்து விட வேண்டும் என்ற குறிக்கோளுடன், தேர்தல் கமிஷன் களம் இறங்கி உள்ளது.

பதுக்கி வைக்கப்பட்டுள்ள பணத்தை பறிமுதல் செய்ய, வருமான வரித் துறை அதிகாரிகள் குழு, களம் இறக்கப்பட்டுள்ளது. மாவட்டம் தோறும், வருமான வரித்துறை அதிகாரிகளை கொண்ட குழுக்கள் நியமிக்கப்பட்டுள்ளன.
வாகனங்களில் பணம் கொண்டு செல்வதை தடுக்க, தொகுதிக்கு, தலா, மூன்று பறக்கும்

படை, நிலையான கண்காணிப்பு குழுக்கள் அமைக்கப்பட்டுள்ளன.

வி.ஐ.பி.,க்கள் போட்டியிடும் தொகுதி, பதற்றமான தொகுதி, பண நடமாட்டம் அதிகம் உள்ள தொகுதி போன்றவற்றில், பறக்கும் படை மற்றும் நிலையான கண்காணிப்பு குழுக்கள் எண்ணிக்கையை, தலா மூன்றில் இருந்து, ஐந்தாக உயர்த்தவும், தேர்தல் கமிஷன்முடிவு செய்துள்ளது.

இது தவிர, பணம் நடமாட்டம், பணம் பதுக்கல், பணம் பட்டுவாடா குறித்து தகவல் தெரிவிக்க, கிராமம் தோறும் இளைஞர் குழு அமைக்க திட்டமிடப்பட்டது. அதன்படி, தமிழகம் முழுவதும், 21 ஆயிரத்து, 300 இளைஞர் குழுக்கள் அமைக்கப்பட்டுள்ளன.

இக்குழுவில், 10 முதல், 15 இளைஞர்கள் இடம் பெற்றுள்ளனர். அனைவரும், 30 வயதிற்கு உட் பட்டவர்கள். படித்தவர்கள். கட்சி சாராதவர்கள். இவர்கள் பணம் பதுக்கல் குறித்து, அதிகாரி களுக்கு தகவல் அளித்து வருகின்றனர். தேர்தலில் பணம் பட்டுவாடாவை தடுப்பதில், இவர்களின் பங்கு பெரிதாக இருக்கும் என எதிர்பார்க்கப்படுகிறது.

இதனால், இம்முறை வாக்காளர்களுக்கு, பணம் மற்றும் பரிசு பொருட்கள் கிடைப்பதில் சிக்கல் ஏற்படும் என, தெரிகிறது.

ரகசியம் காக்கப்படுகிறது:

இதுகுறித்து, தமிழகத் தலைமை