அரசியல் செய்தி

தமிழ்நாடு

பதிவு செய்த நாள் :
தி.மு.க.,வில் மேலும் 3 மா.செ., பதவி பறிப்பு
கூட்டணி கட்சியினர் புகார் மீது நடவடிக்கை

சட்டசபை தேர்தலில், கூட்டணி கட்சிகளின் வேட்பாளர்களுக்கு, 'உள்ளடி' வேலை பார்த்த புகாரில் சிக்கிய, மாவட்ட செயலர்கள், மூன்று பேருடைய பதவிகளை தி.மு.க., தலைமை பறித்துள்ளது.

தி.மு.க.,வில் மேலும் 3 மா.செ., பதவி பறிப்பு கூட்டணி கட்சியினர் புகார் மீது நடவடிக்கை


துாத்துக்குடி வடக்கு மாவட்ட தி.மு.க., செயலர் ராஜாராம், நாகப்பட்டினம் வடக்கு மாவட்ட செயலர் குத்தாலம் கல்யாணம், நாகப்பட்டினம் தெற்கு மாவட்ட செயலர் ஏ.கே.எஸ்.விஜயன் ஆகியோரை, பொறுப்பில் இருந்து விடுவித்துள்ளது தி.மு.க., தலைமை.
அவர்களுக்கு பதிலாக, முறையே சுப்பிரமணியன், நிவேதா முருகன், கவுதமன் ஆகியோர் நியமிக்கப்பட்டுள்ளனர். இதற்கான

அறிவிப்பை கட்சியின் பொது செயலர், அன்பழகன் நேற்று வெளியிட்டார்.
மாவட்ட செயலர் பதவி பறிப்புக்கு காரணங்கள்
* துாத்துக்குடி வடக்கு மாவட்டத்தில் ஒட்டப்பிடாரம், கோவில்பட்டி, விளாத்திகுளம் ஆகிய, மூன்று தொகுதிகள் உள்ளன. அனைத்திலும், தி.மு.க., தோல்வி அடைந்தது.ஒட்டப்பிடாரம் தொகுதியில், தி.மு.க., கூட்டணி கட்சியான புதிய தமிழகம் போட்டியிட்டது. கட்சி தலைவர் கிருஷ்ணசாமி போட்டியிட்டு தோல்வி அடைந்தார். அவர், 'தனது தோல்விக்கு, ராஜாராமும் காரணம்' என, தி.மு.க., தலைவர் கருணாநிதியிடம் புகார் கூறினார். இதையடுத்து, ராஜாராம் மாற்றப்பட்டார்.
* நாகப்பட்டினம் வடக்கு மாவட்டத்தில் பூம்புகார், சீர்காழி, மயிலாடுதுறை ஆகிய, மூன்று தொகுதிகள் உள்ளன. மயிலாடுதுறையில் காங்கிரசுக்கு வெற்றி வாய்ப்பு இருந்தும், தன் மகன் அன்பழகன் போட்டியிட வேண்டும் என்பதற்காக, போராடி கல்யாணம், தொகுதியில் சரிவர வேலை பார்க்கவில்லை.
கூடவே, பூம்புகார் தொகுதியில் கூட்டணி கட்சியான இந்திய யூனியன் முஸ்லிம் லீக் சார்பிலும், சீர்காழியில் தி.மு.க., சார்பிலும்பெற்ற போட்டியிட்ட வேட்பாளர்களுக்கு எதிராக பணியாற்றியதால், இருவரும் தோல்வி

Advertisement

அடைந்தனர். அன்பழகனும் வெற்றி பெறவில்லை. புகார்கள் குவிந்ததால், கல்யாணம் மாற்றப்பட்டு விட்டார்.
* நாகப்பட்டினம் தெற்கு மாவட்டத்தில் வேதாரண்யம், நாகப்பட்டினம், கீழ்வேளூர் ஆகிய, மூன்று தொகுதிகள் உள்ளன. அதில் வேதாரண்யத்தில் காங்கிரஸ் வேட்பாளர், நாகப்பட்டினத்தில் மனித நேய மக்கள் கட்சியின் வேட்பாளர் தோல்விக்கு, விஜயனே காரணம் என, வேட்பாளர்கள் தரப்பிலிருந்து குற்றம் சாட்டப்பட்டதைத் தொடர்ந்து, அவரது பதவியும் பறிக்கப்பட்டுள்ளது.
- நமது நிருபர் -

Advertisement

வாசகர் கருத்து (24)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Meeran - chennai,இந்தியா
29-ஜூன்-201615:39:44 IST Report Abuse

Meeran  தூத்துக்குடி மாவட்டத்தில் மொத்த குழப்பத்திற்கும் காரண கர்த்தா பெரியசாமி தான். அவரை தூக்கினாலே அங்கு திமுக உருப்பட்டு விடும். ஆனால் அவரை தூக்குவதை விட்டு விட்டு கருணாநிதி யாருக்கு பிலிம் காட்டுகிறார் .

Rate this:
Venki - Dubai,ஐக்கிய அரபு நாடுகள்
29-ஜூன்-201614:33:40 IST Report Abuse

Venkiதமிழகத்தில் தி மு க வேரறுக்க படவேண்டிய கட்சி

Rate this:
rajan. - kerala,இந்தியா
29-ஜூன்-201613:35:14 IST Report Abuse

rajan.  உள்குத்து. உள்ளடி வேலை.கொளுத்தி போடுறது.தீயில நெய் ஊத்துறது, எனும் தலையின் வித்தைகள் தொண்டன் வரை பரவி விட்டது. அப்புறம் என்ன ஊரோடு ஒத்து வாழ் அல்லது ஊரையே........ ஊத்தி வாழ் தலைவா. உன்னால் உன்னையும் திருத்த முடியாது ஊரையும் திருத்த முடியாது

Rate this:
மேலும் 21 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X