Dinamalar

புதுடில்லி:சமீபத்தில் செய்யப்பட்ட மாற்றத்தைத் தொடர்ந்து, மத்திய அமைச்சர்களின் எண்ணிக்கை, 78 ஆக உயர்ந்தது; இதில், 72 பேர் கோடீஸ்வரர்கள்; 24 பேர் மீது கிரிமினல் வழக்குகள் உள்ளன.

டில்லியைச் சேர்ந்த ஜனநாயக மறுமலர்ச்சிக் கான சங்கம் என்ற அமைப்பு, அமைச்சர்கள் குறித்து வெளியிட்டுள்ள தகவல்கள்:
* புதிய அமைச்சர்களின் சராசரி சொத்து மதிப்பு, 8.73 கோடி ரூபாய். ஒவ்வொரு அமைச்சரின் சராசரி சொத்து மதிப்பு, 12.94 கோடி ரூபாய்

* புதிய அமைச்சர்களில் மிகப் பெரும் பணக்காரரான எம்.ஜே. அக்பருடைய சொத்து மதிப்பு, 44.90 கோடி ரூபாய்
* மொத்த சொத்து மதிப்பு, 30 கோடி ரூபாய்க்கு அதிகமாக உள்ளவர்கள், 9 பேர். இதில், 113 கோடி ரூபாயுடன் முதலிடத்தில் உள்ளார், நிதி அமைச்சர் அருண் ஜெட்லி
* அவருக்கு அடுத்த இடங்களில், உணவு பதப்படுத்துதல் துறை அமைச்சர் ஹர்சிம்ரத் கவுர் பாதல், 108 கோடி ரூபாய், மின்துறை அமைச்சர் பியுஷ் கோயல், 90 கோடி ரூபாய் சொத்து மதிப்பை அறிவித்து உள்ளனர்
* புதிய அமைச்சர்களில், ஏழு பேர் மீது கிரிமினல் வழக்குகள் உள்ளன. இதன் மூலம், கிரிமினல் வழக்கு உள்ள அமைச்சர்களின் எண்ணிக்கை, 24 ஆக உயர்ந்துள்ளது
* அமைச்சர்களில் மூன்று பேர், 31 முதல் 40 வயதுக்கு உட்பட்டவர்கள். 44 பேர், 41 முதல் 60