பொது செய்தி

தமிழ்நாடு

ஓடும் ரயிலில் பெண்ணுக்கு பிரசவம் : உதவிய அரவாணிகளால் நெகிழ்ச்சி

Added : ஜூலை 20, 2016 | கருத்துகள் (8)
Share
Advertisement
வேலுார்: காட்பாடி அருகே, ஓடும் ரயிலில் இளம்பெண்ணுக்கு, அரவாணிகள் பிரசவம் பார்த்ததில், அழகான ஆண் குழந்தை பிறந்தது. கேரள மாநிலம், கொல்லத்தைச் சேர்ந்தவர் அல்லா முகமது; கட்டட மேஸ்திரி. இவரது மனைவி செரினா, 25; நிறைமாத கர்ப்பிணியாக இருந்தார். இவர்கள், அசாம் மாநிலம், கவுகாத்தி செல்வதற்காக, 'கவுகாத்தி எக்ஸ்பிரஸ்' ரயிலில் நேற்று முன்தினம் புறப்பட்டனர்.ஓரமாக படுக்க வைத்து...:
ஓடும் ரயிலில் பெண்ணுக்கு பிரசவம் : உதவிய அரவாணிகளால் நெகிழ்ச்சி

வேலுார்: காட்பாடி அருகே, ஓடும் ரயிலில் இளம்பெண்ணுக்கு, அரவாணிகள் பிரசவம் பார்த்ததில், அழகான ஆண் குழந்தை பிறந்தது. கேரள மாநிலம், கொல்லத்தைச் சேர்ந்தவர் அல்லா முகமது; கட்டட மேஸ்திரி. இவரது மனைவி செரினா, 25; நிறைமாத கர்ப்பிணியாக இருந்தார். இவர்கள், அசாம் மாநிலம், கவுகாத்தி செல்வதற்காக, 'கவுகாத்தி எக்ஸ்பிரஸ்' ரயிலில் நேற்று முன்தினம் புறப்பட்டனர்.
ஓரமாக படுக்க வைத்து...: நேற்று காலை, 7:00 மணிக்கு, வேலுார் மாவட்டம், ஜோலார்பேட்டையைத் தாண்டி ரயில் சென்று கொண்டிருந்தது. அப்போது, செரினாவுக்கு பிரசவ வலி ஏற்பட்டது; இதனால், அவர் அலறினார். ரயிலில் இருந்த பெண்கள் அவருக்கு உதவினர்.அப்போது, ரயிலில் பயணம் செய்த அரவாணிகள் மூன்று பேர், ரயில் பெட்டியின் ஓரமாக செரினாவை படுக்க வைத்து, பிரசவம் பார்த்தனர். சுக பிரசவம் ஆக வேண்டும் என்று, சக பயணிகள் கடவுளிடம் வேண்டிக் கொண்டனர். இக்கட்டான சூழலில் இருந்த செரினாவுக்கு, லாவகமான பிரசவ வழிமுறைகளை அரவாணிகள் மேற்கொண்டனர். இதையடுத்து, 7:40 மணிக்கு, செரினாவுக்கு அழகான ஆண் குழந்தை பிறந்தது.
பாராட்டு : சுக பிரசவம் ஆனதோடு தாயும், சேயும் நலமாக இருப்பதை கண்ட பயணிகள், மகிழ்ச்சி ஆரவாரம் செய்தனர். பிரசவம் பார்த்த அரவாணிகளுக்கு, பாராட்டு தெரிவித்தனர்.இதற்கிடையே, ரயில் காட்பாடி வந்தது. ஏற்கனவே கொடுக்கப்பட்ட தகவலை அடுத்து, காட்பாடி ரயில்வே போலீசார், ஆம்புலன்சுடன் தயாராக நின்றிருந்தனர். செரினா மற்றும் குழந்தையை வேலுார் அரசு மருத்துவக் கல்லுாரி மருத்துவமனைக்கு அனுப்பி வைத்தனர். அங்கு, செரினாவும், அவரது குழந்தையும் சேர்க்கப்பட்டனர். பொதுவாக, ரயில் பெட்டிகளில் அரவாணிகள் அட்டகாசம் தாங்க முடியாது என்று தான் பயணிகள் குற்றம் சாட்டுகின்றனர். இந்நிலையில், ஓடும் ரயிலில் இளம்பெண்ணுக்கு, அரவாணிகள் பிரசவம் பார்த்து உதவிய சம்பவம், ரயில் பயணிகளை நெகிழச் செய்தது.

Advertisement


வாசகர் கருத்து (8)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Dr. Kumar - Fair Fax,யூ.எஸ்.ஏ
21-ஜூலை-201622:04:16 IST Report Abuse
Dr.  Kumar God bless them all
Rate this:
Cancel
Ram Mohan Thangasamy - Chennai,இந்தியா
21-ஜூலை-201615:52:18 IST Report Abuse
Ram Mohan Thangasamy அரவாணி மாலதி மற்றும் அந்த இரண்டு அரவாணிகளுக்கு எனது பாராட்டுக்கள். மனித நேயம் மிக்கவர்கள் என்று அவர்கள் மக்களுக்கு புரிய வைத்து விட்டார்கள். பாராட்ட பட வேண்டிய அரவாணிகள். இனியாவது அவர்களை சக மனிதர்களாக நினைத்து வாழுங்கள் நண்பர்களே. வாழ்க அரவாணிகள். வாழ்க பல்லாண்டு. நன்றி வணக்கம்.
Rate this:
Cancel
Krishna Sreenivasan - singapore,சிங்கப்பூர்
21-ஜூலை-201614:32:43 IST Report Abuse
Krishna Sreenivasan இந்த திருநங்கைகளை வாழ்த்துவோம். அவாளும் அன்னையின் வயத்துலேந்து வந்தவா தானே என்று நிருபனம் ஆயிருக்கு. தயவு செய்து இவர்களை எல்லாரும் மனுஷப்பிறவியாக எண்ணுங்களேன் , புத்தி பிறழ்ந்தவாளையே ஏற்கும் சமுருகம் இவர்களை எப்படி எல்லாம் கேவலமா நடத்துறாங்கா இவர்களை படிப்பு கொடுங்களேன் மேலுக்குவர உதவலாமே , இவள் யும் காவல்துறை படுத்தும் பாடு மஹா கேவலமானது முயன்றாம் பாலினமானது தப்பு என்றால் கொலையே கூட செய்துடுவேளா ??????/ அவா தான் இன்று அந்த பெண்ணுக்கு பிரசம் பார்த்து உதவி இருக்காங்க இந்த மாதிரி ன்னா ப்ளீஸ் இவாளுக்கு கல்வி தர நர்சிங் பயிற்சசி தர என்று கல்வி சாலைகள் திறக்கலாமே
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X