Dinamalar

தி.மு.க., பொருளாளர் ஸ்டாலினின் ஆதிக்கத்தை குறைக்க, மீண்டும் அழகிரியை கட்சிக்குள் கொண்டு வரும் முயற்சியில், கட்சி தலைவர் கருணாநிதி இறங்கி உள்ளதாக கூறப்படுகிறது.

தி.மு.க., பொருளாளராகவும், சட்டசபை எதிர்க்கட்சி தலைவராகவும் இருக்கும் ஸ்டாலின், கட்சிக்குள் தவிர்க்க முடியாத சக்தியாக வளர்ந்து நிற்கிறார். மொத்த கட்சி நிர்வாகத்தையும் தன் கைக்குள் வைத்துள்ளார். கட்சியின் தலைவராக இருந்தும், கருணாநிதியால், கட்சிக்குள் நினைத்ததை செய்யமுடியாத நிலை நிலவி வருகிறது.

பிரதான எதிர்க்கட்சியாக...

கடந்த லோக்சபா மற்றும் சட்டசபை தேர்தல்களை பொறுப்பேற்று சந்தித்த ஸ்டாலினால், இரண்டு தேர்தல்களிலும் வெற்றி பெற முடியவில்லை. லோக்சபா தேர்தலில், ஒரு இடத்தில் கூட கட்சி வெற்றி பெறவில்லை. இருந்தாலும், சட்டசபை

தேர்தலில்,89 இடங்களில் வெற்றி பெற்று, தமிழகத்தின் பிரதான எதிர்க்கட்சியாக உருவெடுத்து
உள்ளது. இதையடுத்து, சட்டசபைஎதிர்க்கட்சி தலைவராக வேண்டும் என, கருணாநிதி விரும்பினார். அதற்கு ஸ்டாலின் முட்டுக்கட்டை போட்டதோடு, தன்னையே எதிர்க்கட்சித் தலைவராக தேர்ந்தெடுக்க செய்து விட்டார். இதனால்,அடுத்தடுத்து நடந்த கட்சியின் எம்.எல்.ஏ.,க்கள் கூட்டத்தை கருணாநிதி புறக்கணித்து வருகிறார். ஸ்டாலின் தலைமையிலேயே அந்த கூட்டங்கள் நடக்கின்றன.
இது, கருணாநிதியை கடும் எரிச்சலுக்கு ஆளாக்கி உள்ளது. இந்நிலையில், கட்சியின் மாவட்ட செயலர்கள் மற்றும் முக்கிய நிர்வாகிகள், கருணாநிதியை சந்திக்கவும், தடை போட்டு விட்டார் ஸ்டாலின். ஸ்டாலினுக்கு நிகராக, மதுரையில், அவரது சகோதரர் அழகிரி, கட்சிக்குள் தீவிரமாக அரசியல் செய்து வந்த போது ஸ்டாலின், கருணாநிதியை எதிர்ப்பதில், அடக்கியே வாசித்தார். கடந்த லோக்சபா தேர்தலுக்கு பின், கட்சியை விட்டு அழகிரி நீக்கப்பட்டதும், ஸ்டாலின், கட்சியை முழுமையாக தன் கட்டுப்பாட்டுக்குள் கொண்டு வந்து விட்டார்.

சமாதானமுயற்சி