பீஹாரில் கள்ளுக்கு தடை இல்லை:ஒரே நாளில் நிதிஷ் 'பல்டி'

Updated : ஆக 01, 2016 | Added : ஜூலை 31, 2016 | கருத்துகள் (17)
Share
Advertisement
பாட்னா;பீஹாரில், மதுவிலக்கை முழுமையாக அமல்படுத்துவதில் விடாப்பிடியாக இருந்த அம்மாநில முதல்வர் நிதிஷ்குமார், திடீரென கள்ளுக்கு விலக்கு அளிக்க முடிவெடுத்துள்ளார்.மதுவிலக்கு அமல்:பீஹாரில், முதல்வர் நிதிஷ்குமார் தலைமையில், ஐக்கிய ஜனதாதளம் - ராஷ்ட்ரீய ஜனதாதள கூட்டணி ஆட்சி நடக்கிறது. அங்கு, மதுவிலக்கு அமலில் உள்ளது.இதனை கடுமையாக்கும் பொருட்டு, மதுவிலக்கு அமல்
 பீஹாரில் கள்ளுக்கு தடை இல்லை:ஒரே நாளில் நிதிஷ் 'பல்டி'

பாட்னா;பீஹாரில், மதுவிலக்கை முழுமையாக அமல்படுத்துவதில் விடாப்பிடியாக இருந்த அம்மாநில முதல்வர் நிதிஷ்குமார், திடீரென கள்ளுக்கு விலக்கு அளிக்க முடிவெடுத்துள்ளார்.
மதுவிலக்கு அமல்:பீஹாரில், முதல்வர் நிதிஷ்குமார் தலைமையில், ஐக்கிய ஜனதாதளம் - ராஷ்ட்ரீய ஜனதாதள கூட்டணி ஆட்சி நடக்கிறது. அங்கு, மதுவிலக்கு அமலில் உள்ளது.இதனை கடுமையாக்கும் பொருட்டு, மதுவிலக்கு அமல் சட்டத்தில் புதிய விதிமுறைகளை கொண்டு வரப்போவதாக, நேற்று முன்தினம், முதல்வர் நிதிஷ்குமார் அறிவித்தார். அதன்படி, வீட்டில் மது வைத்திருந்தாலோ, அருந்தினாலோ, அவரது வீட்டில் உள்ள, 18 வயது நிரம்பிய அனைவரையும் சிறையில் அடைக்கும் வகையில் சட்டத்திருத்தம் செய்யப்பட உள்ளது. இந்த சட்டத்திற்கு எதிர்க்கட்சிகள் மட்டுமின்றி, கூட்டணி கட்சியான ராஷ்ட்ரீய ஜனதா தளமும் எதிர்ப்பு தெரிவித்தது.
இந்நிலையில், ராஷ்ட்ரீய ஜனதாதள தலைவரும், பீஹார் முன்னாள் முதல்வருமான லாலு பிரசாத்தின் நெருக்கடியை அடுத்து, கள் விற்பனைக்கு விலக்கு அளிக்கப்படும் என, பீஹார் அரசு நேற்று அறிவித்தது.
உடலுக்கு நலன்..''கள், போதைப் பொருள் அல்ல; உடலுக்கு நலன் தரும் பானம் என்பதால் அதற்கு விலக்கு அளிக்கப்படுகிறது,'' என, அம்மாநில ஆயத்தீர்வை துறை அமைச்சர் அப்துல் ஜலில், நேற்று கூறினார். அதே அமைச்சர் ஜலில், 'கள் விற்பனையை அனுமதிக்க முடியாது' என, நேற்று முன்தினம் கடுமையாக கூறியிருந்தது குறிப்பிடத்தக்கது.

Advertisement


வாசகர் கருத்து (17)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
adalarasan - chennai,இந்தியா
01-ஆக-201622:38:57 IST Report Abuse
adalarasan வெட்கமில்லை வெட்கமில்லை இங்கு யாருக்கும் வெட்கமில்லை
Rate this:
Cancel
GOPALASAMY - bengaluru,இந்தியா
01-ஆக-201620:14:44 IST Report Abuse
GOPALASAMY நிதீஷை எப்படி வழிக்கு கொண்டு வர வேண்டும் என்று லாலுவிற்கு தெரியும் . பிரதம மந்திரி வேட்பாளர் என்கிற காரட் லாலு கையில் உள்ளது .
Rate this:
Cancel
Endrum Indian - Kolkata,இந்தியா
01-ஆக-201616:25:10 IST Report Abuse
Endrum Indian கள் அனுமதி, அயல் நாட்டு மது வகைகள் அனுமதி? “மொஹ்வா” இங்கு பிரபலம் அதுவும் அனுமதி, என்ன சாராயம் தான் அனுமதி இல்லையா, அது கூட கொஞ்சம் தண்ணீர் சேர்த்தால் அதுவும் அனுமதி. படிப்படியாக மதுக்கடைகள் மூடல் தமிழ்னாட்டில், பீஹாரில் கள் அனுமதி மற்றவை இல்லை என்ன பெரிய வித்தியாசம்? சொரிவாலின் நெருங்கிய நண்பர் அல்லவா? எல்லாம் இப்படித்தான் இருக்கும் இவர்கள் அறிவு. ஆக மொத்தம் இவர்களை தேர்ந்தெடுத்த மக்கள் படு முட்டாள்கள்? அப்படித்தானே?
Rate this:
Irudayarab Rajan - madurai ,இந்தியா
01-ஆக-201617:24:00 IST Report Abuse
Irudayarab Rajanமாவீரனாக பேசிய நிதிஸ் இப்படி குப்புற விழுவார் என்று நினைத்துக்கூட பார்க்க முடியவில்லை சாமி பூ................ இவ்வளவுதான்...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X