பரீக்கர் பேச்சுக்கு காங்கிரஸ் கடும் கண்டனம்

Updated : ஆக 01, 2016 | Added : ஜூலை 31, 2016 | கருத்துகள் (25) | |
Advertisement
புதுடில்லி : 'நாட்டை விமர்சித்து பேசியவர்களுக்கு நல்ல பாடம் கற்பிக்கப்பட்டது' என, பாலிவுட் நடிகர் அமீர் கான் குறித்து, ராணுவ அமைச்சர் மனோகர் பரீக்கர் கூறியதற்கு, காங்கிரஸ் கடும் கண்டனம் தெரிவித்துள்ளது.கடந்தாண்டு நவம்பர் மாதத்தில், சகிப்பின்மை குறித்து பெரும் விவாதம் நடந்தது. அப்போது, 'இந்தியாவில் தொடர்ந்து இருப்பதற்கு பயமாக உள்ளது, வெளிநாடுகளுக்கு
 பரீக்கர் பேச்சுக்கு காங்கிரஸ் கடும் கண்டனம்

புதுடில்லி : 'நாட்டை விமர்சித்து பேசியவர்களுக்கு நல்ல பாடம் கற்பிக்கப்பட்டது' என, பாலிவுட் நடிகர் அமீர் கான் குறித்து, ராணுவ அமைச்சர் மனோகர் பரீக்கர் கூறியதற்கு, காங்கிரஸ் கடும் கண்டனம் தெரிவித்துள்ளது.

கடந்தாண்டு நவம்பர் மாதத்தில், சகிப்பின்மை குறித்து பெரும் விவாதம் நடந்தது. அப்போது, 'இந்தியாவில் தொடர்ந்து இருப்பதற்கு பயமாக உள்ளது, வெளிநாடுகளுக்கு சென்றுவிடலாமா என்று என் மனைவி கேட்கிறார்' என்று, பாலிவுட் நடிகர் அமீர் கான் கருத்து தெரிவித்திருந்தார். இதற்கு கடும் கண்டனம் தெரிவிக்கப்பட்டது.
இந்த நிலையில், அமீர் கான் நடித்த விளம்பரத்தால், ஒரு இணைய விற்பனை நிறுவனமும் இந்த சர்ச்சையில் பாதிக்கப்பட்டது. அதைத் தொடர்ந்து அமீர் கானுடனான ஒப்பந்தத்தை அந்த நிறுவனம் ரத்து செய்தது.
இந்த நிலையில், மஹாராஷ்டிர மாநிலம் புனேயில், நேற்று முன்தினம் இரவு நடந்த ஒரு நிகழ்ச்சியில், ராணுவ அமைச்சர் மனோகர் பரீக்கர் பேசுகையில், ''தன்னுடைய மனைவி சொன்னதாக நாட்டுக்கு எதிராக பேசியவருக்கு தகுந்த பாடம் கற்பிக்கப்பட்டது. அதேபோல், அவரை விளம்பரத்தில் நடிக்கச் செய்த நிறுவனத்துக்கும் பாடம் கற்பிக்கப்பட்டது,'' என்றார்.
இதற்கு, காங்கிரஸ் கட்சி கடும் எதிர்ப்பு தெரிவித்துள்ளது. ''பரீக்கரின் பேச்சு, எதிர் கருத்து கூறுபவர்களை நசுக்கும் வகையில், பா.ஜ., அரசு செயல்படுகிறது என்பதை நிரூபிப்பது போல் உள்ளது,'' என, காங்கிரஸ் செய்தித் தொடர்பாளர் ரன்தீப் சுர்ஜிவாலா தெரிவித்தார்.

Advertisement




வாசகர் கருத்து (25)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
fire agniputhran - jakarta,இந்தோனேசியா
01-ஆக-201616:33:28 IST Report Abuse
fire agniputhran என்னவோ தேவையில்லாத பிரச்னை ஊத்தி பெரிதாக்குவதே ஒரு சிலருக்கு வேலையாக போய் விட்டது....
Rate this:
Cancel
ganapati sb - coimbatore,இந்தியா
01-ஆக-201615:00:22 IST Report Abuse
ganapati sb ac அறைகளில் பாதுகாப்பாக தகுதிக்கு மீறிய புகழுடன் இருந்தவர்கள் தான் சகிப்புத்தன்மை இல்லை என்று பிஹார் தேர்தலுக்கு முன்பு சிறுபான்மையினர் வாக்குகளை ஒருங்கிணைத்து பாஜகவை தோற்கடிக்கும் நோக்கோடு உரிய சன்மானம் பெற்று பேசிக்கொண்டிருந்தார்கள். தேர்தலுக்காக தேசத்தை பற்றி தேவையில்லாமல் பேசியவர்களுக்கு தகுந்த பதிலடி கொடுக்கப்படவேண்டும் என்பதில் மாற்றுக் கருத்தில்லை. மோடி அரசில் ஊழல் இல்லாததால் தேவையில்லாமல் சிறிய தனித்தனி நிகழ்வுகளை இணைத்து சகிப்பு தன்மை பற்றி பேசுகிறார்கள். இந்த அரசியல் குறித்து காலப்போக்கில் சிந்திக்கும் மக்கள் புரிந்து கொள்வர்.
Rate this:
Cancel
இந்தியன் kumar - chennai,இந்தியா
01-ஆக-201614:36:46 IST Report Abuse
இந்தியன் kumar மற்ற நாடுகளை கம்பர் செய்யும் போது இந்தியா அணைத்து மக்களும் வாழ மிக சிறந்தது , நாட்டை விட்டு போகிரையன் என்று சொல்பவர்கள் எல்லாம் ஒரு வித பம்மாத்து தான்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X