சம்பவம் செய்தி

தமிழ்நாடு

ரவுடி கொலையில் 6 பேர் கைது: பழிக்குப்பழியாக நடந்தது அம்பலம்

Added : டிச 05, 2016
Share
Advertisement
சேலம்: வீராணத்தில், பிரபல ரவுடி கொல்லப்பட்ட விவகாரம் தொடர்பாக, ஆறு பேர் கும்பலை, போலீசார் நேற்று கைது செய்தனர். சேலம், அயோத்தியாப்பட்டணத்தை சேர்ந்த பிரபல ரவுடி முருகன், 40. அவருக்கு, மேட்டுப்பட்டி, தாதனூரை சேர்ந்த ரவி, பாலு, முருகேசன் ஆகியோரை கொன்ற வழக்கில், ஆயுள் தண்டனை விதிக்கப்பட்டது. சேலம் மத்திய சிறையில், பத்து ஆண்டுகள் இருந்த அவர், நன்னடத்தை அடிப்படையில், 2008ல் வெளியே

சேலம்: வீராணத்தில், பிரபல ரவுடி கொல்லப்பட்ட விவகாரம் தொடர்பாக, ஆறு பேர் கும்பலை, போலீசார் நேற்று கைது செய்தனர். சேலம், அயோத்தியாப்பட்டணத்தை சேர்ந்த பிரபல ரவுடி முருகன், 40. அவருக்கு, மேட்டுப்பட்டி, தாதனூரை சேர்ந்த ரவி, பாலு, முருகேசன் ஆகியோரை கொன்ற வழக்கில், ஆயுள் தண்டனை விதிக்கப்பட்டது. சேலம் மத்திய சிறையில், பத்து ஆண்டுகள் இருந்த அவர், நன்னடத்தை அடிப்படையில், 2008ல் வெளியே வந்தார். அமைதியாக இருந்த முருகன், கடந்த, 2ல் மர்ம நபர்களால் கொல்லப்பட்டார். இதுகுறித்து, அம்மாபேட்டை இன்ஸ்பெக்டர் நாகராஜன் தலைமையில், தனிப்படை அமைக்கப்பட்டு, விசாரணை நடந்தது. அதில், தாதனூரை சேர்ந்த ரவியின் மகன் தினேஷ்குமார், 25, நண்பர்களுடன் சேர்ந்து, கொன்றது தெரியவந்தது. அதையடுத்து, தாதனூரை சேர்ந்த செல்வமணி, 24, பிரகாஷ், 22, ராஜேஸ், 20, மாதேஸ்வரன், 21, உடையாப்பட்டியை சேர்ந்த கோபி, 22 மற்றும் தினேஷ்குமாரை, போலீசார் கைது செய்தனர்.
போலீசாரிடம், தினேஷ்குமார் அளித்த வாக்குமூலம்: கடந்த, 1996ல், தன் தந்தை ரவி, பெரியப்பா முருகேசன், பாலு ஆகியோரை, முருகன் மற்றும் அவரது ஆதரவாளர்கள் கொலை செய்தனர். அப்போது, நான்கு வயதுடைய நான், தந்தையை இழந்ததால், கடும் வேதனையில் வளர்ந்தேன். எப்படியாவது, தந்தையை கொன்றவனை கொல்ல வேண்டும் என்ற எண்ணம் ஏற்பட்டு, நாளடைவில் வெறியாக மாறியது. அதற்காக திட்டமிட்டு, முருகனிடம் பழகினேன். சம்பவத்தன்று, தனியாக அழைத்து வந்து, நண்பர்களுடன் சேர்ந்து, அவரை கொலை செய்தேன். இவ்வாறு வாக்குமூலம் அளித்தார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X