Dinamalar

'டிஜிட்டல்' முறையில் பணம் செலுத்துவதை ஊக்குவிக்கும் வகையில், அதை பயன்படுத்தும் பொதுமக்கள் மற்றும் அதன் மூலம் வர்த்தகம் செய்யும் வர்த்தகர்களுக்கு, குலுக்கலில், ஒரு கோடி ரூபாய் வரை பரிசு வழங்கப்பட உள்ளது.

செல்லாத ரூபாய் நோட்டு விவகாரத்தால், சில்லரை பணமில்லாமல் மக்கள் தவிக்கின்ற னர். வங்கிகளிலும், ஏ.டிஎம்.,களிலும், மக்கள் நீண்ட வரிசையில் காத்து இருக்கின்றனர்.
இதனால், 'ரொக்கமில்லாமல், 'டிஜிட்டல்' எனப்படும் மின்னணு முறையில், பரிவர்த் தனை செய்ய வேண்டும்' என, மத்திய அரசு வலியுறுத்தி வருகிறது.

இதை ஊக்குவிக்கும் வகையில், ஏற்கனவே, பல்வேறு சலுகைகள் அறிவிக்கப்பட்டுள்ளன. இதைத் தொடர்ந்து, டிஜிட்டல் பரிவர்த்தனை செய்பவர்களுக்கு, குலுக்கல் மூலம் பரிசுகள்

வழங்க, மத்திய அரசு முடிவு செய்துள்ளது.

இது குறித்து, 'நிடி ஆயோக்' தலைமை செயல்அதிகாரி, அமிதாப் காந்த் கூறியதாவது: டிஜிட் டல் பரிவர்த்தனைக்கு மக்களிடம் வரவேற்பு கிடைத்து வருகிறது; இதை, மேலும் ஊக்குவிக் கும் வகையில், குலுக்கல் முறை யில் பரிசு வழங்க திட்டமிட்டுள்ளோம். பொது மக்கள் மற்றும் வர்த்தகர்களுக்கு தனித்தனியாக பரிசு கள் வழங்கப்படும். மொத்தம், 340 கோடி ரூபாய் மதிப்புள்ள பரிசுகள் வழங்கப்படும்.

கிறிஸ்துமஸ் தினமான, டிசம்பர், 25ல் இருந்து, பரிசுகள் வழங்கப்பட உள்ளன. 50 முதல், 3,000 ரூபாய்க்குள் டிஜிட்டல் பரிமாற்றம் செய்பவர் கள், குலுக்கல் பரிசுக்கு தகுதியுடையவர்கள்; இதன்படி, தலா, 1,000 ரூபாய் பரிசு, 15 ஆயிரம் பேருக்கு, 100 நாட்களுக்கு வழங்கப்படும்.

இதைத் தவிர, வாரம் தோறும், 7,000 பரிசுகளும் வழங்கப்படும். அது போலவே, டிஜிட்டல் பரி வர்த்தனைக்கு ஏற்பாடு செய்துள்ள வர்த்தகர் களுக்கும் பரிசு வழங்கப்படும்; வாரந்தோறும், 7,000 வர்த்தகர்கள், குலுக்கல் முறையில் தேர்வு செய்யப்படுவர்.

இதை தவிர, 2016 நவம்பர், 8 முதல், 2017