பதிவு செய்த நாள் :
எச்சரிக்கை!
அரசு ஊழியர்களுக்கு மத்திய அரசு... :
கொள்கையை விமர்சித்தால் நடவடிக்கை

புதுடில்லி:'அரசின் கொள்கைகள், நடவடிக்கை களை விமர்சித்தால் ஒழுங்கு நடவடிக்கை உள்ளிட்ட நடவடிக்கைகளை சந்திக்க நேரிடும்' என, மத்திய அரசு ஊழியர்களுக்கு, மத்திய நிதி அமைச்சகம் எச்சரித்துள்ளது.

அரசு ஊழியர்களுக்கு மத்திய அரசு... எச்சரிக்கை!:கொள்கையை விமர்சித்தால் நடவடிக்கை

ஜி.எஸ்.டி., எனப்படும் சரக்கு மற்றும் சேவை வரி விதிப்பு முறையை கொண்டு வர, மத்திய
அரசு தீவிரமாக உள்ளது. இந்நிலையில், இது தொடர்பாக எடுக்கப்பட்ட சில கொள்கை
முடிவுகளை எதிர்த்து, சுங்கம் மற்றும் கலால் துறை ஊழியர்கள் போராட்டத்தில் ஈடுபட்டனர்.

ஊழியர் சங்கங்கள் விமர்சனம்


அதைத் தொடர்ந்து, ஊழியர் சங்கங்களுக்கு, நிதி அமைச்சகம் சார்பில் ஒரு கடிதம் அனுப்பப் பட்டு உள்ளது; அதில் கூறப்பட்டு உள்ளதாவது: ஜி.எஸ்.டி., சட்டங்கள் குறித்து, மத்திய நிதி அமைச்சர், அருண் ஜெட்லி தலைமையிலான, ஜி.எஸ்.டி., கவுன்சில், பல்வேறு முடிவுகளை எடுத்து வருகிறது; இதை, சில ஊழியர் சங்கங்கள் விமர்சித்து உள்ளன.

மத்திய அரசின் கொள்கைகள், திட்டங்களுக்கு எதிர்மறையான விமர்சனங்கள், கருத்துக்களை கூறக் கூடாது என, ஏற்கனவே அறிவுறுத்தப் பட்டுள்ளது. ஆனால், இது போன்ற விமர்சனம்,

கருத்து தெரிவிப்பது தொடர்ந்து நடந்து வருவதை ஏற்க முடியாது.மத்திய, மாநில அரசு ஊழியர்களுக் கான பணி விதிகளில், 'அரசின் கொள்கைக்கு எதிராக ரேடியோ, 'டிவி' பத்திரிகைகளில் பேட்டியோ விளம்பரமோ அளிக்கக் கூடாது' என்பது தெளிவாக குறிப்பிடப்பட்டுள்ளது.

பணி விதிகளுக்கு எதிராக, அரசின் கொள்கைகளை விமர்சித்து, கருத்து தெரிவிப்பதை உடனடியாக நிறுத்த வேண்டும். இல்லாவிட்டால், ஒழுங்கு நட வடிக்கை உட்பட, கடுமையான நடவடிக்கை எடுக்க நேரிடும்.இவ்வாறு கடிதத்தில் கூறப்பட்டுள்ளது.' அரசுக்கு எதிராக விமர்சனம் செய்யவில்லை' என, சுங்கம் மற்றும் கலால் வரிக்கான, இந்திய வருவாய் சேவை அதிகாரிகள் சங்கத்தின் தலைவர், அனுாப் ஸ்ரீவத்சவா தெரிவித்துள்ளார்.

கடமை உள்ளது


இது குறித்து அவர் கூறியதாவது:

எந்த விதத்திலும், அரசின் கொள்கையை, நடவடிக் கைகளை நாங்கள் விமர்சிக்கவில்லை. அதே நேரத் தில், மத்திய அரசு பணியாளர்கள், ஊழியர்கள், அதிகாரிகள் என்ற அடிப்படையில், இது தொடர்பான ஆலோசனைகள் வழங்க வேண்டிய கடமை எங்க ளுக்கு உள்ளது.ஜி.எஸ்.டி., முறையை கொண்டு வர வேண்டும் என, 10 ஆண்டுகளாக உழைத்து வருகி றோம். ஜி.எஸ்.டி., வரி விதிப்பு முறையில் எதிர் நோக்கும் சில பிரச்னைகள், சிக்கல்கள் குறித்தே நாங்கள் கூறியுள்ளோம்.

எங்கள் விருப்பம்


உலகெங்கும், 150 நாடுகளில் அறிமுகம் செய்யப் பட்ட, ஜி.எஸ்.டி., வரி விதிப்பு முறை, 100 நாடுகளில் தோல்வி அடைந்து உள்ளது. அதனால், மிகவும் வெற்றிகரமாக இந்த வரி விதிப்பு முறையை

Advertisement

கொண்டு வர வேண்டும் என்பதே எங்கள் விருப்பம். அதற்காக சிலபரிந்துரைகள், ஆலோசனைகளை அளிக் கிறோம். அதை ஏற்பது குறித்து அரசே முடிவு செய்து கொள்ளட்டும்.இவ்வாறு அவர் கூறினார்.

அதிகாரிகள் எதை எதிர்க்கின்றனர்?


ஜி.எஸ்.டி., சட்டம் மற்றும் விதிகளை வரை யறுப்பதற்காக, மத்திய நிதி அமைச்சர் தலைமையிலான, ஜி.எஸ்.டி., கவுன்சில் அமைக்கப்பட்டு உள்ளது; மாநில நிதி அமைச்சர்கள், இதன் உறுப்பினர்களாக உள்ளனர்.

கடலில், 12 கடல் மைல் வரை, வரி வசூலிக் கும் உரிமையை மாநில அரசுகளுக்கு அளிப்பது; ஆண்டுக்கு, 1.5 கோடி ரூபாய்க்கு கீழ் வர்த்தகம் செய்வோரிடமிருந்து, ஜி.எஸ்.டி., வரியை வசூலிக்கும் உரிமையில், 90 சதவீதத்தை, மாநில அரசுக்கு அளிப்பதற்கு கவுன்சில் கூட்டத்தில் முடிவு செய்யப்பட்டது. இந்த முடிவுகளுக்கு ஊழியர்களும், அதிகாரி களும் கடும் எதிர்ப்பு தெரிவித்து வருகின்றனர்.


Advertisement

வாசகர் கருத்து (36)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Anand K - chennai,இந்தியா
12-பிப்-201718:08:22 IST Report Abuse

Anand Kசெ ய்தி : பி ற மாநிலக்களை விட தமிழத்தில் மாணவர்கள் பள்ளிக்கு அதி க மா க செ ல் கி ன் றனர் பள்ளி கல்வி அமைச்சர் பாண்டியராஜன் :- பதில் அனைவரும் செ ல்வது தனியார் பள்ளி. அரசு உழி ய ர் கள் கு ழ ந் தை கள் அ னை வ ரு ம் செ ல்வது தனியார் பள்ளி அப்படி இருக்க எப்படி அரசு மற்றும் மாநகராய்ச்சி , அரசு உதவி பெரும் பள்ளிக்கு செல்ல யார் தயா ர் ? அரசு உழி ய ர் கே அவர் மீது நம்பிக்கை இல்லை ? வெறும் மாத ம் 2000 முதல் 5000 சம்பளமே வாங்கும் தனியார் பள்ளி ஆசிரியர்மீது நம்பிக்கை வைத்து உள்ளனர் அனைத்து தமிழ் மக்களும் தமிழக அரசு வரும் பட்ஜெட் 2017 அரசு உழி ய ர் கள் கு ழ ந் தை கள் அ னை வ ரு ம் அரசு மற்றும் மாநகராய்ச்சி , அரசு உதவி பெரும் பள்ளியில் வகுப்பு 1 முதல் 12 வரை படிக்கவேண்டும் என்ற ஆணை விட வேண்டும் அப்படி படிக்க வைக்க வில்லை எனில் அவர்களுக்கு பஞ்ச படி மற்றும் 7 வது ஊதிய குழு அவர்களுக்கு விலக்கு அளிக்க வேண்டும்

Rate this:
m.viswanathan - chennai,இந்தியா
07-பிப்-201721:37:43 IST Report Abuse

m.viswanathanஅரசு ஊழியர்களுக்கே மிரட்டலா ? அவனுக அசகாய சூரனுக , உனக்கும் பெப்பே உங்கப்பனுக்கும் பெப்பே

Rate this:
V KRISHNAN - chennai,இந்தியா
10-பிப்-201723:35:33 IST Report Abuse

V KRISHNANG S T இல் பணம் அடிக்க முடியாதா?? ...

Rate this:
S Rama(samy)murthy - karaikudi,இந்தியா
07-பிப்-201718:54:47 IST Report Abuse

S Rama(samy)murthyஇந்த அரசு ஊழியர் ஒட்டு உண்ணிகள் கான் -கிராஸ் ஆட்சியில் நல்ல சுகத்தை கண்டனர் . தற்பொழுது அதற்க்கு வாய்ப்பு இல்லை .அதன் வெளிப்பாடு தான் இது -சுப ராம காரைக்குடி

Rate this:
மேலும் 32 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X