சென்னை: ''அ.தி.மு.க., ஆட்சியைகவிழ்க்க, தி.மு.க., சதி செய்து வருகிறது,'' என, அ.தி.மு.க., செய்தி தொடர்பாளரும், முன்னாள் அமைச்சருமான பண்ருட்டி ராமச்சந்திரன் தெரிவித்தார். அவர் அளித்த பேட்டி: தமிழக அரசியலில், குழப்பத்தையும், கலவரத்தையும், தி.மு.க.,உருவாக்கி வருகிறது.சட்டசபை கூட்டத்தில், ரகசிய ஓட்டெடுப்பு நடத்த வேண்டும் அல்லது கூட்டத்தை ஒத்திவைத்திருக்க வேண்டும் எனக் கூறுகின்றனர்.ஐந்து ஆண்டுகளுக்கு ஒரு முறை நடைபெறும் தேர்தல், ரகசிய ஓட்டெடுப்பு முறையில் நடைபெறுகிறது. மத்திய, மாநில அரசு தொடர்ந்து நடைபெற, சபைக்குள்ரகசிய ஓட்டெடுப்பு அமல்படுத்தப்படுவதில்லை. ஒவ்வொரு மானிய கோரிக்கையிலும், ஓட்டெடுப்பு நடத்தப்படும். ரகசிய ஓட்டெடுப்பு நடத்தி, மானிய கோரிக்கையை தோற்கடித்தால், அரசை எவ்வாறு நடத்த முடியும்? எனவே, ரகசிய ஓட்டெடுப்பு ஜனநாயக முறைக்கு ஒவ்வாது. அது, சட்டத்திற்கு விரோதமானது. கட்சி தாவல் தடுப்பு சட்டத்திற்கு எதிரானது. சட்டத்திற்கு விரோதமான செயலை, தி.மு.க., வலியுறுத்தியது; அதை, சபாநாயகர் நிராகரித்தார்.சட்டசபையில், கோரம் இல்லை என்றால் தான், நம்பிக்கை தீர்மானம் நிறைவேற்ற முடியாது. எதிர்க்கட்சி உறுப்பினர் கள் இல்லாமல், நிறைவேற்றப்பட்ட தீர்மானம் செல்லாது எனக் கூற முடியாது. இதில், கவர்னர், மத்திய அரசு, யாரும் தலையிட முடியாது. இது, முழுக்க முழுக்க சபாநாயகர் உரிமை.ஆட்சியை கவிழ்க்க வேண்டும் என்ற குறிக்கோளுடன் செயல்படும் தி.மு.க., ஆக்கப்பூர்வமான எதிர்க்கட்சி அல்ல. இவ்வாறு அவர் கூறினார். பன்னீர் மீது நடவடிக்கை! : ''அ.தி.மு.க., அரசுக்கு எதிராக ஓட்டளித்த, பன்னீர்செல்வம் மற்றும் அவரது ஆதரவு, எம்.எல்.ஏ.,க்கள் மீது, உரிய நேரத்தில் நடவடிக்கை எடுக்கப்படும்,'' என, பண்ருட்டி ராமச்சந்திரன் தெரிவித்தார். அவர் கூறியதாவது: கூவத்துார் சொகுசு விடுதியில், எம்.எல்.ஏ.,க்களை தங்க வைத்ததால் தான், அவர்களால் ஒழுங்காக ஓட்டு போட முடிந்தது. தி.மு.க.,வை பொறுத்தவரை, பன்னீர்செல்வம் என்னவாகிறார் என்பது முக்கியமல்ல. அவர்களின் ஒரே நோக்கம், ஆட்சியை கவிழ்ப்பது தான்.சட்டசபைக்குள் காவலர்களை அழைப்பது, சபாநாயகர் உரிமை; யாரை வேண்டுமானாலும் அழைக்க லாம். பன்னீர் ஆதரவு, எம்.எல்.ஏ.,க்கள் மீது, உரிய நேரத்தில் நடவடிக்கை எடுக்கப்படும்.இவ்வாறு அவர் கூறினார்.
பண்ருட்டி அவர்களே .. மெத்த படித்த உங்களை போன்ற மேதாவிகள் கூட மக்கள் எண்ண ஓட்டங்களை புரிந்து கொள்ளாமல் கேவலம் மன்னார்குடி மாபியா வின் பினாமியாக செயல்படவும் கேவலம் தினகரனின் தலைமையை ஏற்றுக்கொண்டு அவமானப்படவும் முடிவு எடுத்திருப்பது வருத்தமமளிப்பதாக உள்ளது. OPS முதல்வராக தொடர்ந்திருந்தால் ஆட்சிக்கு ஒரு பங்கமும் வந்திருக்காது. திமுகவின் நோக்கம் அதிமுக ஆட்சியை கலைப்பதல்ல. சசிகலா, தினகரன் தலைமையில் உருவாகும் பினாமி அரசை தவிர்ப்பது அல்லது அகற்றுவது தான். இது தான் மக்களின் எண்ண ஓட்டமும். அதைத்தான் ஸ்டாலின் செய்கிறார். அவரது நடவடிக்கைகள் வெற்றியோ தோள்வியோ. ஆனால் மக்கள் எண்ண ஓட்டத்தை பிரதி பலிக்கிறது. இந்த வேலையை வலுவாக செய்ய, OPS தவறிக்கொன்டே இருக்கிறார். மக்கள் ஆதரவு, அதிமுக தொண்டர்கள் ஆதரவு OPS க்கு இருக்கும்போது அவர் ஏன் துடிப்புடன் சாதூர்யத்துடன் செயலாற்றவில்லை எனபது தான் மக்களின் , அதிமுக தொண்டர்களின் ஆதங்கம். ஒபிஸ் தவறுவதால் தான் ஸ்டாலின் செய்யும் உச்ச பட்ச நடவடிக்கைகள் , அதிமுக தொண்டர்கள் உள்ளிட்ட பொதுமக்களால் வரவேற்கப்படுகிறது. இப்பவும் OPS தலைமையில் அதிமுக ஆட்சி அமையுமானால் , அல்லது பாண்டியராஜன், அல்லது முன்னாள் காவல்துறை தலைவர் மைலாப்பூர் நடராஜன் அவர்களில் யாராவது ஒருவரது தலைமையில் அரசு அமைந்தால் அதிமுக சிதையாது. ஆட்சி தொடரும். ஸ்டாலின் செய்வது சசிகலா பினாமி ஆட்சியை அகற்றுவதையே தவிர அதிமுக ஆட்சி அகற்றல் அல்ல. இதை புரிந்து கொள்ளுங்கள். அப்படி அதிமுக அரசு கவிழ்ந்தால், திமுக அரசமைத்தால் அதில் காங்கிரஸ் பங்கு கேட்கும். ஒபிஸ் அதில் பங்கு பெற மாட்டார். எனவே அப்படி பலகீனமாக திமுக ஆட்சி அமைக்க வாய்ப்பில்லை. மாறாக மறு தேர்தல் வந்து திமுக ஆட்சியை பெரும்பான்மையுடன் அமைக்கவே முயலும். நீங்கள் அதிமுக ஆட்சியை காப்பாற்ற எண்ணினால், சசிகலாவின் பினாமிகளை விலகச்சொல்லி, மக்கள் ஆதரிக்கும் ஒபிஸ், அல்லது பாண்டியராஜன் அல்லது மயிலாப்பூர் நடராஜனை முதல்வராகி, தினகரனை சசிகலா வகையறாவை விலக்கி அதிமுகவையும் அதன் அரசையும் காப்பாற்றுங்கள். தவறினால் அதிமுக ஆட்சியை சீக்கிரம் இழக்கும். சசிகலா தினகரன் தலைமயில் இயங்கும் அதிமுக வெகு சீக்கிரம் மக்களால் புறக்கணிக்கப்பட்டு அழிந்துவிடும். எனவே ஸ்டாலினை விமர்சிப்பதை விட்டுவிட்டு அதிமுக கட்சியையும் ஆட்சியையும் காப்பாற்ற முயற்சி செய்யுங்கள். மற்றவர்கள் தான் கூவத்தூர் கூமுட்டைகள் ஆகிவிட்டார்கள். நீங்களும் அப்படி ஆகாதீர்கள். நீங்கள் நன்கு படித்தவர். பலகலையில் முதல் மாணவனாக தேறி தங்க மெடல் வாங்கியவர். அதன்படி நடந்து கட்சியையும் ஆட்சியையும் காப்பாற்றுங்கள்.
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும்.
4. வாசகர்கள் தெரிவிக்கும் கருத்துக்களை, அவர்கள் நடையிலேயே எவ்வித அடித்தல், திருத்தல் இன்றி வெளியிட வேண்டும் என்றே நாங்கள் விரும்புகிறோம். அதற்கேற்ப உங்கள் கருத்துக்களை, விமர்சனங்களை நாகரிகமாக பதிவு செய்யுமாறு வேண்டுகிறோம்.
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியிடப்படுகின்றன. இருப்பினும் இந்த பகுதியில் வெளியாகும் வாசகர்கள் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு தினமலர் நிறுவனம் எந்த வகையிலும் பொறுப்பேற்க இயலாது.
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
ரொம்ப நல்லவன்டா நீ. கட்சி விட்டு கட்சி மாறிக்கொண்டே இருக்கும் நீ பேசுற. உனக்கு அந்த அருகதை கிடையாது.
