மலை ஆக்கிரமிப்பு மோதல் தடுக்க போலீஸ் குவிப்பு| Dinamalar

பொது செய்தி

தமிழ்நாடு

மலை ஆக்கிரமிப்பு மோதல் தடுக்க போலீஸ் குவிப்பு

Added : ஏப் 17, 2017

திருக்கழுக்குன்றம்;ஆக்கிரமிப்பு மலை பிரச்னை தொடர்பாக, மோதல் ஏற்படலாம் என்பதால், அழகுசமுத்திரத்தில் போலீசார் குவிக்கப்பட்டுள்ளனர்.திருக்கழுக்குன்றம் அருகே அழகுசமுத்திரம் உள்ளது. இக்கிராமத்தை ஒட்டியே சோகண்டி கிராமத்தில், அழகுசமுத்திர மலையை ஆக்கிரமித்து, ஒரு சமூகத்தினர் வழிபாடு தலம் உருவாக்கினர். தொடர்ந்து வழிபட்டு வந்தனர். இதற்கு, அப்பகுதிவாசிகள் எதிர்ப்பு தெரிவித்து, ஆக்கிரமிப்பை அகற்ற கோரி, கடந்த டிசம்பர் மாதம், திருக்கழுக்குன்றம் வட்டாட்சியர் அலுவலகத்தை முற்றுகையிட்டு போராட்டம் நடத்தினர்.இதையடுத்து, செங்கல்பட்டு சார் ஆட்சியர் ஜெயசீலன், ஆக்கிரமிப்பை அகற்ற உத்திரவிட்டார். தொடர்ந்து, ஆக்கிரமிப்பை அகற்றி, வருவாய் துறையினர் அறிவிப்பு பலகை வைத்தனர்.இந்நிலையில், நேற்று நடந்த விழாவுக்காக, மேற்கண்ட சமூகத்தினர், மலையில் அமைக்கப்பட்டுள்ள வழிபாடு தலம் செல்ல முயன்றதாக தெரிகிறது. இதற்கு, பகுதிவாசிகள் எதிர்ப்பு தெரிவித்தனர்.மேலும், பிரச்னை ஏற்படாமல் இருக்க, செங்கல்பட்டு மற்றும் திருக்கழுக்குன்றம் போலீசார், அந்த பகுதியில் குவிக்கப்பட்டு, ரோந்து பணியில் ஈடுபட்டுள்ளனர்.காவல் துறையிடம் கேட்டபோது 'அசம்பாவிதங்கள் மற்றும் சட்டம் - ஒழுங்கு பிரச்னை எதுவும் ஏற்படாமல் இருக்க, பாதுகாப்பு பணியில் ஈடுபட்டுள்ளோம்' என்றனர்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X