பிற மாநிலத்தவரும் தமிழ் படிக்க வேண்டும்! முதல்வர்கள் கூட்டத்தில் மோடி பேச்சு Dinamalar
பதிவு செய்த நாள் :
பிற மாநிலத்தவரும் தமிழ் படிக்க வேண்டும்!
முதல்வர்கள் கூட்டத்தில் பிரதமர் மோடி பேச்சு

புதுடில்லி : ''தொன்மையான தமிழ் மொழியை, பிற மாநில மாணவர்கள் கற்கும் வகையில், அந்த மாநில அரசுகள், தமிழக அரசுடன் புரிந்துணர்வு ஒப்பந்தம் செய்ய வேண்டும்,'' என, பிரதமர் மோடி பேசினார்.

பிற மாநிலம், தமிழ் ,படிக்க,  மோடி,


மாநில முதல்வர்கள் பங்கேற்ற, 'நிடி ஆயோக்' கூட்டத்தில், பிரதமர் பேசியதாவது: சர்தார் வல்லபாய் பட்டேல் பிறந்த நாளை முன்னிட்டு, 'ஒன்றுபட்ட பாரதம்; ஒப்பற்ற பாரதம்' என்ற, அவரது தாரக மந்திரத்தை, நாம் கையில் எடுக்க வேண்டும். இந்தியா, பன்முகத்தன்மை உடைய நாடாக திகழ்கிறது.

வேற்றுமையில் ஒற்றுமை உணர்வை பலப்படுத்த, நாம் தொடர் முயற்சிகளில் ஈடுபட வேண்டும். ஒரே தேசத்தில் வசித்தாலும், பல நேரங்களில், நாம் அன்னியராக உணர்கிறோம். நமது பாரம்பரியம், கலாசாரம் பற்றி அறிந்து கொள்ளாமல் இருக்கிறோம். மாநிலங்கள், ஒன்றோடு ஒன்று இணைந்து, பணியாற்றுவது அவசியம்.
உதாரணத்திற்கு, தமிழகத்தை எடுத்துக் கொள்ளுங்கள். தமிழ், வளமையான, தொன்மை வாய்ந்த மொழி. தமிழ் மொழியின் மூலம், இந்தியாவின் வளமையை பறைசாற்றலாம். ஆனால், தமிழ் மொழியை பற்றி, பல மாநிலத்தவர் அறிந்து கொள்ளாமல் உள்ளனர்.

புரிந்துணர்வு ஒப்பந்தம்


தமிழ் பாடல்களையாவது அல்லது, 100 வார்த்தைகளையாவது, பிற மாநில மாணவர்கள் கற்கலாம். இந்த ஒப்பந்தங்கள் மூலம், தொன்மையான மொழியின் எழுத்துக்களை, மாணவர்கள் அறிய முடியும்.எனவே, தமிழக அரசுடன் மற்ற மாநிலங்கள், புரிந்துணர்வு ஒப்பந்தம் செய்யலாம்;

Advertisement

தமிழக மாணவர்களுடன் விளையாட்டுப் போட்டிகளை நடத்தலாம்; தமிழகத்திற்கு, மாணவர்களை சுற்றுலாவுக்கு அனுப்பலாம்.
குஜராத் - சத்தீஸ்கர், தெலுங்கானா - ஹரியானா போன்ற, மேலும் சில மாநிலங்கள், இதுபோன்ற ஒப்பந்தங்களை செய்திருப்பது குறிப்பிடத்தக்கது. இந்தியாவில், ஒன்றுக்கொன்று வித்தியாசமான மாநிலங்கள் ஏராளமாக உள்ளன. இவை, ஒன்றோடு ஒன்று சேர்ந்து செயல்பட வேண்டும். வேற்றுமைகள் நிறைந்த, நம் தேசத்திற்கு, இம்முயற்சி அவசியம். இவ்வாறு பிரதமர் பேசினார்.


Advertisement

வாசகர் கருத்து (129)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
A shanmugam - VELLORE,இந்தியா
28-ஏப்-201711:12:19 IST Report Abuse

A shanmugamநாடு மக்களுக்கு முன் உதாரணமாக நீங்க தமிழை நன்கு கற்று கொண்டு பின்பு "மண்கிபாத்" என்கிற மனதின் குரலில் தமிழில் பேசுங்கோ பிறகு எல்லோரும் தமிழை வடநாட்டில் கற்றுக்கொள்ள ஆர்வம் காட்டுவார்கள். மேலும் தமிழ் வட நாட்டில் இரண்டாம் மொழியாக இடம் பெற வாய்ப்புஉண்டு.

Rate this:
pollachipodiyan - pollachi,COIMBATORE.,இந்தியா
27-ஏப்-201700:30:05 IST Report Abuse

pollachipodiyanவரும் ஆனா வராது. ஆமாயில்லே? இதெல்லாமே என்னனு புரியுதா? இந்த மாதிரித்தான் மோடி வார்த்தையும். எலக்சினில் ஜெயிக்க தமிழ்நாடு- திருச்சியில் இருந்து பொதுப்பிரச்சாரத்தை தொடங்குவாராம், ஆனால், அதே தமிழ்நாடு விவசாயிகளை பார்க்க வரமாட்டாராம். எல்லாரையும் தமிழ் படியுங்கள் என்று சொல்வாராம், ஆனால் அங்கு வந்த தமிழருடன் பேச மாட்டாராம்.இங்கிருக்கும் சுவாமி ஹிந்தியில் பேசுவாராம், ஆனால் விவசாயிகளுக்காக டெல்லியில் ஹிந்தியில் பேசமாட்டாராம். பம்பாயில் ஹிந்தியில் வழக்கு வாதிடும் சிதம்பரம் டெல்லிச்சென்று விவசாயிகளுக்காக ஹிந்தியில் பேச மாட்டாராம். என்றும் எப்பொழுதும் டெல்லி இசை பாடும் நம் தமிழிசை விவசாயிகளுக்காக ஹிந்தி-இசை படாதாம். மோடியின் பொருட்காலம் பேசும் பொண்ணன்னன் அங்கு சென்று விவசாயிகளுக்காக இந்தியில் பண்ணிசைக்க மாட்டாராம். அங்கே இருப்பவர்கள் தமிழ் படித்து இங்கே வர தயார், ஆனால் இங்கே இருப்பவர்கள் இந்தி படித்து அங்கேபோக விடமாட்டேன் என்கிறார்கள். ஆகா மொத்தம் மக்கள் தான் கூமுட்டைகள்.

Rate this:
pollachipodiyan - pollachi,COIMBATORE.,இந்தியா
26-ஏப்-201723:49:29 IST Report Abuse

pollachipodiyanசொல்றவன் தமிழன்தானேனு யோசிக்க வேண்டாமா தம்பிகளா? ஒரு பிறமொழி பத்திரிகை வாங்கி படித்துப்பார். தமிழரை முட்டாள்னு சொல்லாத பக்கமிருக்காது, இப்பொழுது. அதனால சொல்றது சரியா தப்பான்னு மட்டும் யோசி. சும்மா எதுக்கெடுத்தாலும் அறுவது வருட புராணத்தைப் பாடிட்டு. நாளைக்கு உம் புள்ளைக்கு இந்தியில்லேனு சொல்லி வேலை கொடுக்கலேனா நீ ஒத்துக்குவியா? இப்ப அதுதான் கேள்வி. நீ கூமுட்டையா? நான் கூமுட்டையா? இந்த சண்டை அப்புறம் வெச்சுக்குவோம்.

Rate this:
மேலும் 126 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X