சிறப்பு பகுதிகள்

அறிவியல் மலர்

சிந்தனை மூலம் தட்டச்சு செய்யலாம்!

Added : ஏப் 27, 2017
Share
Advertisement
சிந்தனை மூலம் தட்டச்சு செய்யலாம்!

'பேஸ்புக்'கின் ஒரு பிரிவு, மூளை -கணினி இடைமுகத் தொழில்நுட்பத்தில் தீவிர ஆராய்ச்சிகளை மேற்கொண்டுள்ளது. இது பயன்பாட்டிற்கு வந்தால், எவரும், நினைத்ததை, நினைத்த வேகத்தில், கணினியில் தட்டச்சு செய்ய முடியும்.இதே தொழில்நுட்பத்தை, வேறு பல ஆராய்ச்சி நிலையங்களும் சோதித்து வருகின்றன. ஆனால், பேஸ்புக்கின் தொழில்நுட்பம், மூளைக்குள் அறுவை சிகிச்சை மூலம், எந்த கருவியையும் வைக்காமல், 'ஸ்கேனர்' ஒன்றை தலைக்கு அருகே வைத்து, மூளையில் சிறு மின் அலைகளாக உதிக்கும் எண்ணங்களை படித்து, புரிந்து கொண்டு, அவற்றை எழுத்துக்களாக கணினி திரையில் காட்டும் திறன் கொண்டது.விரல்களால் விசைப் பலகையில் தட்டச்சு செய்வோர், நிமிடத்திற்கு, 35 முதல், 75 சொற்கள் வரை தட்டச்சு செய்வர். தற்போது வந்துள்ள குரல் உணர் தொழில்நுட்பங்கள் அதைவிட வேகமாக செயல்படுகின்றன.ஆனால், மனதில் எண்ணம் உதிக்கும் வேகம் அதிகம். எனவே, பேஸ்புக்கின் மூளை-க்கணினி இடைமுகத்தை பயன்படுத்துபவரால் நிமிடத்திற்கு, 100 சொற்கள் வரை தட்டச்சு செய்ய முடியும். அடுத்து, பிறர் பேசுவதை கேட்பதற்கு, மனிதத் தோலை பயன்படுத்தும் தொழில்நுட்பத்தையும் பேஸ்புக் உருவாக்கி வருகிறது. மனித தோல் மீது சில உணர்வான் கருவிகளை வைத்து, குறிப்பிட்ட அலைவரிசை மூலம் தகவல்களை பரிமாற முடியும் என்கிறது பேஸ்புக். காது கேட்கும் திறன் இல்லாதவருக்கு இந்த தொழில்நுட்பம் உதவிகரமாக இருக்கும்.

Advertisement




வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X