இன்று முதல் ஒரிஜினல் லைசென்ஸ் கட்டாயம்| Dinamalar

பொது செய்தி

தமிழ்நாடு

இன்று முதல் ஒரிஜினல் லைசென்ஸ் கட்டாயம்

Added : செப் 06, 2017 | கருத்துகள் (56)
அசல் ஓட்டுனர் உரிமம், Original driving license, கட்டாயம், Compulsory,டிராபிக் ராமசாமி , Trffic Ramasamy,சென்னை உயர் நீதிமன்றம், Chennai High Court,நீதிபதி இந்திரா பானர்ஜி,Judge Indira Banerjee,சென்னை, Chennai, சட்டைப்பை,Pocket, ஏ.டி.எம் கார்டு,ATM card,  போக்குவரத்து துறை ,Transport Department,    விசாரணை, Investigation,  சிறை தண்டனை , Prison, போலீஸ், police, ஒரிஜினல் டிரைவிங் லைசென்ஸ்,லைசென்ஸ், licence, madras high court ,high court of chennai,

சென்னை: 'சட்டைப்பையில், ஏ.டி.எம்., கார்டு வைத்திருப்பது போல, அசல் ஓட்டுனர் உரிமத்தையும் வைத்திருந்தால், மூன்று மாத சிறை தண்டனையில் இருந்து தப்பிக்கலாம்' என, போலீஸ் அதிகாரிகள் தெரிவித்துள்ளனர்.

'வாகன ஓட்டுனர்கள், செப்., 1 முதல், அசல் ஓட்டுனர் உரிமத்துடன் செல்வது கட்டாயமாக்கப்பட்டு உள்ளது' என, மாநில போக்குவரத்து துறை ஏற்கனவே அறிவித்து இருந்தது. இதை எதிர்த்து, சமூக ஆர்வலர், 'டிராபிக்' ராமசாமி உள்ளிட்டோர், சென்னை, உயர் நீதிமன்றத்தில் வழக்கு தொடர்ந்தனர்.


தள்ளி வைப்பு :


வழக்கை விசாரித்த, தலைமை நீதிபதி, இந்திரா பானர்ஜி தலைமையிலான அமர்வு, 'அசல் ஓட்டுனர் உரிமம் வைத்திருப்பதில், என்ன பிரச்னை உள்ளது; அதை வைத்திருக்க வேண்டும்' எனக்கூறி, 8ம் தேதிக்கு, விசாரணையை தள்ளி வைத்தது.

நீதிமன்றம் விதித்துள்ள காலக்கெடு முடிந்ததால், இன்று முதல், வாகன ஓட்டுனர்கள் அசல் ஓட்டுனர் உரிமத்துடன் செல்வது கட்டாயமாகி உள்ளது. அதனால், அசல் ஓட்டுனர் உரிமம் இல்லாமல் வாகனம் ஓட்டுவோர், மூன்று மாத சிறை தண்டனை மற்றும், 500 ரூபாய் அபராதம் அல்லது இரண்டையும் சேர்த்து தண்டனையாக அனுபவிக்க வேண்டிய நிலை ஏற்பட்டுள்ளது.


தப்பலாம்:

இது குறித்து போலீஸ் அதிகாரிகள் கூறுகையில், 'சட்டைப்பையில், ஏ.டி.எம்., கார்டு வைத்திருப்பது போல, அசல் ஓட்டுனர் உரிமத்தையும் வைத்திருந்தால், மூன்று மாத சிறை தண்டனையில் இருந்து தப்பிக்கலாம்' என்றனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X