பர்ஜாலா: இந்தியா மீது பாகிஸ்தான் ஒரு தோட்டாவை சுட்டால், அதற்கு பதிலாக பாகிஸ்தானை தோட்டாக்களால் துளைத்தெடுப்போம் என மத்திய உள்துறை அமைச்சர் ராஜ்நாத் சிங் எச்சரிக்கை விடுத்துள்ளார்.

சீர்குலைக்க முயற்சி:

திரிபுரா மாநிலம் பர்ஜாலாவில் நடந்த தேர்தல் பொதுக்கூட்டம் ஒன்றில் கலந்து கொண்டு அவர் பேசியதாவது: பாகிஸ்தான் மீது தாக்குதல் நடத்த இந்தியாவிற்கு விருப்பமில்லை. அண்டை நாடுகளுடன் சமாதானப் போக்கை கடைபிடிக்கவே இந்தியா விரும்புகிறது. ஆனால் பாகிஸ்தான் இந்திய எல்லை பகுதிகளை தாக்கி, ஜம்மு- காஷ்மீரில் அமைதியை சீர்குலைக்க தொடர்ந்து முயற்சித்து வருகிறது.

எச்சரிக்கை:

இந்தியாவின் பொறுமைக்கும் ஒரு எல்லை உண்டு. இந்தியா பொறுமையாக இருப்பதை பலவீனமாக பாகிஸ்தான் கருதக்கூடாது. இந்தியாவை நோக்கி பாகிஸ்தான் ஒரு தோட்டாவை சுட்டால், அதற்கு பதிலாக பாகிஸ்தானை தோட்டாக்களால் துளைத்தெடுப்போம். இவ்வாறு அவர் தெரிவித்தார்.

பர்ஜாலா: இந்தியா மீது பாகிஸ்தான் ஒரு தோட்டாவை சுட்டால், அதற்கு பதிலாக பாகிஸ்தானை தோட்டாக்களால் துளைத்தெடுப்போம் என மத்திய உள்துறை அமைச்சர் ராஜ்நாத் சிங் எச்சரிக்கை