பொது செய்தி

தமிழ்நாடு

விஸ்வரூபமா?... பஞ்ச‛‛தந்திரமா''?

Updated : பிப் 15, 2018 | Added : பிப் 14, 2018 | கருத்துகள் (77)
Advertisement
kamal, ikamalhaasan, kamalpolitics, Naalainamathe, கமல், கமல்ஹாசன், கமல்அரசியல், மதுரைமாநாடு, நாளைநமதே,

மதுரை: வருவேன், வந்துடுவேன் என்று சொல்லிக்கொண்டு இருந்தவரை விட, வர மாட்டார் என நினைத்துக்கொண்டு இருந்தவர், வந்து விடுவார் போலிருக்கிறது. கமலைத் தான் சொல்கிறோம், என்று சொல்லித் தெரிய வேண்டியதில்லை.


விஸ்வரூபமா:


இதுவரை தமிழகத்தில், வயதானதால் அல்லது மார்க்கெட் போனதால் அரசியலுக்கு வந்தவர்களே அதிகம். கமலைப் பொறுத்தவரை, வயது ஆகி இருக்கலாம்; மார்க்கெட் போய்விட்டது என்று கூற முடியாது. இவர் சமீபத்தில் நடித்த ‛பாபநாசம்' கூட வெற்றிப் படம் தான்.

அப்படியானால், இவரை அரசியலை நோக்கி இழுப்பது எது? மார்க்கெட் இருக்கும்போதே, அந்தப் புகழை பயன்படுத்திக் கொள்ள வேண்டும் அவர் நினைத்திருக்கலாம். அத்துடன், எல்லோரும் கூறும் காரணமான, ‛ஜெயலலிதா, கருணாநிதி இல்லாத தமிழக அரசியல் களத்தில் அறுவடை செய்ய நினைக்கிறார்' என்பதும் கூட இருக்கலாம்.

எது எப்படி இருந்தாலும், அவரது பாய்ச்சல், வேகம் எடுத்துவிட்டது தெளிவாக தெரிகிறது. இதற்கு இன்னொரு ஆதாரம், ஹார்வர்டு பல்கலைக்கழகத்தில் பேசிய பிறகு, இப்படி கூறி, ஆழம் தெரியாவிட்டாலும், அரசியல் குளத்தில் ‛டைவ்' அடிக்க தயாராகி விட்டதை, அடையாளம் காட்டி விட்டார்.

மதுரையில் முதல் மாநாட்டை கமல் நடத்துவதும், ஒரு கேள்வியை எழுப்பி உள்ளது. அந்தக் காலம் முதல், பெரும்பாலான தலைவர்கள், கட்சி மாநாட்டை மதுரையில் தொடங்குவதையே வழக்கமாகவே வைத்துள்ளனர். மதுரையில் மாநாடு நடத்தினால் ‛ராசி' என்ற ‛சென்டிமென்ட்', இதற்கு முக்கியமான காரணம்.

பகுத்தறிவு பேசும் கமல், மதுரையில் மாநாடு நடத்துவதன் மூலம், தானும் ஒரு ‛சென்டிமென்ட் சாமி' தான் என்று சொல்லாமல் சொல்லிவிட்டார். மதுரையில் ஒரு பிரமாண்ட கூட்டத்தைக் கூட்டி, தமிழகத்தை திரும்பிப் பார்க்க வைக்க வேண்டும் என்பது தான் அவரது திட்டமாக இருக்க வேண்டும்.

எம்ஜிஆர் - சிவாஜி, எம்ஜிஆர் - கருணாநிதி. தமிழக சினிமாவும், அரசியலும், இப்படித் தான் இரு துருவங்களுக்கு இடையே, ஊசலாடிக்கொண்டு இருந்தது.

‛‛சினிமாவில் இன்றைய நிலைமை, ரஜினி - கமல் என்ற இரு துருவங்கள். அரசியலிலும் அதே இரண்டு துருவங்கள் தான் இருக்க வேண்டும்; இருக்கப் போகின்றன. எங்கள் தலைவர் அப்படித் தான் நினைக்கிறார்'' என்கிறார் நீண்ட கால மதுரை கமல் மன்ற நிர்வாகி ஒருவர்.


பஞ்ச‛தந்திரமா':


ஒரு வினைக்கு எதிர்வினை இருக்கத் தானே செய்யும். அது போல், கமலின் அரசியல் பிரவேசமும் ஒரு ‛ஸ்டன்ட்' என்று ஒரு கூட்டம் சொல்கிறது. படங்கள் பரபரப்புடன் ஓட வேண்டும் என்பதற்காகவே அரசியல் ஆயுதத்தை கையில் எடுத்துள்ளார் கமல் என்கிறார் மதுரை ரஜினி மன்ற நிர்வாகி ஒருவர்.

‛ஒவ்வொரு முறையும் தனது படம் ரிலீசாகும் முன் ரஜினியை அப்படி கூறுவார்கள். கமலும் அதையே செய்கிறாரோ என்று சந்தேகிக்கிறோம். வயதானாலும் உடல் ரீதியாக கமல் ஆரோக்கியமாகவே இருக்கிறார். தாராளமாக இன்னும் பல ஆண்டுகளுக்கு அவர் நடிக்கலாம். இனி வரும் படங்கள் நன்கு ஓட வேண்டுமே என்ற கவலையில், தந்திரமாக அரசியல் செய்கிறார் கமல்'' என்றும் அந்த ரசிகள் கூறுகிறார்.

பிப்.21ம் தேதி மதுரை அரசரடி ரயில்வே மைதானத்தில் கட்சியின் முதல் மாநாட்டை கமல் கூட்டுவார் என எதிர்பார்ப்படுகிறது. அதன் பிறகு தெரிந்துவிடும், கமல் எடுப்பது ‛விஸ்வரூபமா' அல்லது பஞ்ச‛‛தந்திரமா'' என்று.

Advertisement




வாசகர் கருத்து (77)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Babu Desikan - Bangalore,இந்தியா
20-பிப்-201808:40:03 IST Report Abuse
Babu Desikan புஸ்வானம்
Rate this:
Share this comment
Cancel
Sivagiri - chennai,இந்தியா
16-பிப்-201815:10:39 IST Report Abuse
Sivagiri மத்த எல்லா சினிமாக் காரணிகளும் கை காசை இழந்தார்கள் . . . இவன் மத்தவங்களை குறிப்பா ரசிகர்களை ஆட்டைய போட்றதுல கில்லாடி . . . சரி . . . மதுரைக்கு ஜெயலலிதா ஹெலிகாப்டரில் வந்த மாதிரி வருவாரா ? கலைஞர் ட்ரெய்ன்ல கூபே போட்டு வந்த மாதிரி வருவாரா ? . . . காந்தி காமராஜர் பெரியார் ராஜாஜி பாத யாத்திரையாவும் ஜெனெரல் கம்பார்ட்மெண்டுலயும் வந்த மாதிரி வருவாரா ? . . . அது ரசிகர்கள் வசதியை பொறுத்ததா . ? . . .
Rate this:
Share this comment
Cancel
P. Kannan - Bodinayakkanur,இந்தியா
15-பிப்-201819:46:45 IST Report Abuse
P. Kannan இவன் மோசமான ஆள் ,?????......
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X