தேனி, தேனி கம்மவார் சங்கம் பாலிடெக்னிக் கல்லுாரியில், ஓசூர் டென்னக்கோ பிரைவேட் லிட்., நிறுவனம் சார்பில், வளாக நேர்முகத் தேர்வு நடந்தது.
இதில் கம்மவார் சங்கம் பாலிடெக்னிக் கல்லுாரி, கம்மவார் சங்கம் பொறியியல் கல்லுாரி, கோட்டூர், ஆண்டிபட்டி அரசு பாலிடெக்னிக் கல்லுாரி மாணவர்கள் பங்கேற்றனர். இயந்திரவியல் மற்றும் மின்னியல் துறை மாணவர்கள 100 பேர் பங்கேற்றனர். இதில் 54 பேர் பணிக்கு தேர்வு செய்யப்பட்டனர். அவர்களை கல்லுாரி செயலர் சீனிவாசன், பொருளாளர் தாமரைக்கண்ணன், முதல்வர் சரவணன், இயந்திரவியல் துறைத் தலைவர் நாகராஜ் பாராட்டினர்.
வேலைவாய்ப்பு அலுவலர் செல்வின்ராஜ் ஏற்பாடுகளை செய்தார்.