8 பேரை வெட்டுவேன்- மன்சூர் சவடால்; ஜெயில்| Dinamalar

சம்பவம் செய்தி

தமிழ்நாடு

8 பேரை வெட்டுவேன்- மன்சூர் சவடால்; ஜெயில்

Updated : ஜூன் 19, 2018 | Added : ஜூன் 18, 2018 | கருத்துகள் (84)
Advertisement
மன்சூர் அலி கான், வன்முறை பேச்சு, கைது

சேலம் : 'எட்டு வழிச்சாலை போட்டால், எட்டு பேரை வெட்டுவேன்' என, மக்களிடம் கலவரத்தை துாண்டும் வகையில் பேசிய, நடிகர் மன்சூர் அலிகானை, சேலம் போலீசார் கைது செய்தனர்.

சேலம் விமான நிலைய விரிவாக்கம், சேலம் - சென்னை எட்டு வழிச்சாலை திட்டத்துக்கு எதிர்ப்பு தெரிவிப்ப-வர்களை ஒருங்கிணைக்க, 'சேலமே குரல் கொடு' ஒருங்கிணைப்பாளரான, பியுஷ் மனுஷ் அழைப்பை ஏற்று, மே, 3ல், சேலத்தில் மன்சூர் அலிகான் சுற்றுப்பயணம் மேற்கொண்டார்.

அன்றிரவு, 9:30 மணிக்கு, ஓமலுார் அருகே, தும்பிப்பாடியில் நடந்த கூட்டத்தில், 'எட்டு வழிச்சாலை போட வருவோரில், எட்டு பேரை வெட்டுவேன்' என, மன்சூர் அலிகான் ஆவேசமாக பேசினார். தும்பிப்பாடி, வி.ஏ.ஓ., மாரி புகாரின்படி, தீவட்டிப்பட்டி போலீசார், பியுஷ் மனுஷ், 43, சென்னை, அரும்பாக்கத்தைச் சேர்ந்த மன்சூர் அலிகான், 53, ஆகியோர் மீது, மக்களை கலவரத்துக்கு துாண்டுதல், அமைதிக்கு பங்கம் விளைவித்தல், குற்றம் செய்ய மக்களை துாண்டுதல் உள்ளிட்ட பிரிவுகளில், வழக்கு பதிந்தனர்.

நேற்று அதிகாலை, 3:50 மணிக்கு, சேலம் மாவட்ட கூடுதல், எஸ்.பி., அன்பு தலைமையிலான போலீசார், சென்-னையில் மன்சூர் அலிகானை கைது செய்து, சேலம் அழைத்து வந்தனர். அவரை மக்கள் மத்தியில் பேச ஏற்பாடு செய்த மனுஷ் மீது நடவடிக்கையில்லை. தும்பை விட்டு, வாலை மட்-டும் பிடித்துள்ளதாக, நேர்மையான போலீசார் குற்றம் சாட்டினர்.

'அறவழியில் போராட்டம்'
சென்னையிலிருந்து, சேலம் வரும் வழியில், ஆத்துார் ரூரல் போலீஸ் ஸ்டேஷனில், நடிகர் மன்சூர் அலிகா-னுக்கு மதிய உணவு வழங்கப்பட்டது. அப்போது, நிருபர்களிடம் அவர் கூறியதாவது: இந்த எட்டு வழிச்சாலை, நம்மை நாசமாக்கும் திட்டம். 10 ஆயிரம் கோடி ரூபாய்க்கு சாலை அமைத்து, 20 ஆயி-ரம் கோடி ரூபாய் சுங்க கட்டணம் வசூலிப்பர். தமிழகத்தை ராவண பூமி என, மத்திய அரசு புறக்கணிக்கிறது. எட்டு வழிச்சாலை திட்டத்துக்கு எதிராக, அறவழியில் தொடர் போராட்டம் நடத்த, மக்கள் ஒன்று திரள வேண்டும். முதல்வர் பழனிசாமி, எட்டு வழிச்சாலை திட்டத்தை கைவிட வேண்டும். சேலம் - உளுந்துார்பேட்டை, நான்கு வழிச்சாலையில் மரம் வளர்த்து, இச்சாலையை மேம்படுத்துவது தான் மாற்று -வழி. இவ்வாறு அவர் கூறினார்.

'சட்டப்படி நடவடிக்கை':

''வன்முறையை துாண்டும் விதமாக, நடிகர் மன்சூர் அலிகான் உட்பட யார் பேசினாலும், ஏற்க முடியாது,'' என, மீன்வளத்துறை அமைச்சர், ஜெயகுமார் கூறினார்.
சென்னையில், நேற்று அவர் அளித்த பேட்டி: பிளாஸ்டிக் இல்லாத தமிழகத்தை உருவாக்குவதே அரசின் நோக்கம். வாழ்க்கைக்கான வசதிகள் தேவை என்-றாலும், இயற்கையை காப்பதும் மிக அவசியம். பிளாஸ்டிக் பொருட்கள் கடலில் கலப்பதால், மீன் உற்பத்தி பாதிக்கப்பட்டுள்ளது. எனவே, பிளாஸ்டிக் பயன்-பாட்டை, தமிழக மக்கள் குறைக்க வேண்டும். பிளாஸ்டிக் தடையால் வேலை இழப்பவர்களுக்கு, மாநில அரசு உரிய நடவடிக்கை எடுத்து, வேலை வாய்ப்பு வழங்கும்.மன்சூர் அலிகான் கைது செய்யப்பட்டதில் எந்த உள்நோக்கமும் இல்லை. அவர், என்ன சந்திரனிலிருந்து குதித்தவரா; இல்லை, சூரியனில் இருந்து குதித்தவரா... மன்சூராக இருந்தாலும் சரி, ஜனநாயகத்தில் வன்முறையை துாண்டும் விதமாக யார் பேசினாலும் சரி, அதை ஏற்க முடியாது. அவர்கள் மீது, சட்டப்படி நடவடிக்கை பாயும்.இவ்வாறு ஜெயகுமார் கூறினார்.

Advertisement




வாசகர் கருத்து (84)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
srinivasan - stockholm,சுவீடன்
19-ஜூன்-201818:22:05 IST Report Abuse
srinivasan 8 -வழி ரோடு வேண்டாம். எட்டுத்திக்கும் டாஸ்மாக் சரக்கு வேண்டும். டாஸ்மாக் எல்லா தெருக்களிலும் வேண்டும். ஆன்லைன் டாஸ்மாக் விற்பனை வேண்டும். டாஸ்மாக் சரக்குக்கு மானியம் வேண்டும். ரேஷன் கடைகளில் டாஸ்மாக் சரக்கு விநியோகம் வேண்டும். டாஸ்மாக் கடைகள் 24 மணி நேரம் வேண்டும். எல்லோரும் எப்போதும் இன்புற்றிருக்க வேண்டும்.
Rate this:
Share this comment
Cancel
Rpalnivelu - Bangalorw,இந்தியா
19-ஜூன்-201817:44:31 IST Report Abuse
Rpalnivelu மன்சூர் நல்ல ஆள்தான், ஆனால் மைக் கிடைத்தால் பட படவென்று பேசி விடுவார். ஆனால் தகடுவை விட்டு விடாதீர், எனென்றால் ராணுவதையே சந்திக்க தயார் என்று சொன்னவன் அவன்தான். அவனைப் போன்றோர் தேசத்துக்கே அவமானம். பிடித்து உள்ளேயே போட்டு நொங்கியெடுங்கள்.
Rate this:
Share this comment
Cancel
சுப்பையா, கருப்பட்டி வியாபாரம். - முடிவைத்தானேந்தல் ,இந்தியா
19-ஜூன்-201817:26:43 IST Report Abuse
சுப்பையா, கருப்பட்டி வியாபாரம். வெளியில இருக்கிற நக்கசலைட்டுகளை கைது செய்யலாம் சரி. ஆனால் ஊடகங்களில் மறைந்து இருக்கும் நக்கசலைட்டுகளை எப்படி கைது செய்வது.?
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X