Dinamalar

பிளாஸ்டிக்கை தடை செய்யும் நடைமுறை முதன் முதலாக, சேலம் மாநகராட்சிக்கு உட்பட்ட
பகுதிகளிலுள்ள, அரசு அலுவலகங்களில் ஜூலை, 1 முதல் அமலுக்கு வருகிறது. தமிழக அரசு அறிவித்த, பிளாஸ்டிக்கிற்கு தடை உத்தரவை அமல்படுத்த, அவகாசம் இருந்தும், மற்ற மாவட்டங்களை முந்தி, சேலம் மாநகராட்சி களத்தில் இறங்குகிறது. இதனால், மற்ற மாவட்டங்களிலும், விரைவில் தடை உத்தரவு அமலாக வேண்டும் என்ற எதிர்பார்ப்பு எழுந்துள்ளது.
'தமிழகத்தில், 2019 ஜனவரி, 1ம் தேதி முதல், பிளாஸ்டிக் பொருட்களுக்கு தடை விதிக்கப்
படும்' என, சட்டசபையில், முதல்வர் பழனிசாமி சில நாட்களுக்கு முன்,அறிவித்தார். நீர் நிலைகள், சுற்றுச்சூழல் மாசடைவதை தடுக்கும் விதமாக, தமிழக அரசு இந்த முடிவை எடுத்தது. இதனால், பாக்கு மட்டை, வாழை இலைகள் பயன்பாடு அதிகரிக்கும் என்றும், அரசு தெரிவித்தது.

பொதுமக்களும், வியாபாரிகளும், பிளாஸ்டிக் பொருட்களுக்கு மாற்றாக, துணிப்பைகள், காகித உறைகள் போன்றவற்றை பயன்படுத்தும் பழக்கத்திற்கு மாற வேண்டும் என்பதற்காக, அதற்கு அவகாசம் கொடுக்கும் வகையில், தடை உடனடியாக அமலுக்கு வரவில்லை.

பாராட்டு

வரும், ஜன., 1 முதல் அமலுக்கு வருகிறது என,

முழுமையாக தடை செய்யப்படுகிறது.

இது குறித்து, சேலம் மாநகராட்சி கமிஷனர், சதீஷ் கூறியதாவது:முதல்கட்டமாக, அரசு அலுவலகங்களில் தடை அமல்படுத்தப் படுகிறது. படிப்படியாக, சிறு, பெரு வியாபாரிகள், மக்கள் என, முழு பிளாஸ்டிக் தடை அமல்படுத்தப்படும். அதற்கு மாற்றாக, பாரம்பரியமாக பயன்படுத்தக்கூடிய, வாழை இலை, பாக்கு மட்டை தட்டுகள், தாமரை இலைகள் ஆகியவற்றின் பயன்பாட்டை ஊக்குவிக்க, நடவடிக்கை மேற்கொள்ளப்படும்.

அதேநேரத்தில், மருத்துவ பொருட்களுக்கான, பிளாஸ்டிக் உறைகளுக்கு மட்டும், விலக்கு அளிக்கப் படுகிறது. அனைத்து தரப் பினரும், இதற்கு ஒத்துழைப்பு அளிக்க வேண்டும்.இவ்வாறு அவர் கூறினார்.

கட்டாயம்

பிளாஸ்டிக்கை தடை செய்வது, சேலம் மாநகராட்சிக்கு உட்பட்ட பகுதிகளில், அரசு அலுவல கங் களில் அமலாவதன் காரணமாக, மற்ற மாவட்டங் களிலும், விரைவில், உத்தரவை அமல்படுத்த வேண்டிய கட்டாயத்திற்கு, அதிகாரிகள் தள்ளப்பட்டு உள்ளனர்.சேலத்தில் தடை உத்தரவு அமலுக்கு வந்த பின், மக்கள் மத்தியில் எழும் சந்தேககங்கள், கேள்வி களுக்கு விடை காணும் வகையில், மற்ற மாவட்டங் களில் அதை சரி செய்து, உத்தரவை அமல்படுத்து வதற்கு வாய்ப்பாக அமையும். - நமது நிருபர் -