தொடரை இழந்தது இந்தியா: கடைசி போட்டியில் தோல்வி

Added : ஜூலை 18, 2018 | கருத்துகள் (2)
Advertisement
தொடரை இழந்தது,இந்தியா,கடைசி போட்டி,தோல்வி

லீட்ஸ்: இங்கிலாந்துக்கு எதிரான மூன்றாவது ஒரு நாள் போட்டியில் பேட்ஸ்மேன்கள் ஏமாற்ற, இந்திய அணி 8 விக்கெட் வித்தியாசத்தில் வீழ்ந்து, தொடரை 1-2 என இழந்தது.

இங்கிலாந்து சென்றுள்ள இந்திய அணி 3 போட்டிகள் கொண்ட ஒரு நாள் தொடரில் பங்கேற்கிறது. முதலிரண்டு போட்டி முடிவில் தொடர் 1-1 என சமநிலையில் இருந்தது. மூன்றாவது மற்றும் கடைசி போட்டி லீட்சில் நடந்தது. 'டாஸ்' வென்ற இங்கிலாந்து அணி கேப்டன் மார்கன் 'பவுலிங்' தேர்வு செய்தார். இந்திய அணியில் லோகேஷ் ராகுல், உமேஷ், சித்தார்க் கவுல் நீக்கப்பட்டு தினேஷ் கார்த்திக், புவனேஷ்வர், ஷர்துல் தாகூர் வாய்ப்பு பெற்றனர். இங்கிலாந்து அணியில் ஜேசன் ராய்க்குப்பதில் வின்சி சேர்க்கப்பட்டார்.


கோஹ்லி அரை சதம் :

இந்திய அணிக்கு ரோகித் (2) ஏமாற்றினார். ஷிகர் தவான், கேப்டன் கோஹ்லி ஜோடி பொறுப்புடன் விளையாடியது. இரண்டாவது விக்கெட்டுக்கு 71 ரன் சேர்த்தபோது, தவான் (44) ஆட்டமிழந்தார். கோஹ்லி (71) அரை சதம் கடந்தார். ரஷித் 'சுழலில்' தினேஷ் கார்த்திக் (21), ரெய்னா (1) சிக்கினர். தோனி 42 ரன்கள் எடுத்தார். புவனேஷ்வர் 21 ரன்களில் திரும்பினார். இந்திய அணி 50 ஓவரில் 8 விக்கெட்டுக்கு 256 ரன்கள் எடுத்தது. ஷர்துல் (22) அவுட்டாகாமல் இருந்தார். இங்கிலாந்து சார்பில் அதிகபட்சமாக வில்லே, ரஷித் தலா 3 விக்கெட் வீழ்த்தினர்.


மார்கன் அசத்தல் :

இங்கிலாந்து அணிக்கு பேர்ஸ்டோவ், வின்சி சிறப்பான துவக்கம் தந்தனர். புவனேஷ்வர் பந்துவீச்சில் 4 பவுண்டரி விளாசிய பேர்ஸ்டோவ் 30 ரன்கள் எடுத்தார். வின்சி (27) ரன்-அவுட்டானார். பின், கைகோர்த்த ஜோ ரூட், கேப்டன் மார்கன் அபாரமாக விளையாடினர். ரெய்னாவின் 21வது ஓவரில் மார்கன் இரண்டு பவுண்டரி விளாசினார். தன் பங்கிற்கு குல்தீப் பந்தை ரூட் பவுண்டரிக்கு அனுப்பினார். மார்கன் அரை சதம் அடித்து வெற்றியை எளிதாக்கினார். கடைசி பந்தில் பவுண்டரி அடித்த ரூட், சதம் எட்டினார்.

முடிவில், இங்கிலாந்து அணி 44.3 ஓவரில் 2 விக்கெட்டுக்கு 260 ரன்கள் எடுத்து வெற்றி பெற்றது. ரூட் (100), மார்கன் (88) அவுட்டாகாமல் இருந்தனர். இதன் மூலம், இங்கிலாந்து அணி 2-1 என தொடரை வென்று கோப்பை கைப்பற்றியது. இரு அணிகளுக்கு இடையிலான முதல் டெஸ்ட் ஆகஸ்ட் 1ல் பர்மிங்காமில் துவங்குகிறது.

Advertisement




வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Srinivasan Kannaiya - muscat ,ஓமன்
18-ஜூலை-201808:21:14 IST Report Abuse
Srinivasan Kannaiya வெற்றியையும் தோல்வியையும், சமமாக பார்க்க தெரிந்தவன்தான் வெற்றியாளன்...
Rate this:
Share this comment
Cancel
s t rajan - chennai,இந்தியா
18-ஜூலை-201802:03:35 IST Report Abuse
s t rajan தோல்வியல்ல படு தோல்வி.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X