காப்பீட்டுத் திட்டம் கதி என்ன?

Added : மார் 17, 2011 | கருத்துகள் (8)
Advertisement
தமிழக அரசின், கலைஞர் காப்பீட்டுத் திட்டத்தில் இருந்து, 30 சதவீத தனியார் மருத்துவமனைகள் விலகிச் செல்வதாக, கடந்த 11ம் தேதி தேர்தல் களத்தில் செய்தி வெளியானது. இதுதொடர்பாக, அத்திட்டத்தைச் செயல்படுத்தி வரும் ஸ்டார் ஹெல்த் மற்றும் இன்சூரன்ஸ் நிறுவனம் அனுப்பியுள்ள விளக்கத்தின் சாராம்சம்: காப்பீட்டுத் திட்டம் ஆரம்பித்த காலத்தில் இருந்து இன்று வரை, சொந்த காரணங்களுக்காக
காப்பீட்டுத் திட்டம் கதி என்ன?

தமிழக அரசின், கலைஞர் காப்பீட்டுத் திட்டத்தில் இருந்து, 30 சதவீத தனியார் மருத்துவமனைகள் விலகிச் செல்வதாக, கடந்த 11ம் தேதி தேர்தல் களத்தில் செய்தி வெளியானது. இதுதொடர்பாக, அத்திட்டத்தைச் செயல்படுத்தி வரும் ஸ்டார் ஹெல்த் மற்றும் இன்சூரன்ஸ் நிறுவனம் அனுப்பியுள்ள விளக்கத்தின் சாராம்சம்: காப்பீட்டுத் திட்டம் ஆரம்பித்த காலத்தில் இருந்து இன்று வரை, சொந்த காரணங்களுக்காக விலகியுள்ள ஓரிரு மருத்துவமனைகள் தவிர, எந்த மருத்துவமனையும், திட்டத்தின் குறைபாடுகளால் விலகியதில்லை.

தற்காலிகமாகவோ அல்லது நிரந்தரமாகவோ இதுவரை, 105 மருத்துவமனைகள் விலக்கி வைக்கப்பட்டுள்ளன. அதன் பின், அவை அளித்த விளக்கத்தின்படி, 72 மருத்துவமனைகள் மீண்டும் இத்திட்டத்தில் இணைய அனுமதி அளிக்கப்பட்டுள்ளது. இத்திட்டத்தை குறை கூறி, மருத்துவமனைகள் விலகியதாக கூறுவது ஏற்புடையதல்ல.

இவ்வாறு ஸ்டார் ஹெல்த் நிறுவனம் தெரிவித்துள்ளது. ஆனால், சேலம் எஸ்.பி.எம்.எம்., மருத்துவமனை இயக்குனர் தேவராஜன் கூறியதாவது: தனியார் இன்சூரன்ஸ் நிறுவனத்தின் செயல்பாடு எங்களுக்கு திருப்தி அளிக்கவில்லை. அத்துடன், சிகிச்சைக்கு வரும் நோயாளிகளுக்கு இன்சூரன்ஸ் நிறுவனத்தின் நிபந்தனைகள் புரிவது இல்லை. "காப்பீட்டுத் திட்ட அட்டை இருந்தால் போதும்; சிகிச்சை பெற்றுக் கொள்ளலாம்' என, விளம்பரம் செய்யப்பட்டது. ஆனால், நோயாளிகளுக்கு முதல்கட்ட பரிசோதனைகளான, எக்ஸ்-ரே, ஸ்கேனிங், ரத்தப் பரிசோதனை உள்ளிட்டவற்றுக்கு செலவிடப்படும் தொகைகளை, இத்திட்டத்தில் சேர்க்க மறுப்பு தெரிவிக்கப்பட்டது.

இன்சூரன்ஸ் நிறுவனத்தினரே, குறிப்பிட்ட தொகையை நிர்ணயம் செய்து, அந்தத் தொகைக்கு மேல் ஆகும் செலவை ஏற்க மறுப்பு தெரிவித்து வருகின்றனர். "ஆபத்தான நிலையில் சிகிச்சைக்கு வரும் நோயாளிகளுக்கு, இந்நிறுவனத்தின் அனுமதி பெற்ற பின்னரே அறுவை சிகிச்சை மேற்கொள்ள வேண்டும்' எனவும், மருத்துவமனைகளுக்கு அறிவுறுத்தப்பட்டது.

அவர்களின் முன்அனுமதி பெறாமல் மேற்கொள்ளப்படும் சிகிச்சைக்கு, இன்சூரன்ஸ் நிறுவனம் பொறுப்பேற்பதில்லை. அத்துடன், குறிப்பிட்ட நாள் மட்டுமே மருத்துவமனையில் தங்கி இருக்க வேண்டும் எனவும் இன்சூரன்ஸ் நிறுவனம் விதிமுறைகளை வகுத்துள்ளது.

அறுவை சிகிச்சை முடித்த பின், இன்சூரன்ஸ் நிறுவனத்துக்கு மருத்துவமனை தரப்பில் அனுப்பி வைக்கப்பட்ட செலவு, "பில்'லில், குறிப்பிட்ட தொகையை மட்டுமே நிறுவனம் வழங்குகிறது. இதனால், மீதி தொகையை நோயாளிகளிடம் இருந்து பெற வேண்டிய நிலை ஏற்படுகிறது. இதனால், எட்டு மாதங்களுக்கு முன்பே இத்திட்டத்தில் இருந்து விலகி விட்டோம். இவ்வாறு தேவராஜன் கூறினார்.

இதுபோலவே, மேலும் பல மருத்துவமனைகள் தெரிவித்துள்ளன. அவர்களின் விவரம் நிறுத்தி வைக்கப்பட்டுள்ளது.

- நமது சிறப்பு நிருபர் -


Advertisement


வாசகர் கருத்து (8)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
உதயன் - Thoothukudi,இந்தியா
18-மார்-201118:52:25 IST Report Abuse
உதயன் நிருபர் அண்ணே. இது உலகத்திலேயே முன்மாதிரியான திட்டம். உலக வல்லரசான அமெரிக்காவிலே கூட இலவச காப்பீடு திட்டம் இல்லை. இதை போன்ற ஒரு திட்டத்தை ஏழை மக்களுக்கு கொடுப்பதற்கு தான் ஓபாமா படாத பாடுபட்டு பார்கிறார். எதிர்கட்சிகள் அவருக்கு ஒத்துழைப்பு கொடுக்க மறுக்கிறது. ஒரு சாதாரண கூலி தொழிலாளி இதய அறுவை சிகிச்சை போன்ற பெரிய சிகிச்சைகளை இந்த திட்டத்தால் இலவசமாக பெறமுடிகிறது.. பலன் அடைந்தவர்கள் ஏராளம். இப்படி ஒரு திட்டத்தை செயல்படுத்தும் போது நடைமுறை சிக்கல்கள் வரத்தான் செய்யும். சில மருத்துவமனைகள் விலகலாம். அதனால் திட்டம் தோல்வி என்று எப்படி சொல்ல முடியும். எனக்கு தெரிந்த எலும்பு சிகிச்சை நிபுணர் ஒருவர், இந்த திட்டத்தில் தன் மருத்துவமனையை இணைத்தார். அவரிடம் பேசும்போது, எங்கள் சிகிச்சைக்கு செலவு அதிகம். இலவசமாக என்னால் எத்தனை பேருக்கு சிகிச்சை கொடுக்கமுடியும். ஆனால் எங்கள் சிகிச்சை முறை மூலம் தொடை எலும்பு இரண்டாக உடைந்த நபருக்கு சிகிச்சை கொடுத்து பழைய நிலைக்கு கொண்டு வரமுடியும்.. அரசின் இலவசகாப்பீடு எங்களுக்கும் உதவி, ஏழை மக்களுக்கும் உதவி. அதனால் நான் பதிவு செய்கிறேன். தினமலர் உண்மையிலே மக்கள் நலம் மீது அக்கறை இருந்தால் திட்டங்களை விமரிசியுங்கள், குறைகளை தெரியபடுத்துங்கள்.. ஆனால் இப்படி தேவையற்ற எதிர்மறை கருத்துக்களை உருவாக்கதீர்கள்.. தயவு செய்து கேட்டுக்கொள்கிறேன். முக வோ. ஜெயா வோ. மக்கள் நலம் தான் முக்கியம். யார் நல்லது செய்தாலும் ஆதரியுங்கள். தவறுகளை சுட்டி க்காட்டுங்கள். ஒரு நிலை சார்ந்த பதிப்புகள் வேண்டாம்.
Rate this:
Cancel
Nallavan Nallavan - Jubail,சவுதி அரேபியா
18-மார்-201117:15:04 IST Report Abuse
Nallavan Nallavan இதிலும் மத்திய புலனாய்வு விசாரித்தால் ஊழல் புலனாகலாம்!
Rate this:
Cancel
agni shiva - New Delhi,இந்தியா
18-மார்-201108:11:30 IST Report Abuse
agni shiva மக்களின் உயிர்களை காப்பாற்றியதை விட அவர்களை அலைகழிக்க வைத்தது தான் இந்த திட்டத்தின் பயன். நான் அறிந்த வரையில் ஆஸ்பத்திரிகளில் இருந்து வெளியேறிய பெரும்பான்மையான மக்களை மனம் வெதும்பிய நிலையிலேயே வெளியே வந்திருக்கிறார்கள். ஆண்டு தோறும் ஆயிரகணக்கான கோடிகளை அரசாங்க காஜானாவிலிருந்து வாரி வழங்கி அதன் மூலம் 47 சதவீதம் வரை கமிஷன் பெற்று அதன் மூலம் மக்களின் உயிரை பணயம் வைத்து விளையாடிய கொடிய அரசியல் வாதிகளை மக்கள் ஒரு போதும் மன்னிக்க முடியாது. அடுத்து வரும் அரசாங்கம் இந்த ஏமாற்று நிறுவனத்திடம் இருந்து அனைத்து பணத்தையும் பெற்று சம்பத்தப்பட்ட பொது மக்களுக்கு வழங்க வேண்டும். தனியார்க்கு கோடிகளை கொடுப்பதை விட அரசு ஆஸ்பத்திரிகளில் அதிக வசதிகளை செய்து கொடுக்க வேண்டும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X