கும்பல் தாக்குதலை தடுக்கணும்! மாநில அரசுகளுக்கு உத்தரவு

Added : செப் 26, 2018 | கருத்துகள் (4) | |
Advertisement
புதுடில்லி, மாட்டிறைச்சிக்காக, பசுக்கள் கடத்தப்படுவதாகவும், குழந்தை கடத்தல் கும்பல் சுற்றித் திரிவதாகவும், தகவல் பரிமாற்ற செயலி, 'வாட்ஸ் ஆப்' மற்றும், 'பேஸ்புக்' சமூக வலைதளங்களில், சிலர் வதந்தி பரப்புகின்றனர். இதனால், மக்கள் மத்தியில், தேவையற்ற பீதி ஏற்படுவதோடு, வீண் சந்தேகத்தால், அப்பாவிகள் சிலர் அடித்துக் கொல்லப்படுகின்றனர். 'நாட்டின் பல பகுதிகளில் நடக்கும்,
 கும்பல் தாக்குதலை தடுக்கணும்!  மாநில அரசுகளுக்கு உத்தரவு


புதுடில்லி, மாட்டிறைச்சிக்காக, பசுக்கள் கடத்தப்படுவதாகவும், குழந்தை கடத்தல் கும்பல் சுற்றித் திரிவதாகவும், தகவல் பரிமாற்ற செயலி, 'வாட்ஸ் ஆப்' மற்றும், 'பேஸ்புக்' சமூக வலைதளங்களில், சிலர் வதந்தி பரப்புகின்றனர். இதனால், மக்கள் மத்தியில், தேவையற்ற பீதி ஏற்படுவதோடு, வீண் சந்தேகத்தால், அப்பாவிகள் சிலர் அடித்துக் கொல்லப்படுகின்றனர்.
'நாட்டின் பல பகுதிகளில் நடக்கும், கும்பல் தாக்குதல் சம்பவங்களுக்கு முடிவு கட்ட, மத்திய - மாநில அரசுகள் உரிய நடவடிக்கை எடுக்க வேண்டும்' என, உச்ச நீதிமன்றம் உத்தரவிட்டு உள்ளது. சட்டத்தை தங்கள் கையில் எடுத்து, கும்பல் தாக்குதலில் ஈடுபடுவோருக்கு கடும் தண்டனை கிடைக்கும் என்பது குறித்து, விழிப்புணர்வை ஏற்படுத்துவதற்கான நடவடிக்கைகள் எடுக்கவும், நீதிமன்றம் அறிவுறுத்தியுள்ளது.
இந்நிலையில், அனைத்து மாநிலங்கள், யூனியன் பிரதேச அரசுகளுக்கும், மத்திய உள்துறை அமைச்சகம் சார்பில் அனுப்பப்பட்டுள்ள உத்தரவு விபரம்:
நாட்டின் பல்வேறு பகுதிகளில், விஷமிகள் பரப்பும் வதந்திகளால், கும்பல் தாக்குதல் சம்பவங்கள் நடக்கின்றன. இது போன்ற சம்பவங்களில், சிலர் பலியாகியுள்ளனர். எந்த சூழ்நிலையிலும் மக்கள், சட்டத்தை தங்கள் கையில் எடுக்கக் கூடாது.
இது போன்ற சம்பவங்களை தடுக்க, அனைத்து மாநிலங்கள், யூனியன் பிரதேச அரசுகள் உரிய நடவடிக்கை எடுக்க வேண்டும். போலீஸ் அதிகாரிகள், சிறப்பு குழுக்கள் அமைத்து, கும்பல் தாக்குதல் சம்பவங்கள் நடக்காமல் தடுக்க வேண்டும். செய்தித்தாள், ரேடியோ, 'டிவி' உள்ளிட்ட ஊடகங்கள் மூலம், கும்பல் தாக்குதல் பற்றியும், அதில் ஈடுபடுவோருக்கு விதிக்கப்படும் தண்டனை பற்றியும், மக்கள் மத்தியில் விழிப்புணர்வை ஏற்படுத்த வேண்டும். அனைத்து மாநில தலைமை செயலர்கள், டி.ஜி.பி.,க்கள், இந்த விவகாரத்தில் உரிய நடவடிக்கை எடுக்க வேண்டும். இவ்வாறு உத்தரவில் கூறப்பட்டுள்ளது.

Advertisement


வாசகர் கருத்து (4)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
pattikkaattaan - Muscat,ஓமன்
27-செப்-201811:01:17 IST Report Abuse
pattikkaattaan இந்த மாதிரி கொடூர செயல்களை செய்பவர்கள் அதிகார வர்க்கத்தின் ஆதரவுடன் செய்கிறார்கள் , அதனால் போலீசும் கண்டுக்காமல் விட்டுவிடுகிறது .. ஆராஜகத்தில் ஈடுபவர்களை யார் தண்டிப்பது ?
Rate this:
Cancel
tamil - coonoor,இந்தியா
27-செப்-201808:43:53 IST Report Abuse
tamil எது எதுக்கோ அவசர அவசரமாக நடவடிக்கைகள் எடுக்க்கப்படுகின்றன, இதுபோன்ற மனித நாகரிகத்துக்கு அச்சுறுத்தலாக இருக்கும் இந்த கும்பல் கொலைகளை தடுக்க அரசு இரும்புக்கரம் கொண்டு நடவடிக்கை எடுக்க வேண்டும்,
Rate this:
Cancel
Srinivasan Kannaiya - muscat ,ஓமன்
27-செப்-201807:57:57 IST Report Abuse
Srinivasan Kannaiya எல்லாம் முடிந்தவுடன் தான் காவலதுறைக்கே தெரியவருகிறது அப்பறம் எங்கே தடுக்கிறது...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X