ஆபாச இணையதளங்களை தடை செய்ய உத்தரவு| Uttarakhand HC orders strict implementation of ban on porn sites | Dinamalar

ஆபாச இணையதளங்களை தடை செய்ய உத்தரவு

Added : செப் 28, 2018 | கருத்துகள் (43)
Share
ஆபாச இணையதளங்கள், உத்தரகாண்ட் ஐகோர்ட்,

நைனிடால்: ஆபாச இணையதளங்களை கண்டிப்பாக மத்திய அரசு தடை செய்ய வேண்டும் என உத்தரகாண்ட் ஐகோர்ட் உத்தரவிட்டுள்ளது.

உத்தரகாண்ட் மாநிலம் டேராடூனில் 10ம் வகுப்பு படிக்கும் மாணவியை 4 மாணவர்கள் பலாத்காரம் செய்தனர். கைது செய்யப்பட்ட அவர்களிடம் போலீசார் விசாரணை நடத்திய போது, பலாத்காரம் செய்யும் முன்னர் இணையதளத்தில் ஆபாச படங்களை பார்த்ததாக கூறினர்.

இது தொடர்பாக மாநில ஐகோர்ட் தலைமை நீதிபதி ராஜிவ் சர்மா மற்றும் மனோஜ் திவாரி அடங்கிய அமர்வு தாமாக முன்வந்து வழக்கு தொடர்ந்து, விசாரணை நடத்தியது. அப்போது, நீதிபதிகள் பிறப்பித்த உத்தரவு: ஆபாச இணையதளங்களை, கண்டிப்பாக தடை செய்ய வேண்டும். இதற்கான நடவடிக்கைகளை மத்திய அரசு உடனடியாக துவங்க வேண்டும். குழந்தைகளின் மனதில் பாதிப்பை தடுக்க, அவர்கள் ஆபாச இணையதளங்களை அளவில்லாமல் பார்ப்பதை தடுக்க வேண்டும். அல்லது தடை செய்ய வேண்டும். ஆபாச இணையதளங்களை தடை செய்வது குறித்து மத்திய அரசு 3 ஆண்டுகளுக்கு முன்பு பிறப்பித்த உத்தரவை அனைத்து, இணையதள சேவை நிறுவனங்களும் பின்பற்ற வேண்டும். ஆபாச காட்சிகள் அனுப்புவதையும், பகிர்வதையும் தடுக்க வேண்டும். இவ்வாறு நீதிபதிகள் உத்தரவு பிறப்பித்துள்ளனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X