இந்திய பங்குச்சந்தைகள், ரூபாய் மதிப்பில் கடும் சரிவு| Dinamalar

பொது செய்தி

இந்தியா

இந்திய பங்குச்சந்தைகள், ரூபாய் மதிப்பில் கடும் சரிவு

Added : அக் 11, 2018 | கருத்துகள் (51)
இந்திய பங்குச்சந்தைகள்,  ரூபாய் மதிப்பு சரிவு, சென்செக்ஸ், சர்வதேச பங்குச்சந்தைகள்,  மும்பை பங்குச்சந்தை,  தேசிய பங்குச்சந்தை, நிப்டி, பங்குச்சந்தைகள் சரிவு, Indian stock markets, rupee depreciation, international stock markets, Sensex, Mumbai stock market, NSE, Nifty,national stock exchange

மும்பை : இன்றைய வர்த்தக நேர துவக்கத்தின் போது (அக்.,11, காலை 9.15 மணி நிலவரம்)இந்திய பங்குச்சந்தைகள் மற்றும் ரூபாய் மதிப்பு மிக கடுமையான சரிவை சந்தித்துள்ளன.
சர்வதேச பங்குச்சந்தைகளில் ஏற்பட்ட நெருக்கடியின் எதிரொலியாக இந்திய பங்குச்சந்தைகள் கடும் சரிவை சந்தித்துள்ளன. மும்பை பங்குச்சந்தையான சென்செக்ஸ் 1,000 புள்ளிகள் சரிந்துள்ளது. தேசிய பங்குச்சந்தை நிப்டி 10,200 புள்ளிகளுக்கு கீழ் சரிந்துள்ளது. வர்த்தகம் துவங்கிய 5 நிமிடங்களில், ரூ.4 லட்சம் கோடி அளவுக்கு இழப்பு ஏற்பட்டுள்ளது. சர்வதேச சந்தையில் அமெரிக்க டாலருக்கு நிகரான இந்திய ரூபாய் மதிப்பு மிக கடுமையாக சரிந்துள்ளதும் இந்திய பங்குச்சந்தைகளின் கடும் சரிவிற்கு காரணமாக கூறப்படுகிறது.
இன்றைய வர்த்தக நேர துவக்கத்தின் போது சர்வதேச அன்னிய செலாவணி சந்தையில் ரூபாய் மதிப்பு 24 காசுகள் சரிந்து 74.45 என்ற நிலையை எட்டி உள்ளது. இறக்குமதியாளர்கள் இடையே டாலரின் தேவை அதிகரித்ததாலும், வெளிநாட்டு முதலீட்டாளர்கள் தங்களின் பங்குகளை திடீரென அதிகமாக விற்றதால் உள்நாட்டு பங்குச்சந்தையில் ஏற்பட்ட சரிவின் காரணமாக ரூபாய் மதிப்பு சரிந்துள்ளது. நேற்றைய வர்த்தக நேர முடிவில் ரூபாய் மதிப்பு 74.21 ஆக இருந்தது குறிப்பிடத்தக்கது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X