புனே தொகுதியில் பா.ஜ., சார்பில் களமிறங்குகிறார் நடிகை மாதுரி?

Added : டிச 07, 2018
Advertisement
 புனே தொகுதியில் பா.ஜ., சார்பில் களமிறங்குகிறார் நடிகை மாதுரி?

மும்பை:அடுத்தாண்டு நடக்க உள்ள லோக்சபா தேர்தலில், மஹாராஷ்டிர மாநிலத்தின், புனே லோக்சபா தொகுதியில், பிரபல பாலிவுட் நடிகை மாதுரி தீட்சித்தை களமிறக்க, பா.ஜ., முடிவு செய்து உள்ளதாக, தகவல்கள் வெளியாகி உள்ளன.

அடுத்தாண்டு ஏப்ரல் - மே மாதங்களில், லோக்சபா தேர்தல் நடக்க உள்ளது. இதற்கு, பா.ஜ., - காங்கிரஸ் உள்ளிட்ட கட்சிகள் தயாராகி வருகின்றன.இந்நிலையில், மஹாராஷ்டிர மாநிலத்தில் உள்ள, புனே லோக்சபா தொகுதியில், 2019 தேர்தலில், பிரபல பாலிவுட் நடிகை மாதுரி தீட்சித், 51, என்பவரை, பா.ஜ., சார்பில் களமிறக்க, அக்கட்சி முடிவு செய்துள்ளதாக, தகவல்கள் வெளியாகி உள்ளன.

தற்போது, புனே லோக்சபா தொகுதியின், எம்.பி.,யாக, பா.ஜ.,வைச் சேர்ந்த, அனில் ஷிரோல் உள்ளார்.இது குறித்து, மஹாராஷ்டிர மாநில, பா.ஜ., மூத்த தலைவர் ஒருவர் கூறியதாவது: மும்பையில், பாலிவுட் நடிகை மாதுரி தீட்சித்தை, பா.ஜ., தலைவர் அமித் ஷா, சமீபத்தில் சந்தித்து பேசினார். அப்போது, பிரதமர் நரேந்திர மோடி தலைமையிலான அரசு செயல்படுத்திய, வளர்ச்சித் திட்டங்கள் குறித்து எடுத்துரைத்து, அவரிடம், பா.ஜ.,வுக்கு ஆதரவு கோரினார்.

அடுத்தாண்டு நடக்க உள்ள லோக்சபா தேர்தலுக்காக, ஒவ்வொரு தொகுதியிலும் போட்டியிட உள்ள வேட்பாளர்களின் பட்டியலை தயார் செய்யும் பணி தற்போது, முழு வீச்சில் நடக்கிறது. இந்த பட்டியலில், புனே லோக்சபா தொகுதி யில் போட்டியிட, பாலிவுட் நடிகை மாதுரி தீட்சித்தின் பெயரும் சேர்க்கப்பட்டு உள்ளது.

இந்த தொகுதியில், அவருக்கு செல்வாக்கு அதிகம் உள்ளதால், நிச்சயம் தேர்தலில் வெற்றி பெறுவதற்கான வாய்ப்புகள் உள்ளன.இவ்வாறு அவர் கூறினார்.தேசாப், சாஜன், ஹம் ஆப்கே கெயின் கோன் போன்ற ஹிந்தி படங்களில் நடித்து, பிரபலமானவர் மாதுரி தீட்சித்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X