மதுரைக்கு வரும் வெளிநாட்டு சுற்றுலா பயணிகளின் வருகை குறைந்தது! இயற்கை சீற்றங்களால் சுற்றுலா இயக்கம் பாதிப்பு| Dinamalar

தமிழ்நாடு

மதுரைக்கு வரும் வெளிநாட்டு சுற்றுலா பயணிகளின் வருகை குறைந்தது! இயற்கை சீற்றங்களால் சுற்றுலா இயக்கம் பாதிப்பு

Updated : டிச 08, 2018 | Added : டிச 07, 2018 | கருத்துகள் (4)
மதுரைக்கு வரும் வெளிநாட்டு சுற்றுலா பயணிகளின் வருகை  குறைந்தது! இயற்கை சீற்றங்களால் சுற்றுலா இயக்கம் பாதிப்பு

மதுரை:மதுரைக்கு வரும் வெளிநாட்டு சுற்றுலா பயணிகளின் வருகை குறைவால், அதனை சார்ந்த தொழில்களில் ஈடுபடுவோர் ஏமாற்றம் அடைந்துள்ளதாக சுற்றுலா நிறுவன உரிமையாளர்கள் தெரிவித்துள்ளனர்.கடந்தாண்டு டிச.,ல் 42,000 வெளிநாட்டு பயணிகள் மதுரைக்கு வந்துள்ளனர்.

இவர்களின் பயணங்களில் கேரளா முக்கிய இடம்பெற்றுள்ளது. இந்தாண்டு கேரளாவில் வெள்ள பாதிப்புகளின் எதிரொலியாக சுற்றுலா பயணிகளின் முன்பதிவுகள் பெரிதும் குறைந்துள்ளதாக ஓட்டல் உரிமையாளர் ஏமாற்றத்தில் உள்ளனர்.மதுரையில் 3,000 சுற்றுலா வாகனங்கள் உள்ளன. சுற்றுலா வாகன உரிமையாளர்கள், டிரைவர்கள் சங்கம் மற்றும் டிராவல்ஸ் நிறுவனங்களை சார்ந்து 500 க்கும் மேற்பட்டோர் இதனால் பயன்பெறுகின்றனர். டிசம்பர், ஜனவரியில் களைகட்டும் வெளிநாட்டு சுற்றுலா தற்போது 'டல்' ஆக உள்ளதால் இதனை சார்ந்த கடைகள், உணவகங்களின் விற்பனை பாதிக்கப்பட்டுள்ளது.

சுற்றுலா வாகன உரிமையாளர்கள் கூறியதாவது:மதுரையில் இருந்து தேக்கடிக்கு அதிகமான வெளிநாட்டு பயணிகள் சென்று அங்கிருந்து ஆலப்புழாவுக்கு செல்கின்றனர். மூணாறு, கொடைக்கானல் பகுதிக்கு குறைவாகவே செல்கின்றனர். கேரளாவில் வெள்ள சேதம் சீராகி உள்ளது. ஆனாலும் சுற்றுலா தலங்களில் கூட்டம் இல்லை. சில ஆண்டுகளாக கடும் வறட்சியாக இருந்த போதும் டிச.,ல் அதிகமானோர் வந்தனர். இப்போது நல்ல காலநிலை இருந்தும் சீசன் மந்தமாக உள்ளது, என்றனர்.

மாவட்ட சுற்றுலா அலுவலர் ஸ்ரீபாலமுருகன் கூறியதாவது:டிச., 15 க்கு பின் தான் வெளிநாட்டு சுற்றுலா பயணிகளின் வருகை அதிகம் இருக்கும். இந்த ஆண்டும் வழக்கம் போல் எதிர்பார்க்கிறோம். தமிழ்நாட்டில் அனைத்து பகுதிகளிலும் சுற்றுலாவிற்கு ஏற்ற காலநிலை நீடிக்கிறது. ஜல்லிக்கட்டுக்கான தடைகள் கடந்தாண்டே நீங்கியுள்ளதால் ஜன.,ல் அதிகமான பயணிகள் வருவார்கள். கேரளாவில் வெள்ள பாதிப்பு காரணமாக மாற்று திட்டங்களோடு வெளிநாட்டினர் வருவார்கள், என்றார்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X