அரசு மருத்துவமனைகளில் லஞ்ச ஒழிப்பு போலீசார் சோதனை| Dinamalar

சம்பவம் செய்தி

தமிழ்நாடு

அரசு மருத்துவமனைகளில் லஞ்ச ஒழிப்பு போலீசார் சோதனை

Updated : டிச 07, 2018 | Added : டிச 07, 2018 | கருத்துகள் (11)
அரசு மருத்துவமனை, லஞ்சம், ரெய்டு

சென்னை: அரசு மருத்துவமனைகளில் நோயாளிகளிடம், ஊழியர்கள் லஞ்சம் வாங்குவதாக புகார்கள் வந்தன. இதனையடுத்து தமிழகத்தில் உள்ள அரசு மருத்துவமனைகளில் லஞ்ச ஒழிப்பு போலீசார் சோதனை நடத்தினர்.

கடலூர் அரசு மருத்துவமனையில் எக்ஸ்ரே மற்றும் மகப்பேறு பிரிவில் சோதனை நடந்தது. அதில், கணக்கில் வராத ரூ.4 ஆயிரம் பறிமுதல் செய்யப்பட்டது. சென்னை ராஜிவ்காந்தி அரசு மருத்துவமனை, திருவல்லிக்கேணி கஸ்தூரிபாய் மருத்துவமனை, சேலம் மாவட்டம் ஒமலூர் மருத்துவமனை சோதனை நடந்தது. திருச்சி, திண்டுக்கல், அரசு மருத்துவமனைகளிலும் சோதனை நடந்தது. மதுரை அரசு மருத்துவமனையில் நடந்த சோதனையில் ஊழியர்களிடம் கணக்கில் வராத ரூ.10 ஆயிரம் பறிமுதல் செய்யப்பட்டது.
தஞ்சை ராஜா மிராசுதார் அரசு மருத்துவமனையில் பிரசவத்திற்கு வரும் பெண்களிடம் 500 முதல் இரண்டாயிரம் ரூபாய் வரை ஊழியர்கள் லஞ்சம் பெறுவதாக வந்த தகவலின் அடிப்படையில் லஞ்ச ஒழிப்புத்துறை போலீசார் டிஎஸ்பி மனோகர் தலைமையில் 10 பேர் கொண்ட குழுவினர் சோதனை நடத்தினர். மேலும், வார்டுகளில் உள்ள பெண்களிடமும் மருத்துவமனை ஊழியர்களிடமும் விசாரணை நடத்தினர்.



Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X