சம்பவம் செய்தி

தமிழ்நாடு

'கஜா' புயலுக்கு நிதி திரட்ட, அமெரிக்காவில், மீண்டும் மொய் விருந்து

Added : டிச 18, 2018 | கருத்துகள் (11)
Advertisement
'கஜா' புயலுக்கு நிதி திரட்ட, அமெரிக்காவில், மீண்டும் மொய் விருந்து

புதுக்கோட்டை: 'கஜா' புயலால் பாதிக்கப்பட்டவர்களுக்கு நிதி திரட்ட, அமெரிக்காவில், இரண்டாவது முறையாக, மொய் விருந்து நடத்தப்பட்டது.தமிழகத்தில், 'கஜா' புயலால், டெல்டா மாவட்டங்கள், கடுமையாக பாதிக்கப்பட்டுள்ளன.ரூ.3.5 லட்சம் வசூல்தென்னை உள்ளிட்ட பல ஆண்டுகள் வளர்த்து, வருவாய் அளித்து வந்த மரங்களை இழந்து, விவசாய குடும்பங்கள் வேதனையில் வாடுகின்றன.அவர்களுக்கு உதவும் வகையில், அமெரிக்காவில் வாழும் தமிழர்கள், கடந்த வாரம், வடக்கு கரோலினா பகுதியில் மொய் விருந்து நடத்தினர்.இதில், இந்திய மதிப்பில், 3.50 லட்சம் ரூபாய் வசூலானது. அதை புதுக்கோட்டை மாவட்டத்தில், சூரிய ஒளி மின்சாரத்தில், தெருவிளக்குகள் அமைக்க வழங்கினர்.இந்நிலையில், நேற்று முன்தினம், அமெரிக்காவின், டெக்சாஸ் மாகாணம், டல்லஸ் நகரில் வாழும் தமிழர்கள் ஆதரவுடன், தமிழ் மலரும் மையம் எனும் தமிழ் பள்ளி மற்றும் பல்வேறு தமிழ் அமைப்புகள் உதவியுடன், மற்றொரு மொய் விருந்து நடந்தது.இதில், 250க்கும் மேற்பட்ட தமிழ் குடும்பங்களில் இருந்து, 700 நபர்கள் பங்கேற்றனர். இதில், 20 ஆயிரம் அமெரிக்க டாலர்கள் - இந்திய மதிப்பில், 14 லட்சம் ரூபாய் வசூலானது.இந்த நிதி, கஜா புயலால், வீழ்ந்து கிடக்கும் மரங்களை அகற்றி, பாதிக்கப்பட்ட விவசாயிகளுக்கு, தென்னை, பலா, எலுமிச்சை கன்றுகளை வழங்கவும், வீடுகளை முற்றிலும் இழந்த நபர்களுக்கு வீடு கட்டவும், வழங்கப்பட உள்ளது.மொய் விருந்து ஏற்பாடுகளை செய்த ஜெய் நடேசன், கீதாசுரேஷ், பிரவீணா வரதராஜன், ஆசிரியர் சதீஷ்குமார் ஆகியோர் கூறியதாவது:130 குடும்பங்கள்மிகக் குறுகிய காலத்தில் ஏற்பாடு செய்யப்பட்ட இந்நிகழ்விற்காக, 130 குடும்பங்கள் சேர்ந்து, தனித்தனியே சமைத்து, தலைவாழை இலையிட்டு, தரையில் அமர வைத்து, பாரம்பரிய தமிழ் முறைப்படி விருந்தளிக்கப் பட்டது.ஊருக்கே சோறு போடும் விவசாயிகளுக்காக, நாங்கள் இங்கு ஒன்று சேர்ந்துள்ளோம்.இந்த நிதி மூலம் ஒரு கிராமத்தில் உள்ள பல குடும்பங்கள் பயனடையும் என்பதை விட, இதை பார்த்து, ஒவ்வொரு நகர மக்களும், தன்னார்வ அமைப்புகளும் ஒன்று சேர்ந்து ஒரு கிராமத்தை மீட்கவும், உதவவும் முன்வர வேண்டும் என்பதே எங்கள் நோக்கம்.இவ்வாறு அவர்கள் கூறினர்.

Advertisement


வாசகர் கருத்து (11)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ray - Chennai,இந்தியா
24-டிச-201800:08:12 IST Report Abuse
Ray பாரம்பரிய முறைப்படி யாவரும் தரையில் அமர்ந்து உணவருந்துவது கண்கொள்ளா காட்சி
Rate this:
Share this comment
Cancel
mahehkumar11 - chennai,இந்தியா
21-டிச-201812:53:56 IST Report Abuse
mahehkumar11 மொய் விருந்தெல்லாம் தேவை இல்லை. இங்கே கோடி கணக்கில் கொள்ளை அடிக்கும் அரசியல்வாதிகள் கொள்ளை அடிக்காமல் அதை கொடுத்தால் இன்னும் 100 புயல்கள் வந்தாலும் தாக்கு பிடிக்கும்.
Rate this:
Share this comment
Cancel
jayanantham - tamilnaadu ,இந்தியா
20-டிச-201813:05:14 IST Report Abuse
jayanantham மொய் விருந்து என்பதற்கு பதிலாக நிதி அளிப்பு (fund rising) விருந்து என்று வைக்கலாமே.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X