பொது செய்தி

தமிழ்நாடு

பதிவு செய்த நாள் :
பொன் மாணிக்கவேலுக்கு எதிராக
நாடகத்தை அரங்கேற்றும் போலீஸ்

சென்னை: சிலை கடத்தல் வழக்கில் கைதாகி, ஜாமினில் வந்த வாலிபரை, கூடுதல் எஸ்.பி., இளங்கோ உள்ளிட்டோர் அழைத்து வந்து, பொன் மாணிக்கவேலுக்கு எதிராக, டி.ஜி.பி., அலுவலகத்தில் புகார் அளிக்க வைத்திருப்பதாக குற்றச்சாட்டு எழுந்துள்ளது.

  பொன் மாணிக்கவேலுக்கு எதிராக  நாடகத்தை அரங்கேற்றும் போலீஸ்


ஓய்வு பெற்ற, ஐ.ஜி., பொன் மாணிக்கவேலை, சென்னை உயர் நீதிமன்றம், ஓராண்டுக்கு, சிலை கடத்தல் தடுப்பு பிரிவு சிறப்பு அதிகாரியாக நியமித்துள்ளது. அவரது தலைமையிலான குழுவினர், சிலை திருட்டு மற்றும் கடத்தலில் ஈடுபடுவோரை கைது செய்து வருகின்றனர்.
இரு தினங்களுக்கு முன், சென்னை, ஈக்காட்டுதாங்கலில், 'லேத்' பட்டறையில் பதுக்கி வைத்திருந்த, பஞ்சலோக முருகன் சிலையை மீட்டனர்; சிவகுமார் என்பவனை கைது செய்தனர். இந்நிலையில், பொன்

மாணிக்கவேலுக்கு எதிராக, அயல்பணி என்ற அடிப்படையில், ஓராண்டாக பணியாற்றி வந்த, கூடுதல் எஸ்.பி.,க்கள் இளங்கோ, குமார் உள்ளிட்ட, 40க்கும் மேற்பட்ட போலீசார், டி.ஜி.பி., அலுவலகத்தில் புகார் அளித்துஉள்ளனர்.
சென்னை, போரூரில், சிலை கடத்தல் வழக்கில் கைதாகி ஜாமினில் வெளி வந்தவர், சக்திவேல், 29. இவரும், சிலையின் உரிமையாளர் எனக்கூறும் தீனதயாளனும், டி.ஜி.பி., அலுவலகத்தில் நேற்று புகார் அளித்தனர். பின், போலீஸ் அதிகாரிகள் புடைசூழ வந்து, பேட்டியும் அளித்தனர்.இவர்களை, கூடுதல் எஸ்.பி., இளங்கோவன் உள்ளிட்ட போலீஸ் அதிகாரிகள், அழைத்து வந்து புகார் அளிக்கச் செய்ததாக கூறப்படுகிறது.
இதுகுறித்து, சமூக ஆர்வலர்கள் கூறியதாவது:கைதாகி சிறையில் அடைக்கப்பட்ட ஒருவரை முன் நிறுத்தி, துறை ரீதியான சம்பவங்கள் தொடர்பாக, பேட்டி அளிக்கவைத்தது, காவல் துறை வரலாற்றில், இதுவே முதல் முறை. இதிலிருந்தே, பொன் மாணிக்கவேலுக்கு எதிராக, கூடுதல் எஸ்.பி.,

Advertisement

இளங்கோவன் உள்ளிட்டோர், அரங்கேற்றும் நாடகம் அப்பட்டமாக தெரிகிறது.இவ்வாறு அவர் கூறினார்.'

பேட்டி கொடுத்து மாட்டிக் கொண்டார்'

சிலை கடத்தல் தடுப்பு பிரிவு போலீசார் கூறியதாவது: சென்னை, நெற்குன்றத்தை சேர்ந்த ஒருவரிடம், 7,000 ஆயிரம் ரூபாய்க்கு, கஷ்டலட்சுமி என்ற, பித்தளை சிலையை வாங்கினேன். அந்த சிலையை, ஐந்து ஆண்டுகளாக, வீட்டில் வைத்து பூஜை செய்து வந்தேன். கஷ்டம் அதிகரிக்கும் என, சிலர் கூறியதால், எங்கள் பகுதியில் உள்ள, பழைய இரும்பு கடையில் விற்று விடலாம் என, எடுத்துச் சென்றேன் என, தீனதயாளன் என்பவர் கூறியுள்ளார். அவரையும், விசாரணை வளையத்திற்குள் கொண்டு வர உள்ளோம்.இவ்வாறு அவர்கள் கூறினர்.

Advertisement

வாசகர் கருத்து (42)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
balu - gujarat,இந்தியா
29-டிச-201809:39:36 IST Report Abuse

baluதமிழ்நாடு நாசமா போனதுக்கு முக்கிய காரணமே திருட்டு முன்னேற்ற கழகம் தான் , பிற மதங்களை சேர்ந்தவர்களும் கடவுள் மறுப்பு கொள்கையுடைய இந்த கட்சியை புறந்தள்ளவேண்டுமே தவிர அரவணைத்து போகக்கூடாது.

Rate this:
shankar - chennai,இந்தியா
26-டிச-201812:41:10 IST Report Abuse

shankarஎல்லாவற்றிற்க்கும் வாயை திறக்கும் ஸ்டாலின் இதற்கு மட்டும் என் மவுனம் சாதிக்கிறார்.

Rate this:
Manian - Chennai,இந்தியா
28-டிச-201806:17:46 IST Report Abuse

Manianஎங்கேயாவது, என்க நைனாவும் சில பல சிலைகளை ஹவாலா மூலம் கடத்திதனார்? பிடிக்க முடிஞசதான்னு ஒளறினான, ஆனந்தமா தூங்குகிற , மோதிரக்கையோடு பொன். மாணிக்க வேல் புடிச்சந்தர்ன்னா என்ன ஆகும். அதுவும் அந்த மோதிரக்கலை காணாடடி நைனாவுக்கு உசிரே போயிடாதா? அது தான். ...

Rate this:
spr - chennai,இந்தியா
25-டிச-201821:12:22 IST Report Abuse

sprதிரு பொன் மாணிக்கவேலுக்கு பாராட்டுகள் ஆயினும் தொடர்ந்து உங்கள் கடமையைச் செய்வீர் அரசியல்வியாதிகள் உங்களுக்குத் தொல்லை தருவார்கள் இயல்பே ஏனெனில் அவர்கள் ஊழல் அமபலமாகிறது அதிகாரிகளும் தொல்லை தருவார்கள் ஏனெனில் அவர்கள் உடந்தையாக இருந்தது அம்பலமாகிறது நீதிபதிகளும் ஒரு காலம் வரை உங்களுக்கு ஆதரவாக இருப்பார்கள் அவர்களுக்கும் ஒரு விலை உண்டு அது கிடைக்கும் வரை அதுவும் இந்நேரம் ஆராயப்பட்டிருக்கும் ஊடகங்களுக்கும் செய்தித்தாள்களும் வியாபாரம் ஆக இன்னொரு கவர்ச்சிகரமான செய்தி கிடைக்கும் வரை உங்களை பிரபலப்படுத்துவார்கள் மக்களாகிய நாங்கள் இதுபோல கருத்து மட்டுமே சொல்ல முடியும் ஒரு காலத்திற்குப் பின் இது நம்மால் ஒன்றும் செய்ய முடியாத நிலை என்றறிந்து மௌனமாகிவிடுவோம் கொள்ளையர்களுக்கு இது தெரியும் உங்களுடன் தோள் சேர்ந்து நின்று போராட வேண்டிய காவற்துறையே உங்களுக்கு எதிராக இவ்வளவு தீவிரமாகப் போராட வேண்டிய காரணம் என்ன? இதுவே அவர்களை சந்தேகிக்க தூண்டுகிறது எனவே அவர்களும் தொடர்ந்து போராடுவார்கள் இறுதியில் உங்களுக்கு அந்த ஆண்டவனும் உங்கள் மனசாட்சியும் தான் துணை "என்னுடைய பணியை மனத்திருப்தியுடன் செய்தேன் இன்று நிம்மதியாக உறங்குகிறேன்" என்பதுதான் உங்களுக்கு கிடைக்கும் சன்மானம் அது நிலைக்கட்டும் வாழ்த்துகள் தெய்வம் நின்று கொல்லுமாம் சொல்கிறார்கள் எனக்கு நம்பிக்கையில்லை எனினும் பொறுத்திருப்போம்.

Rate this:
மேலும் 38 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X