பதிவு செய்த நாள் :
தமிழகத்தின் ஒப்புதல் இல்லாமல்
அணை கட்ட மாட்டோம்: கேரளா

'முல்லைப் பெரியாறு அணைக்கு பதிலாக, புதிய அணையை, தமிழக அரசின் ஒப்புதல் மற்றும் அனுமதி இல்லாமல் கட்ட மாட்டோம்' என, கேரள அரசு, உச்ச நீதிமன்றத்தில் தெரிவித்து உள்ளது.

TN,Tamilnadu,kerala,கேரளா,தமிழகம்,தமிழ்நாடு,முல்லைப் பெரியாறு,அணை



தமிழக - கேரள எல்லையில், கேரள மாநிலத்தில் அமைந்துள்ளது, முல்லைப் பெரியாறு அணை.

அரசு அனுமதி:



இந்த அணைக்கு பதிலாக புதிய அணையைக் கட்டுவதற்கான முயற்சியில், கேரள அரசு ஈடுபட்டது. புதிய அணை கட்டுவது தொடர்பாக, சுற்றுச்சூழல் ஆய்வு மேற்கொள்வதற்கு, மத்திய அரசு அனுமதி அளித்தது. இதை எதிர்த்து, தமிழக அரசு சார்பில், நீதிமன்ற அவதுாறு வழக்கு, உச்ச நீதிமன்றத்தில் தாக்கல் செய்யப்பட்டது.


தமிழக அரசு மனுவில் கூறப்பட்டுள்ளதாவது: முல்லைப் பெரியாறு அணை தொடர்பான வழக்கில், உச்ச நீதிமன்றம், 2014ல் தீர்ப்பு அளித்தது. 'இந்த அணைக்கு மாற்றாக, புதிய அணை கட்டக் கூடாது' என, அந்த தீர்ப்பில் உறுதியாக கூறப்பட்டுள்ளது. ஆனால், 'முல்லைப் பெரியாறு அணை பாதுகாப்பானதான இல்லை' எனக் கூறி, புதிய அணை கட்டும் முயற்சியில், கேரளா ஈடுபட்டுள்ளது.


புதிய அணையை கட்டுவதற்கான திட்டத்தை, மத்திய அரசிடம் தாக்கல் செய்துள்ளது. இந்த திட்டத்துக்கான முதற்கட்ட, சுற்றுச்சூழல் பாதிப்பு தொடர்பான ஆய்வுகளை மேற்கொள்ள, மத்திய அரசு அனுமதி அளித்து உள்ளது. இது, 2014ல், உச்ச நீதிமன்றம் அளித்த தீர்ப்புக்கு எதிரானது. அதனால், கேரளா மற்றும் மத்திய அரசு மீது, நீதிமன்ற அவமதிப்பு நடவடிக்கை எடுக்க வேண்டும். புதிய அணை கட்டுவதற்கு, அனுமதி அளிக்கக் கூடாது என, மத்திய அரசுக்கு உத்தரவிட வேண்டும். இவ்வாறு தமிழக அரசு மனுவில் கூறப்பட்டு உள்ளது.


இந்த வழக்கை, நீதிபதிகள், ஏ.கே. சிக்ரி, அப்துல் நசீர் அமர்வு விசாரித்து வருகிறது. இந்த வழக்கில், கேரள அரசு சார்பில்,

Advertisement

மூத்த வழக்கறிஞர், ஜெய்தீப் குப்தா, நேற்று வாதிட்டதாவது: முல்லைப் பெரியாறில், புதிய அணை கட்டுவதற்கான அனுமதியை மத்திய அரசு அளிக்கவில்லை.


சாத்தியக்கூறுகள்:



புதிய அணை கட்டுவது தொடர்பான, சுற்றுச்சூழல் பாதிப்பு குறித்த ஆய்வுகள், சாத்தியக்கூறுகள் பற்றி ஆய்வு செய்யவே அனுமதி அளிக்கப்பட்டுள்ளது. உச்ச நீதிமன்றத்தின் உத்தரவின்படி, தமிழக அரசின் ஒப்புதல் மற்றும் அனுமதி பெறாமல், முல்லைப் பெரியாறில் அணை கட்ட மாட்டோம். இவ்வாறு அவர் வாதிட்டார். இதையடுத்து, இந்த வாதத்தை பதிவு செய்த உச்ச நீதிமன்ற அமர்வு, தமிழக அரசு தொடர்ந்த வழக்கை முடித்து வைப்பதாக கூறியுள்ளது.


- நமது நிருபர் -


Advertisement

வாசகர் கருத்து (10)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
pradeesh parthasarathy - Mylapore,இந்தியா
12-பிப்-201913:12:08 IST Report Abuse

pradeesh parthasarathyபினராயி விஜயன் ஆரமபத்திலிருந்தே இதே நிலைப்பாடே தான் சொல்லி வருகிறார் ... அண்டை மாநிலங்களிடம் நட்புறவோடு இருப்பதையே விஜயன் விரும்புகிறார் ...

Rate this:
12-பிப்-201912:22:52 IST Report Abuse

அண்ணாமலை ஜெயராமன்ஓட்டுவாங்குவதற்கு வளர்ச்சி பணிகளை செய்யாமல் இப்படி மக்களை முட்டாளாக்கி வாங்குவது.

Rate this:
Pugazh V - Coimbatore / Cochin,இந்தியா
12-பிப்-201912:09:48 IST Report Abuse

Pugazh Vசும்மா சும்மா ஓசி பிரியாணி என்று எழுதும் பாஜக அன்பர்கள் அறிவது: இங்கே திருச்சூரில் மோடி வந்த நிகழ்ச்சிக்கு வருகை தந்த அனைவருக்கும் ஓசி பிரியாணி தரப்பட்டது. திருச்சூரில் யார் செலவு தெரியவில்லை. கொச்சினிலும் மோடி நிகழ்ச்சி க்கு வந்தவர்களுக்கு ஓசி பிரியாணி வழங்கப்பட்டது. ம.அரசின் செலவில். இந்த நிஜ நிகழ்வை, ஊடகங்கள் மறைத்தது ஏன் தெரியவில்லை. இப்போதேனும் பதிவிட்டால் நன்றி. வாசகர்களும் அறிந்து கொண்டு இனி ஓசி பிரியாணி என்று தங்களையே அறியாமல் எழுதுவதை நிறுத்த வாய்ப்பு இருக்கிறது.

Rate this:
மேலும் 7 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X