நத்தம் மாரியம்மன் கோயிலில் மாசித்திருவிழா கொடியேற்றம்| Dinamalar

பொது செய்தி

தமிழ்நாடு

நத்தம் மாரியம்மன் கோயிலில் மாசித்திருவிழா கொடியேற்றம்

Added : பிப் 12, 2019
Advertisement

கொடியேற்றத்துடன் துவங்கியது
நத்தம்:நத்தம் மாரியம்மன் கோயில் மாசிப் பெருந்திருவிழா கொடியேற்றத்துடன் நேற்று துவங்கியது.மதுரை, திண்டுக்கல், சிவகங்கை மாவட்ட அளவில் நத்தம் மாரியம்மன் கோயில் திருவிழா பிரபலம். இதற்காக நேற்று காலை அம்மனுக்கு அலங்காரம், சிறப்பு பூஜையுடன் அம்மன் உருவத்துடன் கூடிய கொடியேற்றப்பட்டது.இன்று (பிப்.13) காலை கரந்தமலை கன்னிமார் தீர்த்தம் எடுத்து வரப்பட்டு, பக்தர்கள் காப்பு கட்டி விரதம் துவங்குகின்றனர். பிப்.18 அன்று தேர்சட்டம் போடும் நிகழ்வு நடக்கிறது. முக்கிய நாட்களில் சிம்ம வாகனம், அன்னவாகனம் உள்ளிட்ட வாகனங்களில் அம்மன் பவனி வருகிறார். பிப்.25 அன்று அரண்மனை பொங்கல் வைக்கப்பட உள்ளது.விழாவின் முக்கிய நிகழ்ச்சியாக பிப்.26 ல் அக்னிச்சட்டி எடுத்தல், கழுமரம் ஏற்றம் மற்றும் பூக்குழி இறங்கும் நிழ்ச்சி நடக்கிறது. மறுநாள் பூப்பல்லக்குடன் விழா நிறைவடைகிறது. செயல் அலுவலர் பாலசரவணன், கோயில் பூஜாரிகள் வகையறாவினர், ஆவின் துணைத்தலைவர் சிவலிங்கம் மற்றும் பொதுமக்கள் கொடியேற்றத்தில் கலந்து கொண்டனர். பேரூராட்சி செயல் அலுவலர் கணேசன், சுகாதார ஆய்வாளர் சடகோபி மேற்பார்வையில் சுகாதார பணிகள் நடக்கிறது. நத்தம் போலீசார் பாதுகாப்பு ஏற்பாடுகளை செய்து வருகின்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X