பா.ஜ.,வுக்கு தலைவலியாகும் தலைவர்கள்

Updated : பிப் 28, 2019 | Added : பிப் 28, 2019 | கருத்துகள் (31)
Advertisement

புதுடில்லி: பா.ஜ., கட்சிக்கு காங்கிரஸ் மட்டுமல்லாது, அக்கட்சி தலைவர்கள் சிலரே தலைவலியாக மாறி உள்ளனர்.

புல்வாமா தாக்குதலுக்கு பதிலடியாக இந்திய விமானப்படை பாகிஸ்தானுக்குள் புகுந்து பயங்கரவாதிகள் முகாம்கள் மீது தாக்கியது. இதை அரசியலுக்கு பயன்படுத்தக் கூடாது என பா.ஜ., கட்சி அறிவித்திருந்தது. பிரதமர் மோடியும் இவ்விஷயத்தில் கவனமாக இருந்தார். அரசியலுக்கு பயன்படுத்தினால் ராணுவத்தின் தியாகத்தை அவமானப்படுத்தியது போல் ஆகும் என மோடி கருதினார்.


பா.ஜ., தலைவர்கள்


இது புரியாமல் சில பா.ஜ., தலைவர்கள் எதையாவது பேசி, கட்சிக்கு தலைவலியை ஏற்படுத்துகின்றனர். கர்நாடகா முன்னாள் முதல்வர் எடியூரப்பா, ‛‛பாக்., மீது விமான தாக்குதல் நடத்தியதால் வரும் தேர்தலில் பா.ஜ.,வுக்கு 22 இடங்கள் கூடுதலாக கிடைக்கும்'' என்றார்.



இதைப் பார்த்து கடுப்பான மத்திய அமைச்சர் வி.கே.சிங், ‛‛நாம் ஒற்றுமையுடன் இருக்க வேண்டும். சில இடங்களை கூடுதலாக பெறுவதை விட, நாட்டை பாதுகாப்பதும் மக்களை பாதுகாப்பதும் முக்கியமானது. '' என்று டுவீட் செய்திருந்தார்.



எடியூரப்பாவின் கருத்து பாகிஸ்தானுக்கு அல்வா சாப்பிடுவது போல் ஆகிவிட்டது. பாகிஸ்தான் பிரதமர் இம்ரான்கானின் டெஹ்ரீக் இ இன்சாப் கட்சி, தனது டுவீட்டில், ‛‛இது (எடியூரப்பாவின் கருத்து) தேர்தலுக்காக இந்திய ஆளும் கட்சி, போர் சூழ்நிலையை உருவாக்குவதையே காட்டுகிறது'' என்று குறிப்பிட்டுள்ளது.

அதற்கு முன்னதாக பத்திரிகையாளர் பர்கா தத் தனது டுவீட்டில், ‛‛எடியூரப்பாவின் கருத்து, புல்வாமா தாக்குதலில் வீரமரணம் அடைந்த 40 சி.ஆர்.பி.எப்., வீரர்களுக்கும் விமானப்படை வீரர் அபிநந்தனுக்கும் ஏற்பட்ட அவமானம்'' என்று கூறி இருந்தார்.

இது போல், ஆங்காங்கே சில உள்ளூர் தலைவர்கள், இந்திய விமானப்படை தாக்குதல் பற்றி எதையாவது பேசி, பா.ஜ.,வுக்கு தர்மசங்கடத்தை ஏற்படுத்துகின்றனர்.

Advertisement




வாசகர் கருத்து (31)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
pazhaniappan - chennai,இந்தியா
28-பிப்-201923:38:08 IST Report Abuse
pazhaniappan பாவம் எடியூரப்பா உண்மையை உளறிவிட்டார் , மோடி , நாடு பாதுகாப்பானவர்களின் கையில் உள்ளது என்று கூறினாரே அதற்க்கு என்ன அர்த்தம் யாருடைய கையில் பாதுகாப்பற்று இருந்தது , எந்த அடிப்படையில் அக்கருத்தை கூறினார் ,பாகிஸ்தானில் உள்ள தீவிர வாதிகளின் முகாம்களை அளித்ததில் சந்தோசம் ஆனால் இந்தியாவில் ,குறிப்பாக காஸ்மீரில் தீவிரவாதிகள் இல்லாமல் செய்துவிட்டோமா , இன்று நமது நாடு ,நமது அரசாங்கம் எடுத்திருக்கிற நவடிக்கைகள் பாராட்டுக்குரியது , ஆனல், தேர்தல் காலத்தில் மட்டும் , இந்தியா பாக்கிஸ்தான் பிரச்னை ,ராமர் கோயில் பிரச்னை வருவது வாடிக்கையாக இருப்பதால் இப்படி ஒரு சந்தேகம் சாதாரண மக்களுக்கே வருகிறது ,அப்படிப்பட்ட நேரத்தில் ,எடியூரப்பா போன்றோரும் , ஏன் மோடியின் பேச்சே கூட துரதிர்ஷ்ட வசமானது ,ஒரு வேலை அது உண்மையாக இருக்குமேயானால் ,இவர்களே தீவிரவாதிகளைவிட மோசமானவர்கள்
Rate this:
Share this comment
Cancel
pattikkaattaan - Muscat,ஓமன்
28-பிப்-201923:05:34 IST Report Abuse
pattikkaattaan "நாடு உனக்கு என்ன செய்தது என்று நினைக்காதே , நாட்டுக்காக நீ என்ன செய்தாய் என்று நினை " .. இதுதாங்க அரசியல்வாதிக்கும் , ராணுவ வீரனுக்கும் உள்ள வித்தியாசம் .. வாழ்க பாரத மணித்திருநாடு
Rate this:
Share this comment
Cancel
blocked user - blocked,மயோட்
28-பிப்-201922:32:28 IST Report Abuse
blocked user இவனுக்கு மட்டுமல்ல இங்கு கருத்துப்போடும் மோடி நோயால் பாதிக்கப்பட்டுள்ள பலரும் அதையே சொல்கிறார்கள்.. 1992 இல் காஷ்மீரில் இந்தியக்கொடியை ஏற்றி வைத்தது மட்டுமல்லாது இந்த தேசத்தின் மீது தீராத பற்றுள்ள பிரதமரை பெற நாம் கொடுத்து வைத்து இருக்கவேண்டும்...ஆல் வெதர் சீனா கூட இந்தியாவின் தாக்குதலுக்கு கண்டனம் தெரிவிக்கவில்லை... பல நாடுகள் பாராட்டி இருக்கிறார்கள்.. ஈரான் சொல்லுங்கள் பாக்கிகளை நொங்கெடுக்கிறோம் என்று சொல்கிறது... அவர்களுக்கெல்லாம் கூட இருக்கும் தேசப்பற்று இந்திய மண்ணில் பிறந்த பலருக்கு இல்லை என்பது வேதனையான விஷயம்...
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X