லோக்சபா தேர்தலில் அத்வானி போட்டி?| Dinamalar

லோக்சபா தேர்தலில் அத்வானி போட்டி?

Updated : மார் 21, 2019 | Added : மார் 21, 2019 | கருத்துகள் (19)
லோக்சபா தேர்தலில் அத்வானி போட்டி?

ஆமதாபாத், லோக்சபா தேர்தலில், பா.ஜ., மூத்த தலைவர் அத்வானி, 91, மீண்டும் போட்டியிடுவது பற்றி, இதுவரை, கட்சி சார்பில் எந்த முடிவும் எடுக்கப்படவில்லை.பா.ஜ., மூத்த தலைவர்களில் ஒருவர், அத்வானி.இவர், 1998ம் ஆண்டிலிருந்து, குஜராத் மாநிலம், காந்திநகர் தொகுதியின், எம்.பி.,யாக உள்ளார். மத்தியில், வாஜ்பாய் தலைமையிலான, தே.ஜ., கூட்டணி அரசில், உள்துறை அமைச்சராகவும், துணை பிரதமராகவும் இருந்தார்.




கடந்த, 1984ல் நடந்த லோக்சபா தேர்தலில், பா.ஜ., இரண்டு இடங்களில் மட்டுமே வெற்றி பெற்றது. அதன்பின், கட்சி அடைந்த அசுர வளர்ச்சிக்கு, அத்வானி தான் பெரிதும் காரணம்.கடந்த லோக்சபா தேர்தலின்போது, பா.ஜ., பிரதமர் வேட்பாளராக, நரேந்திர மோடி அறிவிக்கப்பட்டார். இதற்கு, அத்வானி கடும் எதிர்ப்பு தெரிவித்தார். இதையடுத்து, கட்சியிலும், ஆட்சியிலும், அவர் ஓரம் கட்டப்பட்டார்.கடந்த லோக்சபா தேர்தலில், காந்திநகர் தொகுதியில் அத்வானி வெற்றி பெற்ற போதும், அவருக்கு எந்த பதவியும் வழங்கப்படவில்லை; கட்சி பொறுப்புகளும் தரப்படவில்லை.இந்நிலையில், விரைவில் நடக்கவுள்ள லோக்சபா தேர்தலில், அத்வானி மீண்டும் போட்டிடுவாரா என்பது, மர்மமாகவே உள்ளது.இது பற்றி, அத்வானியின்உதவியாளர், தீபக் சோப்ரா கூறுகையில், ''லோக்சபா தேர்தலில் மீண்டும் போட்டியிடுவது பற்றி, அத்வானி எந்த முடிவும் எடுக்கவில்லை. போட்டியிடுவது பற்றி, அத்வானியிடம் கட்சி தலைவர்களும் பேசவில்லை,'' என்றார்.'மீண்டும் போட்டியிட, அத்வானிக்கு வாய்ப்பு அளிப்பது பற்றி, கட்சியின் ஆட்சிமன்ற குழு தான் முடிவு செய்யும்' என, பா.ஜ., வட்டாரங்கள் தெரிவித்தன.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X