மளிகை கடை நடத்தும் பரீக்கர் சகோதரர்| Dinamalar

பொது செய்தி

இந்தியா

மளிகை கடை நடத்தும் பரீக்கர் சகோதரர்

Added : மார் 24, 2019 | கருத்துகள் (22)
மளிகை கடை நடத்தும் பரீக்கர் சகோதரர்

பனாஜி: மறைந்த கோவா முதல்வர் மனோகர் பரீக்கரின் சகோதரர், கோவாவில் மளிகை கடை நடத்தி வரும் புகைப்படங்கள் சமூக வலைதளங்களில் பரவி வருகிறது.
கோவா முதல்வராக இருந்த மனோகர் பரீக்கர் சமீபத்தில் உடல்நலக்குறைவால் காலமானார். கோவாவின் 'மிஸ்டர் கிளீன்' என, அழைக்கப்பட்ட பரீக்கரின் எளிமையை பார்த்து, எதிர்க்கட்சிகள் மற்றும் மக்கள் அவரை விரும்பினர். பரீக்கருக்கு, அவ்துத் மற்றும் சுரேஷ் பரீக்கர் என்ற இரண்டு சகோதரர்கள் உள்ளனர்.
இந்நிலையில், மனோகர் பரீக்கரின் இளைய சகோதரர் சுரேஷ் பரீக்கர்(61) கோவாவின் வடக்கு கோவா பகுதியில்மபுசா மார்க்கெட் பகுதியில் கோபால்கிருஷ்ணா பரீக்கர் என்ற பெயரில் கடை ஒன்றை நடத்தி வருகிறார். இந்த கடையை பரீக்கரின் தந்தை துவக்கியதாகவும், தற்போது சுரேஷ் பரீக்கர் அதனை நடத்தி வருவதாக அப்பகுதியினர் கூறியுள்ளனர். மனோகர் பரீக்கர்,கோவா முதல்வர்,மத்திய பாதுகாப்பு அமைச்சர் என பல பதவிகள் வகித்திருந்தாலும், அவரது உறவினர்கள் அதனை பயன்படுத்தாமல், எளிமையாக வாழ்ந்து வருகின்றனர். சுரேஷ் பரீக்கர் மளிகை கடை நடத்தி வரும் புகைப்படம் சமூக வலைதளங்களில் பரவி வருகிறது.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X