கண்டிப்பாக ஜெயிப்பார் மோடி; காங்கிரசில் சேர்ந்தவர் கணிப்பு| Dinamalar

கண்டிப்பாக ஜெயிப்பார் மோடி; காங்கிரசில் சேர்ந்தவர் கணிப்பு

Added : மார் 26, 2019 | கருத்துகள் (18)
கண்டிப்பாக ஜெயிப்பார் மோடி; காங்கிரசில் சேர்ந்தவர் கணிப்பு

உத்தர பிரதேச, பா.ஜ., தலைவர், மகேந்திர நாத் பாண்டேயின் சகோதரர் ஜிதேந்திர நாத் பாண்டே. அவரின் மருமகள், அம்ரிதா பாண்டே. சமீபத்தில் இவர், ராகுல் சகோதரி, பிரியங்காவை சந்தித்து, காங்கிரசில் இணைந்து உள்ளார். இதற்கு அவர் கூறிய காரணம், 'அடடே...' என, சொல்ல வைக்கிறது. பா.ஜ., தலைவரின் குடும்பத்தைச் சேர்ந்தவர், காங்.,கில் சேர்ந்தது, பா.ஜ.,வுக்கு தர்மசங்கடத்தை ஏற்படுத்தி உள்ளது. 'அம்ரிதா, பா.ஜ., உறுப்பினராக இல்லை. அவர் தனிப்பட்ட முறையில் எடுத்த முடிவால், கட்சிக்கு எந்த பாதிப்பும் இல்லை' என, பா.ஜ., மூத்த தலைவர்கள் கூறுகின்றனர்.

காங்கிரசில் இணைந்தது குறித்து, அம்ரிதா கூறிய விளக்கம் தான், தற்போது, உ.பி.,யில் பரவலாக பேசப்படுகிறது. 'வரும் தேர்தலில், பிரதமர் மோடி தலைமையில், பா.ஜ., மீண்டும் ஆட்சி அமைக்கும். அதே நேரத்தில், 2024 தேர்தலில், பிரதமர் மோடி மீண்டும் போட்டியிடுவாரா என்பது தெரியவில்லை. அதனால், எதிர்காலத்தை மனதில் வைத்து, இந்த முடிவை எடுத்துள்ளேன்' என்றாரே பார்க்கலாம்! இது போதாதா, பா.ஜ.,வுக்கு! இதையே பிரசாரமாக பயன்படுத்துகிறது.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X