சம்பவம் செய்தி

தமிழ்நாடு

பணம், நகைக்காக மூதாட்டிகொலை

Added : ஏப் 06, 2019
Advertisement

வேலூர்: வேலூர் மாவட்டம், பள்ளிகொண்டா அடுத்த எஸ்.என்., பாளையத்தை சேர்ந்தவர் கணபதி. இவர் கடந்தாண்டு இறந்து விட்டார். இவர் மனைவி ஜானகி, 83. இவர்களுக்கு தலா நான்கு மகன்கள், மகள்கள் உள்ளனர். அனைவருக்கும் திருமணமாகி தனித்தனியாக வசிக்கின்றனர். இதனால், ஜானகி மட்டும் அகரம்சேரி ஏரிக்கரையோரம் தனியாக வசித்தார். இவரது கடைசி மகன் வஜ்ஜிரவேலு, 25, தினமும் தாயாருக்கு சாப்பாடு எடுத்து வந்து கொடுத்து விட்டு செல்வார். இந்நிலையில் நேற்று காலை, 9:00 மணிக்கு தாய்க்கு காலை டிபன் கொடுக்க வஜ்ஜிரவேலு வந்தார். வீட்டில் தாய் இல்லை. பீரோ திறந்து கிடந்தது. அதில் உள்ள பொருட்கள் சிதறி கிடந்தன. ஏரிக்கரை அருகில், ஜானகி பிணமாக கிடந்தார். பள்ளிகொண்டா போலீசார் உடலை கைப்பற்றி விசாரணை நடத்தினர். அதில் மர்ம நபர்கள், தனியாக இருந்த ஜானகியை நேற்று முன்தினம் இரவு, 11:00 மணிக்கு கல்லால் தாக்கி கொலை செய்து, அவர் கழுத்தில் அணிந்திருந்த, 10 பவுன் நகை, வீட்டில் இருந்த, 40 ஆயிரம் ரூபாயை கொள்ளையடித்து சென்றது தெரியவந்தது. கொலையாளிகளை போலீசார் தேடி வருகின்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X