துண்டுச் சீட்டு, நாயகன் ஊரெல்லாம் ஒரே பேச்சு| Dinamalar

அரசியல் செய்தி

தமிழ்நாடு

துண்டுச் சீட்டு, 'நாயகன்' ஊரெல்லாம் ஒரே பேச்சு

Added : ஏப் 08, 2019 | கருத்துகள் (39)
துண்டுச் சீட்டு, 'நாயகன்' ஊரெல்லாம் ஒரே பேச்சு

தி.மு.க., தலைவர் ஸ்டாலினின் மகன், நடிகர் உதயநிதி, சிவகங்கை லோக்சபா தொகுதியில் பிரசாரம் செய்தார். இளையான்குடி, மானாமதுரை, திருப்புவனத்தில் ஒரே மாதிரியாக பேசினார்.'ஜெ., மரணத்தில் மர்மம், அப்பல்லோ மருத்துவமனையில் உணவுக்கு, 1.50 கோடி ரூபாய் 'பில்' போட்டது, இந்தியாவின் வில்லன் மோடி...' என, அரைத்த மாவையே அரைத்தார். அவரது உதவியாளர்கள், துண்டுச் சீட்டு மூலம் எழுதி, வேனுக்குள் இருந்து மேலே கொடுக்க, அதை வாங்கி பார்த்தபடி பேசினார்.இதைப் பார்த்த தொண்டர்கள், 'தாத்தா கருணாநிதி பேச்சை ஆரம்பிக்கும் போது, என் உயிரினும் மேலான அன்பு உடன்பிறப்புக்களே என, கம்பீர குரலில் ஆரம்பித்து, இரண்டு மணி நேரத்திற்கும் மேலாகவும் பேசுவார். ஆனால், அப்பா, மகனுக்கு - ஸ்டாலின், உதயநிதி, துண்டுச் சீட்டு இல்லாம முடியாது போல' என, ஆதங்கப்பட்டனர்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X