ஒளியின் வேகத்தை கட்டுப்படுத்த முடியுமா? | Dinamalar

சிறப்பு பகுதிகள்

அறிவியல் மலர்

ஒளியின் வேகத்தை கட்டுப்படுத்த முடியுமா?

Added : ஏப் 11, 2019 | கருத்துகள் (1)
 ஒளியின் வேகத்தை கட்டுப்படுத்த முடியுமா?

இந்தப் பேரண்டத்திலேயே, மிகவும் வேகமாக பயணிக்கும் ஆற்றல் ஒளிக்குத் தான் உண்டு. அந்த ஒளியின் வேகத்தை கட்டுப்படுத்தவும், இன்னும் வேகப்படுத்தவும், ஏன், அதை பின்னோக்கிப் பயணிக்கவும் செய்ய முடியுமா?

முடியும் என்கின்றனர், அமெரிக்காவிலுள்ள மத்திய புளோரிடா பல்கலைக் கழகத்தைச் சேர்ந்த ஆராய்ச்சியாளர்கள். 'ஸ்பாசியல் லைட் மாடுலேட்டர்' என்ற, எளிய கருவியின் ஊடாக ஒளியை செலுத்தி, அந்தரத்திலேயே அந்த ஒளிக்கதிரை இயல்பு வேகத்தை விட பாதியாகக் குறைக்கவும், 30 மடங்கு வேகமாக பயணிக்கவும், வந்த ஒளியை அதே பாதையில் திரும்பச் செல்ல வைக்கவும் முடிந்ததாக, பரிசோதனையில் ஈடுபட்ட ஆராய்ச்சியாளர்கள் தெரிவித்துள்ளனர்.

கடந்த, 2006ல் விஞ்ஞானிகள் ஒளி இழைகளுக்கு நடுவே பாயும் ஒளியை, இது போல கட்டுப்படுத்த முடியும் என்று காட்டியுள்ளனர். ஆனால், புளோரிடா விஞ்ஞானிகள் திறந்த வெளியில் இதை சாதித்துள்ளது குறிப்பிடத்தக்கது, அதிவேக தகவல் தொடர்பு துறை உட்பட, பல இயற்பியல் சார்ந்த துறைகளில் இந்த கண்டுபிடிப்பு பயன்படும்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X