அரசியல் செய்தி

தமிழ்நாடு

ஹிந்து எதிர்ப்பு, சாதிக்பாட்ஷா மரணம்; தி.மு.க.,வுக்கு நெருக்கடி தரும் பிரசாரம்

Updated : ஏப் 15, 2019 | Added : ஏப் 15, 2019 | கருத்துகள் (154)
Advertisement

தி.மு.க., கூட்டணிக்கு நெருக்கடி கொடுக்க, தி.மு.க.,வினரின், ஹிந்து விரோத பேச்சு, ஸ்டாலின் நண்பர் சாதிக்பாட்ஷா மரணம் ஆகிய விவகாரங்களை, மக்களிடம் எடுத்துச் செல்ல, அ.தி.மு.க., தலைமை முடிவு செய்துள்ளது.


தமிழகத்தில், தேர்தல் பிரசாரம் இறுதி கட்டத்தை எட்டியுள்ளது. அ.தி.மு.க., - தி.மு.க., கூட்டணி இடையே, கடும் போட்டி நிலவுகிறது. அ.தி.மு.க., கூட்டணி வேட்பாளர்களை ஆதரித்து, முதல்வர், இ.பி.எஸ்., துணை முதல்வர் பன்னீர்செல்வம் ஆகியோர், பிரசாரம் செய்து வருகின்றனர். தி.மு.க., கூட்டணி வேட்பாளர்களை ஆதரித்து, தி.மு.க., தலைவர் ஸ்டாலின், அவரது மகன் உதயநிதி ஆகியோர், பிரசாரம் செய்து வருகின்றனர். இரு கட்சிகள் சார்பிலும், தேர்தல் அறிக்கைகள் வெளியிடப்பட்டன; அதை யாரும் கண்டுகொள்ளவில்லை.

இரு தரப்பினரும் பிரசாரத்தில், தேர்தல் அறிக்கை குறித்தோ, தொலைநோக்கு திட்டம் குறித்தோ, அதிகம் பேசவில்லை. மாறாக, இதுவரை இல்லாத அளவிற்கு, தனி நபர் தாக்குதலில் தான் ஈடுபட்டு உள்ளனர். நீலகிரி மாவட்டம், கோடநாடு கொலை, கொள்ளை விவகாரத்தில், முதல்வரை சம்பந்தப்படுத்தி, ஸ்டாலின் பிரசாரம் செய்து வருகிறார். அத்துடன் ஒருமையிலும் பேசுகிறார். இது, முதல்வரை கோபப்படுத்தி உள்ளது.

அதற்கு பதிலடி கொடுக்கும் வகையில், அவரும் ஒருமையில் திட்டுவதோடு, 'கருணாநிதியை மருத்துவமனைக்கு அழைத்து செல்லாமல், வீட்டிலேயே சிறை வைத்திருந்தனர்' என, குற்றம் சாட்டியுள்ளார். அத்துடன், ஸ்டாலினுக்கு எதிராக, அவரது நண்பர் சாதிக்பாட்ஷாவின் மர்ம மரணம் விவகாரத்தையும், அ.தி.மு.க.,வினர் மீண்டும் கிளப்புகின்றனர்.

சமீபத்தில், சாதிக்பாட்ஷா மனைவி, டில்லியில், ஜனாதிபதியை சந்தித்து, தன் கணவர் மரணம் குறித்து, மீண்டும் விசாரிக்க வேண்டும் என்று வலியுறுத்தினார். இதை பிடித்துக் கொண்ட, அ.தி.மு.க., தலைமை, இவ்விவகாரத்தை பிரசார ஆயுதமாக பயன்படுத்த, முடிவு செய்துள்ளது. அதேபோல், ஹிந்து மத கடவுளான கிருஷ்ணரை, தி.க., தலைவர் வீரமணி இழிவாக பேசியது, சர்ச்சையை ஏற்படுத்தியது.


அதன் தொடர்ச்சியாக, 'ஹிந்து மத விரோத கூட்டணியான, தி.மு.க.,வுக்கு ஓட்டளிக்காதீர்கள்' என, ஹிந்து அமைப்புகளை சேர்ந்தவர்கள், பிரசாரம் செய்து வருகின்றனர். இதற்கு, ஹிந்துக்களிடம் வரவேற்பு கிடைத்துள்ளது. இதனால், எந்தத் தேர்தலிலும் இல்லாமல், இந்த தேர்தலில், ஹிந்து ஓட்டு என்ற பிரசாரம் விஸ்வரூபம் எடுத்துள்ளது. இது, தி.மு.க., கூட்டணிக்கு சிக்கலை ஏற்படுத்துவதாக அமைந்துள்ளது. இதை அறிந்த ஸ்டாலின், தேர்தல் பிரசாரத்தில், ஹிந்துக்களுக்கு எதிரானதல்ல, தி.மு.க., என, விளக்கம் கூறி வருகிறார்.

'ஹிந்து விரோத கட்சி, தி.மு.க., என்று, சமூக வலைதளங்களில் பிரசாரம் செய்வோர் மீது, நடவடிக்கை எடுக்க வேண்டும்' என்று, தேர்தல் ஆணையத்திலும், தி.மு.க., சார்பில் புகார் அளிக்கப்பட்டுள்ளது. தி.மு.க.,வினரிடம் ஏற்பட்ட கலக்கம், அ.தி.மு.க., கூட்டணிக்கு, உற்சாகத்தை ஏற்படுத்தி உள்ளது. எனவே, இவ்விரு விவகாரங்களையும், முக்கிய பிரசார ஆயுதமாக பயன்படுத்த, அ.தி.மு.க., கூட்டணியினர் முடிவு செய்துள்ளனர். இதற்கு பதிலடி கொடுக்க, தி.மு.க.,வினரும் தயாராகி வருகின்றனர்.

- நமது நிருபர் -

Advertisement




வாசகர் கருத்து (154)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Sriram - Mumbai,இந்தியா
16-ஏப்-201912:16:17 IST Report Abuse
Sriram என் மதத்தியும் நான் வணங்கும் கடவுளையும் அவமதிக்கும் கட்சிக்கு எதற்காக வோட்டு போடா வேண்டும். இவர்கள் கட்சியில் எவராவுது மாற்று கருத்து பேசினால் கட்சியை விட்டு நீக்குகிறாள்கள் இல்லையா , அதைமாதிரி நாமும் இந்த ஹிந்து விரோத கட்சிகளை நீக்குவோம்
Rate this:
Share this comment
Cancel
16-ஏப்-201912:05:42 IST Report Abuse
சௌக்கிதார் வேலங்குடியான் ஜப்பானின் துணை முதல்வர் என்று அழைக்கப்படும் திரு.சுடலை இத்துடன் புதிய பட்டமான ஹிந்துக்களின் எதிரி என்பதையும் சேர்த்து அழைக்கப்படுவார்....
Rate this:
Share this comment
Cancel
16-ஏப்-201912:04:05 IST Report Abuse
சௌக்கிதார் வேலங்குடியான் ஜப்பானின் துணை முதல்வர் என்று அழைக்கப்படும் திரு.சுடலை அவர்கள் இன்று முதல் ஹிந்துக்களின் எதிரி என்று எல்லாராலும் அன்போடு அழைக்கப்படுவார்....
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X