பழநி:''மேகதாது அணைக்கு மத்திய அரசு ஆதரவு அளிப்பதின் மூலம், தமிழக தண்ணீர் ஆதாரங்களை அழிக்க முயற்சி நடக்கிறது,'' என வைகோ பேசினார்.தி.மு.க., லோக்சபா வேட்பாளர் வேலுச்சாமியை ஆதரித்து ம.தி.மு.க., பொதுச்செயலாளர் வைகோ பழநி, திண்டுக்கல்லில் பிரசாரத்தில் ஈடுபட்டார். அவர் பேசியதாவது: மத்திய அரசு தமிழகத்திற்கு முல்லைபெரியாறுஅணை, மேகதாதுஅணை பிரச்னை போன்ற விஷயங்களில் துரோகம் செய்துள்ளது. மேகதாது அணை கட்டப்பட்டால் தஞ்சையில் 25 லட்சம் ஏக்கர் தரிசாகிவிடும். காவிரி கூட்டுகுடிநீர் திட்டம் இருக்காது. பிரதமர் மோடி கஜாபுயலில் இறந்தவர்களுக்கு அனுதாபம் தெரிவிக்கவில்லை, என்றார்.