பதிவு செய்த நாள் :
வேலூர் தொகுதியில்
தேர்தல் ரத்து?

சென்னை: துரைமுருகன் மற்றும் அவருக்கு நெருக்கமானவர்கள் வீடுகளில், வருமான வரித் துறையினர் சோதனை நடத்தி, கோடிக்கணக்கான ரூபாயை பறிமுதல் செய்ததைத் தொடர்ந்து, தேர்தல் ரத்து செய்யப்பட உள்ளதாக, தகவல் வெளியாகி உள்ளது.

Vellore,வேலூர்,தொகுதி,தேர்தல்,ரத்து?


தி.மு.க., பொருளாளர் துரைமுருகனின் மகன், கதிர் ஆனந்த், வேலுார் லோக்சபா தொகுதியில், தி.மு.க., சார்பில் போட்டியிடுகிறார். துரைமுருகன் வீட்டில், தேர்தலுக்காக பணம் பதுக்கி வைக்கப்பட்டிருப்பதாக, கிடைத்த தகவல் அடிப்படையில், மார்ச், 30ம் தேதி, வருமான வரித் துறையினர் சோதனை நடத்தினர்.

சோதனையில், 10 லட்சம் ரூபாய் பணம் மட்டும் சிக்கியது. மறுநாள் அதிகாலை, துரைமுருகனுக்கு நெருக்கமான சீனிவாசன் என்பவருக்கு சொந்தமான, சிமென்ட் கிடங்கில், வருமான வரி அதிகாரிகள், திடீர் சோதனை நடத்தினர். அங்கு மூட்டைகளில் கட்டி வைக்கப்பட்டிருந்த, கோடிக்கனக்கான மதிப்புள்ள, புத்தம் புது ரூபாய் நோட்டுகள் பறிமுதல் செய்யப்பட்டன.

இது குறித்து, வருமான வரித்துறையினர், தேர்தல் ஆணையத்திற்கு, அறிக்கை அளித்தனர். மாவட்ட தேர்தல் அலுவலர், போலீசார் ஆகியோர் தனித்தனியே அறிக்கை அளித்தனர். அவற்றின் அடிப்படையில், தமிழகத் தலைமை தேர்தல் அதிகாரி சத்யபிரதா சாஹு, தேர்தல் ஆணையத்திற்கு, அறிக்கை அனுப்பினார்.

வேலுார் தொகுதியில், பட்டுவாடா துவங்குவதற்கு முன், பணம் பறிமுதல் செய்யப்பட்டதால், தேர்தலை ரத்து செய்யலாமா,

Advertisement

வேண்டாமா என்று, தேர்தல் ஆணையம் சார்பில், டில்லியில் ஆலோசனை நடந்துள்ளது. இந்த சூழ்நிலையில், நேற்று இரவு, தேர்தல் ரத்து செய்யப்பட உள்ளதாக, தகவல் பரவியது. ஆனால், அதிகாரப்பூர்வ அறிவிப்பு எதுவும் வரவில்லை.

ஒருவேளை, வேலுார் லோக்சபா தொகுதி தேர்தல் ரத்து செய்யப்படுமானால், அதில் அடங்கிய, குடியாத்தம், ஆம்பூர் சட்டசபை தொகுதிகளுக்கான இடைத்தேர்தலும் ரத்தாகி விடும் என, தேர்தல் ஆணைய வட்டாரம் தெரிவித்தது.


Advertisement

வாசகர் கருத்து

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X