ஆற்காடு அருகே போலீஸ் துப்பாக்கிச்சூடு| Dinamalar

சம்பவம் செய்தி

தமிழ்நாடு

ஆற்காடு அருகே போலீஸ் துப்பாக்கிச்சூடு

Updated : ஏப் 18, 2019 | Added : ஏப் 18, 2019 | கருத்துகள் (16)
அரியலூர், பா.ம.க., பாமக, விடுதலை சிறுத்தைகள், வி.சி., அதிமுக, அமமுக

அரக்கோணம்:வேலுார் மாவட்டம் அரக்கோணம் தொகுதிக்குட்பட்ட ஆற்காடு அருகே கீழ்விஷாரத்தில் வானை நோக்கி போலீசார் துப்பாக்கிச்சூடு நடத்தினர். ஓட்டுப்பதிவு இறுதி நேரத்தில் வாக்குச்சாவடியை நோக்கி கூட்டமாக சிலர் வந்த நிலையில், கூட்டத்தை கலைக்கவும் நிலைமையை கட்டுப்படுத்தவும் போலீசார் வானத்தை நோக்கி துப்பாக்கிசூடு நடத்தினர்.

இது தவிர பெரம்பலூர்: சிதம்பரம் தொகுதி பொன்பரப்பி, ஆம்பூர், ஆரணியில் ஓ ட்டுப்பதிவின் போது இரு தரப்பினர் இடையே ஏற்பட்ட மோதலில் லேசான தடியடி நடத்தப்பட்டது. 20க்கும் மேற்பட்ட வீடுகள் சேதமடைந்தன.


பானை உடைப்பு: மோதல்


சிதம்பரம் தொகுதியில் விடுதலை சிறுத்தைகள் கட்சி தலைவர் திருமாவளவன் பானை சின்னத்தில் போட்டியிடுகிறார். இந்த தொகுதிக்கு உட்பட்ட அரியலூர் மாவட்டம் பொன்பரப்பி கிராமத்தில், பாமகவை சேர்ந்த இளைஞர் ஒருவர் பானை ஒன்றை உடைத்தார். இதனால், பா.ம.க., மற்றும் வி.சி., கட்சியினருக்கு இடையே தகராறு ஏற்பட்டது. கைகலப்பாக மாறியது. பின்னர் அங்கு வந்த பா.ம.க.,வினர் அப்பகுதியில் இருந்த 20க்கும் மேற்பட்ட வீடுகளை சூறையாடினர். அந்த பகுதியில் பதற்றம் ஏற்பட்டது. தொடர்ந்து போலீசார் குவிக்கப்பட்டுள்ளனர்.







தி.மு.க., பா.ம.க., மோதல்


வேலூர் மாவட்டம், குடியாத்தம் அடுத்த கல்லார் ஊராட்சியில் தி.மு.க., மற்றும் பா.ம.க., இடையே மோதல் ஏற்பட்டது.

இடைத்தேர்தல் நடக்கும் ஆம்பூர் சட்டசபை தொகுதிக்கு உட்பட்ட பகுதிகளில் அ.தி.மு.க., அ.ம.மு.க., கட்சியினர் இடையே மோதல் ஏற்பட்டது. அமமுக வேட்பாளர் கார் கண்ணாடி உடைக்கப்பட்டது. ஒருவரின் மண்டை உடைந்தது. இதனையடுத்து போலீசார் தடியடி நடத்தி கூட்டத்தை கலைத்தனர்.

திருவண்ணாமலை மாவட்டம் ஆரணியில் தி.மு.க., மற்றும் அ.தி.மு.க.,வினர் இடையே மோதல் ஏற்பட்டுள்ளதால், அங்கு போலீசார் விரைந்துள்ளனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X